150 Tempuj në Funksionim
Gjatë sesionit të paradites të së dielës në konferencë, Presidenti Tomas S. Monson njoftoi planet për të ndërtuar katër tempuj të tjerë: në Belem, Brazil; Kuito, Ekuador; Limë, Peru dhe Harare, Zimbabve.
Që nga konferenca e përgjithshme e fundit, kanë ndodhur këto ngjarje që përfshijnë tempujt:
Përkushtime dhe Ripërkushtime
Me përkushtimin e Tempullit të Qendrës së Provo-Sitit në Provo të Jutës, SHBA, Kisha tani ka 150 tempuj në funksionim anembanë botës. Tempulli u përkushtua më 20 mars 2016, ditë përpara përvjetorit të 180-të të përkushtimit të Tempullit të Kirtlandit, tempullit të parë të Rivendosjes, më 27 mars 1836.
Tre tempuj të tjerë u përkushtuan ose ripërkushtuan: Tempulli i Montrealit në Kebek në nëntor 2015, Tempulli i Tihuanës në Meksikë në dhjetor 2015 dhe Tempulli i Suvës në Fixhi në shkurt 2016.
Planifikohen përkushtime edhe për Tempullin i Saporos në Japoni, më 21 gusht 2016; Tempullin e Filadelfiës në Pensilvani, më 18 shtator 2016; Tempullin e Fort-Kolinsit në Kolorado, më 16 tetor 2016; Tempullin e Star-Vallejit në Uajoming, më 30 tetor 2016 dhe për Tempullin e Hartfordit në Konektikat, më 20 nëntor 2016.
Tempulli i restauruar i Frajbergut në Gjermani, do të ripërkushtohet më 4 shtator 2016.
Ndërtime dhe Restaurime
Ndërtimet vazhdojnë në Tempullin e Konsepsionit në Kili, Tempullin e Parisit në Francë, Tempullin e Romës në Itali dhe në tempujt vijues në Shtetet e Bashkuara: Sidër-Siti, Juta, Meridian Ajdaho dhe Tuson, Arizona. Datat e përfundimit shtrihen nga viti 2016 deri në vitin 2018. Ndërtimi në shkallë të gjerë ka mbetur pezull për Tempullin e Fortalezës në Brazil. Tempujt e Frankfurtit, Gjermani, e Xhordan-Rivërit, Juta dhe të Ajdaho Follsit, Ajdaho janë nën restaurim.
Ceremoni të Fillimit të Ndërtimit
Ceremoni të fillimit të ndërtimit u mbajtën për Tempullin e Lisbonës në Portugali në dhjetor 2015 dhe për Tempullin e Barankijës në Kolumbi e për Tempullin e Kinshashës në Republikën Demokratike të Kongos në shkurt 2016. Ceremonia e fillimit të ndërtimit për Tempullin e Durbanit në Afrikën e Jugut u zhvillua më 9 prill 2016.
Planifikim dhe Përgatitje
Këta tempuj janë njoftuar, por janë ende në faza planifikimi dhe përgatitore: Abixhan në Bregun e Fildishtë (Côte d’Ivoire), Arekipa në Peru, Bangkok në Tajlandë, Prot-o-Prens në Haiti, Rio-de-Zhanejro në Brazil, Urdaneta në Filipine dhe Unipeg në Manitoba.