Burime të Reja të Shërbesës

Katër tema të reja i janë shtuar Ministering Resources [Burimeve të Shërbesës] (ministering.lds.org) për të mbështetur udhëheqësit e kunjit dhe të lagjes ndërsa u shërbejnë grupeve të mëposhtme: kujdestarëve, misionarëve që kthehen herët në shtëpi, çifteve që po përballen me konflikte martesore dhe individëve që po përballen me sëmundje mendore.

Anëtarët e këshillit të lagjes kanë të drejtë hyrjeje te këto burime, për t’i ndihmuar ata të mësojnë se si t’i mbështetin më mirë anëtarët. Këto burime janë në dispozicion në gjuhën angleze dhe do të përkthehen së shpejti në nëntë gjuhë të tjera.