Vakayagataki tiko e 150 na Valetabu
Ena soqoni ni koniferedi ena mataka ni Sigatabu, a kacivaka kina o Peresitedi Thomas S.Monson na inakinaki me tara e va tale na ikuri ni valetabu e Belém, Brazil; Quito, Ecuador; Lima, Peru; kei Harare, Zimbabwe.
Mai na koniferedi raraba sa oti, sa yaco kina na veika oqo me baleta na valetabu:
Vakatabui kei na Vakatabui Tale
Ni sa na vakatabui na Valetabu na Provo City Center mai Provo, Utah, e Amerika, sa 150 na valetabu era sa vakayagataki tu oqo e vuravura raraba. A vakatabui na valetabu ena 20 ni Maji, 2016, ena vica na siga ni bera na vakananumi ni ika 180 ni yabaki ena 27 ni Maji, 1836, ka vakatabui kina na Valetabu mai Kirtland, na imatai ni valetabu ni Veivakalesui mai.
E tolu tale na valetabu era sa vakatabui se vakatabui tale: na Valetabu na Montreal Quebec ena Noveba 2015, na Valetabu na Tijuana Mexico ena Tiseba 2015, kei na Valetabu na Suva Fiji ena Feperueri 2016.
Sa tuvai tale tu ga na vakatatabu baleta na Valetabu na Sapporo Japan, 21 ni Okosita, 2016; na Valetabu na Philadelphia Pennsylvania, ena 18 ni Sepiteba, 2016; na Valetabu na Fort Collins Colorado, 16 ni Okotova, 2016; na Valetabu na Star Valley Wyoming, 30 ni Okotova, 2016; kei na Valetabu na Hartford Connecticut, 20 ni Noveba, 2016.
Ena vakatabui tale na valetabu vakavoui na Freiberg Germany ena 4 ni Sepiteba, 2016.
Tara kei na Vakavoui
Toso tiko na tara ni Valetabu na Concepción Chile, Valetabu na Paris France, Valetabu na Rome Italy, kei na veivaletabu oqo e Amerika: Cedar City Utah, Meridian Idaho, kei Tucson Arizona. Na tikinisiga me ra vakacavari kina e tekivu mai na 2016 ki na 2018. Sa vakarau tiko na taravale ni Valetabu na Fortaleza Brazil. Era vakavoui tiko oqo na valetabu na Frankfurt Germany, Jordan River Utah, kei na Idaho Falls Idaho.
Kelivaki yavu
A vakayacori na kelivaki ni yavu baleta na valetabu mai Lisbon Portugal ena Tiseba 2015 kei na Valetabu na Barranquilla Colombia kei na Valetabu na Kinshasha Democratic Republic of the Congo ena Feperueri 2016. A vakayacori na kelivaki yavu ni Valetabu na Durban South Africa ena 9 ni Epereli, 2016.
Tuvatuvalaki kei na Vakavakarau
Na veivaletabu oqo era sa kacivaki ia era tuvai se vakarautaki tiko: Abidjan Ivory Coast (Côte d’Ivoire), Arequipa Peru, Bangkok Thailand, Port-au-Prince Haiti, Rio de Janeiro Brazil, Urdaneta Philippines, kei na Winnipeg Manitoba.