Elder Weatherford T. Clayton

Sa vakavinavinakataka vakalevu o Elder Weatherford T. Clayton na madigi me veiqaravi. E dau liu vua na cakacaka ni Turaga. E dau lomana vakalevu na tamata ka qaqaco na kena isema ki na nona matavuvale.

“Ena kosipeli i Jisu Karisito, sa rawa kina ni da vakasoqoni vata yani ki vale,” e kaya o Elder Clayton. “Sa vakila na noqu matavuvale na nodra veivakayarayarataki o ira era sa liu yani. Era sa dina me vakataki keda ga na tiko oqo.”

A sucu mai California, Amerika ena 1 ni Maji, 1952, vei rau o Whitney Clayton Jr. kei Elizabeth Touchstone Clayton, a rawata o Elder Clayton e dua na ivakadinadina kaukauwa baleta na veituberi vakamatavuvale ena nona itabagone. Ena vuku ni nona sasaga e dua na dauveituberi vakamatavuvale, eratou a ciqoma kina, ni se qai yabaki 12, o koya kei na nona matavuvale na veiyalayalati bibi ni kosipeli ka ratou vauci ena Valetabu mai Salt Lake ena 1964 mai vei Elder Harold B. Lee ena gauna oya, ena Kuoramu ni iApositolo Le Tinikarua.

Ni vakasamataka na sala eso e vakarautaki koya kina na Turaga me veiqaravi, e kaya o Elder Clayton ni dau vakauqeti koya vakavuqa na nodra ivakaraitaki eso tale: “Au dau sarava na nodra solia nodra bula vua na Turaga na itokani kei na matavuvale ka kunea na reki ena veiqaravi era vakayacora vua na Kalou.”

Ni a vakacavara na veiqaravi ena tabana ni Kaulotu na French Canadian, e a laki vuli ena Univesiti mai Utah, e a qai sotavi Lisa Thomas. Erau a vakamau ena 17 ni Maji, 1976, ena valetabu e Salt Lake. Erau nodratou itubutubu e lima na gone.

A rawata o Elder Clayton e dua na diqiri ni vulici ni vakasama ka vakacavara na vuli vuniwai ena University mai Utah. A cakacaka ena dua na veiqaravi ni vuniwai vakaitaukei me obstetrician-gynecologist mai na 1985 ki na 2013, ni se bera nona kacivi me peresitedi ni Tabana ni Kaulotu na Canada Toronto.

Sa veiqaravi oti o koya vaka: iliuliu ni kaulotu, qasenivuli ni iVakavuvuli ni Kosipeli, peresitedi ni Cauravou, kenadau ni tuvakawa, qasenivuli ni kalasi ni iTabagone ni Wilivola ni Sigatabu, bisopi, lewe ni matabose e cake, daunivakasala ena mataveiliutaki ni iteki, ka peresitedi ni iteki.