Elder Mark A. Bragg
Vitusagavulu, Vakaitutu Raraba
Ni yabaki 14 o Mark Bragg, era a vakaveikilaitaka na nona matavuvale ki na Lotu na nona itokani mai na nona timi ni baseball. A papitaiso o Mark, ka yaco me bulabula vakalotu o tinana.
“A veisautaka na neitou bula,” e kaya o Elder Bragg.
A sucu o Mark Allyn Bragg ena 16 ni Epereli, 1962, mai Santa Monica, California e Amerika, vei rau o Donald E. kei Diane Bragg.
Ni vuli tiko ena University e Utah, a kacivi o Elder Bragg me laki veiqaravi ena Tabana ni Kaulotu na Mexico Monterrey, ena veiliutaki nei peresitedi ni kaulotu o Roy H. King kei na watina o Darlene O. King.
Ni oti na kaulotu nei Elder Bragg, sa tekivu me gadiva na luvena yalewa gone duadua na nona peresitedi ni kaulotu, o Yvonne. Erau a vakamau ena Valetabu e Los Angeles California ena 17 ni Maji, 1984.
Ni oti nona mate sega ni namaki na tamai Elder Bragg, erau a lesu tale na veiwatini ki California me tekivu nona cakacaka ena tabana ni baqe (a mai cava nona cakacaka ena itutu vakaivukevuke e cake ni peresitedi ni Bank of America) ka me voleka vei tinai Elder Bragg.
Me na oti e vitu na yabaki ni bera ni ra qai yaco mai na gone ki na matavuvale na Bragg. “Ena so na gauna e vaka me keirau dau vulagi, ena neitou matavuvale sara mada ga,” e nanuma lesu o Elder Bragg.
Oti—“ena siga vinaka duadua e vuravura”—sa qai vakasucuma o Sisita Bragg na kena imatai ena va na luvei keirau. “Au nanuma … niu a vakasamataka ni sega tale beka ni dua na tamata mamarau cake mai vei au ena gauna oya,” e kaya o Elder Bragg.
A sega ni dau rawarawa na bula e neitou matavuvale. Ena siga a tokoni kina o Elder Bragg me bisopi ena tabanalevu a tubu cake kina, a leqa kina na tinana ena dua na butako motoka. Nona veibulu e kena imatai me veiliutaki kina ena nona sa bisopi. “Era dau tu na iSoqosoqo ni Veivukei e veisiga ena neitou matavuvale,” a nanuma lesu o koya.
Na veilesoni oya ni loloma, veiqaravi, kei na veikauwaitaki ena dau dusimaki Elder Bragg ena nona veiqaravi vaka-Lotu ena veisiga ni mataka—vakaperesitedi ni iteki, Vitusagavulu ni iWasewase, kei na liganicakacaka ni valetabu.