Elder Evan A. Schmutz

E vakavinavinakataka o Elder Evan Antone Schmutz na gauna ni ivakatakila eso sa dau nuitaki koya kina na Turaga. Sa vakatitobutaki na nona saumaki ki na kosipeli mai na vuli ivolanikalou e veigauna, veiqaravi ena matanitu, ka talairawarawa ki na veika sa yalataki koya kina vua na Kalou.

A sucu ena 6 ni June, 1954, mai St. George e Utah, Amerika, vei rau o Richard kei Miriam Schmutz, se vulica taumada sara o Elder Schmutz na mana ni masu. Ni sikauti voli a volitaka o koya na tikite ni dua na jabori ka rauta ni $17 ni Amerika ia a sega ni rawata rawa na ilavo ena gauna sa kumuni kina. A vakayaloqaqataki koya o tinana me masulaka, qai vakatakila vua na Turaga na vanua saraga e tiko kina na ilavo. Qo e dua na veivakadeitaki kaukauwa ni nona loloma na Kalou kei na Nona kauwaitaki koya.

Ni yabaki 18, a kautani na bula nei ganena qase ena dua na vakacalaka ena motoka. A tarai koya sara vakalevu, ka kauta mai eso na veigauna vakayalo bibi.

Ni oti ga vakalailai mai na gauna oya a kacivi me laki kaulotu ka gole yani me laki tuberi. A masulaka me dua nona ivakadinadina me baleta na kosipeli. Ni dikeva toka nodra vakavulica eso na qasenivuli na iMatai ni Raivotu, e kaya, “au ciqoma e dua na ivakadinadina kaukauwa sara na kena mana sa sega kina ni rawa meu tikoga ena rumu.”

Ni oti nona veiqaravi ena Tabana ni Kaulotu na North Carolina Greensboro, a raica o Elder Schmutz me tomana tikoga nona vulica na ivolanikalou e veisiga ena vo ni nona bula. “Au sa kunea na reki levu, na vuli yadua, kei na kilaka mai na vuli vakamataka lailai ena dua na gauna balavu sara.”

A vakamautaki Cindy Lee Sims o Elder Schmutz ena 3 ni Feperueri, 1978, ena valetabu mai Provo Utah. A rawata o Elder Schmutz e dua na diqiri ni vosa Vakavalagi kei na dua na juris doctorate mai na Brigham Young University. A cakacaka saumi ena vicavata na kabani ni loya mai na 1984 ki na 2016.

Ni sotava tiko nodra gagadre e lima na gone, a veiqaravi o Elder Schmutz vakalewe ni matabose e cake, bisopi, lewe ni mataveiliutaki ni iteki, peresitedi ni Tabana ni Kaulotu na Philippines Cebu (2011–14), peresitedi ni tabana ena koronivuli ni vakarau ki na kaulotu, ka lewe ni Kalima ni Kuoramu ni Vitusagavulu.