Sa tu ena Initaneti na Veivakalougatataki Vakapeteriaki

Na iyaya ni cakacaka vovou ena initaneti ena rawa kina vei ira na lewenilotu me ra raica vakarawarawa na veivakalougatataki vakapeteriaki. Ena rawa vei ira na lewenilotu me ra kerea e dua na ilavelave ni nodra veivakalougatataki vakapeteriaki vakompiuta ka kerea e dua na ilavelave ni veivakalougatataki mai vei ira na tubudra sa takali yani (ena ciqomi ena meli se imeli). Sa rawa vei ira na iliuliu ni Matabete me ra vakauta ena kompiuta na vakatutu ni veivakalougatataki, ka rawa vei ira na peteriaki me ra raica na vakatutu ni veivakalougatataki ka vakauta na ilavelave vakompiuta ni veivakalougatataki ni sa soli oti na veivakalougatataki.

Era sa tu na iyaya ni cakacaka oqo vei ira e sivia ni 50 na pasede ni iteki ena Lotu, ena vosa Vakavalagi, Sipeni, kei Potukali. Ena yabaki mai qo sa dodonu me na vakarau ena 14 na vosa kei na iteki kece sara.