Vakavoui na iWasewase ni Koniferedi ena LDS.org

Sa na rawarawa cake sara na kunei kei na kilai ni itikotiko ni koniferedi raraba ena initaneti, vakavinavinakataki na kena sa vakavoui na iwasewase ni koniferedi raraba ena LDS.org. Na veisau e oka kina:

• Kunei totolo ni itikotiko e vinakati, ni sa toka sara ga na kena itaba o koya e vosa ena yasa ni ulutaga ni vosa.

• E dua ga na ba ni vaqaqara ena ulu ni veitabana, ka na rawa kina me (1) laurai na veikoniferedi raraba yadua mai na 1971 me yacova mai nikua, (2) na rawa ni noda vaqaqara ena yacadra na vosa, kei na (3) noda rawa ni vaqara na vosa me vaka na ulutaga vakosipeli.

• Na vakarawarawataki ni veivosa yadua, ka vakayagataki na ivakatakilakila ena ulu ni tabana ena vukudra era via vakarorogo, lavetaka, tabaka, se wasea.

Na iwalewale oqo ena cakacaka vakavinaka ena desktop, laptop, kei na iyaya veikauyaki. Sa vakacurumi na veisau ena vosa Vakavalagi, Sipeni kei na Potukali, ka na vakarautaki ena sivia ni 80 na vosa ena veivula ka lako mai.