Mga Istorya sa Basahon ni Mormon
Paglawig ngadto sa Gisaad nga Yuta
Gikan sa Ether 2–3; 6
Si Jared ug ang iyang igsoong lalaki nagpuyo sa usa ka walog uban sa ilang mga pamilya ug mga higala. Si Jesukristo mibisita sa igsoong lalaki ni Jared. Iya siyang giingnan nga maghimo og mga sakayan aron dad-on ang iyang katawhan tabok sa kadagatan paingon sa gisaad nga yuta.
Ang mga tawo mihimo og mga sakayan nga walay mga bintana. Ang igsoong lalaki ni Jared nabalaka kon unsaon nila sa pagginhawa ug pagkakita. Miingon si Jesus nga kinahanglan silang mohimo og mga lungag diha sa mga sakayan aron dunay hangin.
Apan unsa man ang mahitungod sa kahayag? Ang igsoong lalaki ni Jared mihimo og 16 ka sinaw nga mga bato. Gihangyo niya si Jesus nga hikapon kini pinaagi sa Iyang tudlo aron modan-ag kini.
Ang igsoong lalaki ni Jared nakakita ni Jesus nga mihikap sa kada bato pinaagi sa Iyang tudlo. Ang mga bato sanag nga midan-ag. Tungod kay duna siyay dako kaayo nga pagtuo, ang igsoong lalaki ni Jared nakakita ni Jesukristo!
Ang Dios mipadala og kusog nga hangin aron mopadpad sa mga sakayan tabok sa kadagatan. Sa dihang miabut sila sa gisaad nga yuta, ang mga Jaredite nag-ampo aron magpasalamat sa Dios sa pagpanalipod kanila.
Mahisama kita sa igsoong lalaki ni Jared kon mosalig kita sa Dios ug magbaton og hugot nga pagtuo diha ni Jesukristo.