Mga Ideya sa Family Home Evening
Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ehemplo.
“Ang Gagmayng mga Bata ug ang Sakrament,” pahina 16: Human mabasa ang artikulo isip mga ginikanan, mahimo ninyong hisgutan ang mga paagi sa pagtudlo sa inyong batan-ong mga anak kabahin sa kaimportante sa sakrament ug ang mga pakigsaad nga sa umaabut ilang himoon panahon sa bunyag. Mahimo ninyong gamiton ang mga pag-ampo sa sakrament (makita sa Doktrina ug mga Pakigsaad 20:77, 79) aron sa pagtudlo kabahin sa mga saad nga atong gihimo atol sa bunyag ug sa unsang paagi ang pag-ambit sa sakrament matag Dominggo nagtugot kanato sa pagbag-o niadto nga mga saad. Makahunahuna usab kamo og mga ideya sa pagtabang sa inyong gagmayng mga bata nga maghunahuna sa Manluluwas atol sa sakrament, sama sa paghimo og simple nga mga picture book nga adunay mga hulagway sa Manluluwas.
“Usa ka Resipe alang sa Pagkat-on,” pahina 62: Kon duna kamoy mas magulang nga mga anak nga nagtuon sa mga kasulatan sa ilang kaugalingon, hunahunaa ang pagbasa niini nga artikulo uban kanila ug pagdapit kanila nga sulayan ang mga ideya gikan sa artikulo. Pwede nimong pahimoon og personal study journal ang matag sakop sa pamilya ug regular nga maghimo og mga tumong nga isulat dinhi. Ang mga sakop sa pamilya mahimong moboluntaryo sa pagpakigbahin og mga hunahuna ug mga impresyon gikan sa ilang mga journal sa umaabut nga mga family home evening.