Meʻa Mahuʻinga Fakatokāteline
Ko e Fakatomalá ko ha Meʻaʻofa Ia ʻa e ʻOtuá Maʻatautolu
“Ko e taha ʻoku tau faʻa fanongo aí ko e ʻofa ʻa e ʻOtuá ʻoku ʻikai faituʻunga.’ Neongo ʻene moʻoní, ka ʻoku ʻikai ke ʻasi e foʻi lea ia ko e faituʻunga ʻi he folofolá. …
“ʻE ʻofa maʻu pē ʻOtuá ʻiate kitautolu, ka he ʻikai ke Ne lava ʻo fakahaofi kitautolu ʻi heʻetau ngaahi angahalá. Manatu ki he ngaahi lea ʻa ʻAmuleki kia Sisolomé, he ʻikai fakahaofi ʻe he Fakamoʻuí Hono kakaí ʻi heʻenau ngaahi angahalaá, he ko e ʻuhingá he “ʻoku ʻikai ke lava ʻo maʻu ʻe ha meʻa taʻemaʻa ʻa e puleʻanga ʻo e langí’ [ʻAlamā 11:37] pe nofo ʻi he ʻao ʻo e ʻOtuá. …
“ʻOku tau ako mei he Tohi ʻa Molomoná ko e taumuʻa ʻo e mamahi ʻa Kalaisí, ʻa e tumutumu ʻo hono fakahaaʻi ʻEne ʻofá—ke “fakahoko ʻa e finangalo ʻaloʻofá, ʻa ia ʻokú ne taʻofi ʻa e fakamaau totonú, pea ʻomi ai ha ngaahi founga ki he tangatá ke nau maʻu ai ha tui ke fakatomala.’ [ʻAlamā 34:15]. …
“Ko e Fakatomalá ko ʻEne meʻaʻofa ia kiate kitautolu, naʻe fakatau ʻaki ha mahuʻinga mamafa fau.”