Ko e hā e vakai ʻa e Siasí ki he kulukia-tamakí, (loto mafasiá), pea te u tokangaʻi fēfē ia?

ʻOku ʻi ai ha ngaahi taimi ʻoku tau ongoʻi lotosiʻi ai pea ʻe lava ke tokoni e ongoongolelei ʻo Sīsū Kalaisi kuo toe fakafoki maí pea mo e poupou mei he fāmilí, kau takí pea mo ha niʻihi kehe, ke tau toe maʻu ha fiemālie, fiefia mo ha nonga. Ka kuo talamai ʻe he kau taki ʻo e Siasí, ko e kulukia-tamaki pe hulutuʻa ʻo e loto mafasiá (MDD), ko ha mahaki ia ʻoku fakatuʻutāmaki ange pea ʻe lava ke ne uesia e malava ʻa ha taha ʻo ngāue lelei. Naʻe fokotuʻu mai ʻe ʻEletā Sefilī R. Hōlani ʻo e Kōlomu ʻo e Kau ʻAposetolo ʻe Toko Hongofulu Mā Uá ha ngaahi meʻa ke fai kapau ʻoku tōtuʻa hoʻo loto-mafasiá pe kulukia-tamakí:

• ʻOua naʻa mole hoʻo tui ki he Tamai Hēvaní mo Sīsū Kalaisi.

• Fai e ngaahi meʻa te ne ʻomi e Laumālié ki hoʻo moʻuí (lotu, ako folofola, mo e alā meʻa pehē).

• Kumi faleʻi mei he ongomātuʻá mo e kau taki lakanga fakataulaʻeikí.

• Maʻu e ngaahi tāpuaki ʻo e lakanga fakataulaʻeikí.

• Maʻu e sākalamēnití he uike takitaha, pea pikitai ki he ngaahi talaʻofa ʻo e Fakalelei ʻa Sīsū Kalaisí.

• Tokanga ki he ngaahi fakaʻilonga ʻo e loto mafasiá, hangē ko e tā-vaivaiá pea fai leva ha ngaahi liliu.

• Kapau ʻoku kei hokohoko atu pē hoʻo palopalemá, talanoa ki hoʻo mātuʻá pe kau taki lakanga fakataulaʻeikí ke fai ha kumi faleʻi ki ha tokotaha taukei fakapalofesinale kuo fakamoʻoniʻi ʻoku lelei ʻene ngāué.

(Vakai, “Hangē ha Ipu Kuo Maumaú,” Liahona, Nōvema. 2013, 40–42.)