Ha’apotora’a nō te 187ra’a o te ’āmuira’a rahi nō ’ēperēra
Pauroa te ono ’āva’e, e putuputu tātou nō te fa’aro’o i te parau a te Atua nā roto i tō tātou mau peropheta ora ’e te feiā fa’atere fa’auru o te ’Ēkālesia. Tau miriōni ta’ata nā te ao nei e putuputu i te fare ’e i te fare purera’a, terā pupu ’e terā pupu tāna hora fenua ’e tōna reo, ma te fa’a’ohipa i te mau paruai māta’ita’ira’a huru rau.
’Ua hau atu rā te ’āmuira’a rahi i te hō’ē putuputura’a rahi. E ’ohipa e nehenehe e vai maoro, mai te au i tō tātou hina’aro. ’Ua riro te ’āmuira’a ’ei ’ohipa tuatāpapara’a, ’ei vāhi e noa’a mai te ha’api’ira’a ’e ’ei mea e ora tātou.
Nō te tauturu i tā ’outou ’apora’a i te ’āmuira’a, tē tāmata nei mātou i te haruharu mai i te vārua o te putuputura’a i roto i teie nūmera ve’a pauroa te ono ’āva’e. I ni’a ānei tā ’outou tuatāpapara’a i te pāpie, i ni’a i te ’itenati ’aore rā te mau mātini ’āfa’ifa’i, maita’i ē, ’ua riro te reira ’ei vaipuna i reira ’outou e ho’i pinepine ai.
Māuruuru mātou, e te Atua nō te hō’ē peropheta
’Api 86 : Nō te ha’apūai i tō tātou ’itera’a pāpū nō te Fa’aora ’e tāna ’evanelia, ’ua tāparu roa mai te peresideni Thomas S. Monson ia tātou ’ia « ’ia tuatāpapa ’e ’ia feruri hōhonu nā roto i te pure i te Buka a Moromona i te mau mahana ato’a ».
’Api 66 : ’Ua pi’i ato’a ’oia i te mau tāne ’ia hi’opo’a i tō rātou orara’a ’e ’ia « pe’e i te hi’ora’a o te Fa’aora nā roto i te rirora’a ’ei ta’ata maita’i, te here ’e te aroha ».
E mau hiero ’āpī i fa’aarahia
’Api 86 : ’Ua fa’aara te peresideni Monson e pae hiero ’āpī e patuhia i Brasília (Beresiria) ; Grand Manille (ārea nō te Fenua Philipino) ; Nairobi (Kenya) ; Pocatello (Idaho, Marite) ; ’e Saratoga Springs (Utah, Marite) (hi’o i te ’api 141 nō te tahi atu mau ha’amāramaramara’a).
Feiā fa’atere ’āpī i pāturuhia
’Api 43 : I te mahana ma’a, 1 nō ’ēperēra, ’ua ha’amāuruuru te Peresidenira’a Mātāmua i te peresidenira’a rahi nō te Sōtaiete Tauturu : Linda K. Burton, Carole M. Stephens ’e Linda S. Reeves.
’Api 135 : Ha’api’i rahi atu ā nō ni’a i te pi’ira’a o e 10 taea’e ’āpī i roto i te hui mana fa’atere rahi o te ’Ēkālesia, ’e tae noa atu i te peresidenira’a rahi ’āpī nō te Sōtaiete Tauturu.
E mau poro’i e tai’o fa’ahou ā
Nā tāpo’i buka roto : E rave rahi ta’ata a’o tei fa’ahiti i te parau nō « Te Mesia ora » ’e « Te ’utuāfare : E Poro’i i tō te Ao nei » (hi’o te mau ’api 26, 36, 39, 62 ’e 100). E ’ite ’outou i teie nā parau faufa’a rahi i ni’a i nā tāpo’i buka roto o teie ve’a.