Jean B. Bingham

’Ua ora ’oia i te mau tuha’a e rave rahi o te fenua Marite, ’e ’ua au roa te tuahine Jean B. Bingham i te huru te ’evanelia i hōpoi i te fa’aurura’a ’āueue ’ore i te roara’a o terā mau tauiuira’a vāhi.

’Ua fānauhia i te matahiti 1952 i Provo, i Utah, i Marite e Robert ’e e Edith Joy Barrus, ’ua pa’ari ’oia ’e e ono tuahine ’e e piti taea’e. ’Ua haere ’oia i te ha’api’ira’a tuatahi i Texas ’e i Minnesota (Marite), ’e ua fa’aoti i te fare ha’api’ira’a tuarua, i New Jersey. ’O ’oia ’e tōna mau taea’e ’e mau tuahine ana’e te mau pīahi melo nō te ’Ēkalesia i roto i tā rātou fare ha’api’ira’a ē tae roa i te taime ’a haere ai rātou i New Jersey, i reira ’ua ’oa’oa ’oia ē e tamāhine nō tāna pāroita ’āpī i roto tāna piha.

I muri a’e ’oia ’e ’o Bruce Bingham fa’aipoipora’ahia i roto i te hiero nō Provo Utah i te 22 nō tītema 1972, ’ua haere atu rāua i Illinois nō tāna ha’api’ira’a.

’Ua fānau mai te taea’e ’e te tuahine Bingham i e piti tamari’i, ’e ’ua parau ato’a rāua i te tahi mau pu’era’a tā rāua i rave ē e tamari’i nā rāua. ’Ua roa’a iāna te parau tū’ite tūati orara’a ’utuāfare, ’e i te haerera’a tā rāua tamari’i hope’a i te ha’api’ira’a tuarua, ’ua ho’i fa’ahou ’oia i te ha’api’ira’a ’e ’ua roa’a mai te parau tū’ite master ’orometua ha’api’i.

’Ua tae mai te pi’ira’a mātāmua o te tuahine Bingham i roto i te Sōtaiete Tauturu i muri noa mai te fānaura’a o tāna tamari’i mātāmua. « ’Ua pi’ihia vau nō te ha’api’i i te mau ha’api’ira’a nō te ti’ara’a metua vahine. ’Ua riro te reira ’ei ha’amaita’ira’a rahi ’ia ha’api’i mai nā roto i te hi’ora’a o te tahi mau tuahine ’e nā roto ato’a i te buka ».

’Ua rātere rahi te tuahine Bingham i roto tāna tāvinira’a ’ei melo nō te ’āpo’ora’a fa’atere rahi a te Paraimere ’e ’ei tauturu i roto i te peresidenira’a rahi o te Paraimere. ’Ua ’ite ’oia i te mau tāmatara’a ’e te mau ha’amaita’ira’a nō te rirora’a ’ei melo nō te ’Ēkālesia i roto i te mau fenua nā te ao nei.

Tē ti’aturi nei ’oia e ’ite te mau tuahine o te Sōtaiete Tauturu i te maita’i i roto te tahi ’e te tahi. « E fa’ahemara’a te fa’aaura’a ia tātou ’e te tahi, ’e ’aita te reira e ha’afaufa’a mai ’e ’aita te Metua i te Ao ra e hina’aro i te reira nō tātou ». ’Ua parau ’oia ē e tauturu te Sōtaiete Tauturu i te tuahine tāta’itahi i te fa’arahira’a i te hāro’aro’ara’a ’o vai ’oia i roto i te bāsileia mure ’ore. « ’Ia fa’atumu ana’e tātou i tō tātou orara’a i ni’a ia Iesu Mesia, e ’ite mau tātou ’o vai tātou », tē parau ra ’oia.