Elder Brian K. Taylor

’Ua pāturuhia Brian King Taylor ’ei Hitu ’Ahuru Hui mana fa’atere rahi i te 1 nō ’ēperēra 2017.

’Ua fānauhia ’o Elder Taylor i te matahiti 1964 i Ogden, Utah, Marite, e Lowell Moon ’e e Marie King Taylor. ’Ua pa’ari ’oia i te hō’ē vāhi fātata ia Kaysville, ’o ’oia te mahara’a o nā pae tamari’i i roto i te ’utuāfare tei au te tāi’a ’e te tū’aro.

’Ua fāri’i tōna taea’e Graig i te moni pūtē nō te tāorara’a popo i roto i te ’ete i te fare ha’api’ira’a teitei Utah State University i Logan, Utah, ’e ’ua uiui ’oia e haere ānei e tāvini i te hō’ē misiōni ’aore rā e tāmau noa i tāna ’ohipa i te ha’api’ira’a teitei.

« I te hō’ē pō tāmā’ara’a ’ua parau vau [iāna], ‘Hey, mai te mea e haere ’oe i te misiōni, e haere ato’a vau i te misiōni’ », tē ha’amana’o ra Elder Taylor. ’Ua fa’aoti nā taea’e i te hope’a e haere e tāvini, ’e ’ua haere ’o Elder Taylor i roto i te misiōni nō Seville (Pāniora).

Hou tāna tāna misiōni, ’ua ha’uti ’o Elder Taylor i roto i te pupu tāora popo i roto i te ’ete nō te fare ha’api’ira’a teitei Brigham Young mai te matahiti 1982 ē tae i te matahiti 1984 ’e ’o Devin G. Durrant, e tāvini nei ’ei melo nō te peresidenira’a rahi o te Ha’api’ira’a Sābati.

’Ua fārerei ato’a ’oia, i tāna vahine ’o Jill Featherstone, i te fare ha’api’ira’a teitei Brigham Young, tē ha’api’i ra tāna vahine te piha ha’api’ira’a tumu o te ’evanelia i roto tāna pāroita. ’Ua anihia ’oia e tōna taea’e, ’e ’ua haere ’o Elder Taylor i roto i te piha a Jill ’e ’ua fārerei iāna. ’Ua tupu te here, ’e ’ua fa’aipoipohia rāua i te 30 nō ’ēperēra’ 1987 i roto i te hiero nō Roto Miti. E hitu tā rāua tamari’i.

’O te tuahine Taylor ana’e te tamāhine o nā hitu tamari’i a Elder Vaughn J. Featherstone, Hui mana fa’atere fa’aturahia, ’e te tuahine Merlene Featherstone. « ’Ua fāri’i mau rāua iā’u ma te maita’i », tā Elder Taylor i parau nō tōna nā metua ho’ovai. « ’Ua ’ite ’oi’oi au i tō rātou here ».

Ma te parau tū’ite licence nō BYU, ’ua ha’amau ’o Elder Taylor e rave rahi tāiete, ’oia ato’a te tāiete tei hāmani i te rāve’a rorouira nō te fa’atano i te mau niuniura’a rū i rotopū i te mau ta’atira’a pāruru ta’ata.

’Ua tāvini ’oia ’ei ’orometua nō te institut, melo ’āpo’ora’a te’itei, peresideni o te Feiā ’Āpī Tamaroa pāroita, peresideni titi, ’e i te taime ’a pi’ihia ai ’oia ’ei Hitu ’Ahuru, e peresideni ’oia nō te misiōni nō Dallas (Texas).