Reyna I. Aburto

’Ua fānauhia te tuahine Reyna I. Aburto i Managua, Nītaratua, e Noel Blanco ’e e Delbi Cardoza i te matahiti 1963. « ’Ua ’ohipa itoito noa tō’u nā metua nō te aupuru ia mātou », tē parau ra te tuahine Aburto. « E mea ’oa’oa roa tō’u tamari’ira’a ».

Hau ri’i atu i te hora ’ahuru ma piti i te pō 23 nō tītema 1972, i te ivara’a o tōna mahiti, ’ua tupu te hō’ē ’āueuera’a fenua i Managua. « ’Ua fa’aorahia vau nō te mea tē vai ra hō’ē tauiha’a i muri iā’u, ’ua mau ra tō’u ’āvae ». I te fa’aro’ora’ahia tāna pi’ira’a ’e te ’auē a tōna māmā, ’ua haere mai te feiā nā piha’i iho e huti ia rāua nā roto mai i te fare tei vāvāhihia. I roto i te fare i vāvāhihia, ’ua ’itehia mai te tino o tōna taea’e pa’ari i ni’a te ro’i i piha’i iho noa i tōna. « Nō te tau poto noa te mau tao’a mātēria, te mea faufa’a rā ’o tō mātou ïa ’utuāfare », tē parau ra ’oia.

I te 21ra’a o tōna matahiti, ’ua haere atu te tuahine Aburto i Marite e ora ’e tōna ’utuāfare. ’A ora ai rātou i San Francisco, California, ’ua fa’a’itehia ’oia i te mau misiōnare ’e ’ua fa’aoti ho’i e haere i te purera’a. « I tō’u tomora’a i roto i taua fare ra, ’ua fāri’i au te Vārua. E ’āmuira’a titi, ’e ’ua mana’o vau te mau parau poro’i ato’a nō’u ïa », tē parau ra ’oia. ’Ua bāpetizohia ’oia i te matahiti 1989.

I roto i te reira taime, ’ua fārerei ’oia ia Carlos Aburto, e ’ua riro mai rāua ’ei mau hoa. ’Ua tāmau noa rāua i te pāpa’i, ē tae roa i te taime ’a haere ai te tuahine Aburto i Orem, Utaha. ’Ua fa’aipoipohia rāua i te 8 nō mē 1993, i te hiero nō Jordan River Utaha. E toru tā rāua tamari’i.

’Pāturuhia i te 1 nō ’ēperēra 2017 i roto i te peresidenira’a rahi o te Sōtaiete Tauturu, ’ua ’ohipa te tuahine Aburto i roto i te hō’ē fare rahi ’īritira’a parau hau atu i te 25 matahiti, mai ia Novell Inc. ’e Lemoine International. Tē vai nei tā rāua tōna hoa fa’aipoipo hō’ē taiete iti īritira’a parau. ’Ua ha’api’i ’oia i te ’ī’ite nō te pae o te tapiha’ara’a i te fare ha’api’ira’a teitei nō Central American i Managua (Nicaragua) e maha matahiti te maoro ’e ’ua fāri’i ’oia i te parau tū’ite tuarua nui nō te mātini rorouira i te ha’api’ira’a teitei nō Utah Valley State i te matahiti 1997.

’Ua tāvini te tuahine Aburto i roto e rave rahi pi’ira’a i roto i te ’Ēkālesia, mai te ’āpo’ora’a fa’atere rahi o te Paraimere mai te matahiti 2012 ē tae atu i te matahiti 2016.