Toʻo Kongokonga Lalahi mei he Konifelenisi Lahi Fakataʻu Hono 190

Naʻe fai ʻe Palesiteni Lāsolo M. Nalesoni ha pōpoaki mahino ʻi he konifelenisi lahí: “Fanongo kiate Ia.”

Naʻe akoʻi ʻe Palesiteni Nalesoni ʻo pehē, “ʻOku totonu ke tau feinga ʻi he founga kotoa te tau lavá, ke fanongo kia Sīsū Kalaisi, ʻa ia ʻoku folofola mai kiate kitautolu ʻi he mālohi mo e tokoni ʻa e Laumālie Māʻoniʻoní.

“Ko e taumuʻa ʻo e konifelenisí ni mo e konifelenisi lahi kotoa pē ke tokoniʻi kitautolu ke tau fanongo kiate Ia” (peesi 7).

Ne akoʻi kitautolu ʻi ha konifelenisi ne fakatefito ʻi he ʻUluaki Mata Meʻa-hā maí mo hono Fakafoki Mai ʻo e Ongoongoleleí ʻe lava ke tau fanongo kiate Ia, ʻo hangē ko ia naʻe fai ʻe Siosefa Sāmita ʻi he Vaoʻakau Tapú. ʻI hono ʻākilotoa kitautolu ʻe he ngaahi nunuʻa ʻo ha mahaki fakaʻauha fakamāmanilahi ʻokú ne uesia ha lauimiliona, ne akoʻi kitautolu ke tau fanongo kiate Ia ki ha fakahinohino ʻi hotau ngaahi faingataʻaʻiá. ʻI heʻetau hanganaki atu ki ha kahaʻu lelei fakatouʻosi maʻá e Siasí mo kitautolu fakafoʻituitui, ne akoʻi kitautolu ke fakafoʻou ʻetau ngaahi feinga ke fanongo mo muimui kiate Iá.

Naʻe pehē ʻe Palesiteni Nalesoni, “ʻE lava ke fakanounouʻi e ngaahi konga fakalaumālie lahi ʻo e konifelenisi lahi ko ʻeni ʻo ʻEpeleli 2020 … ʻaki ha foʻi lea fakalangi ʻe tolu: ‘Fanongo kiate Ia.’ ʻOku mau lotua ʻe hoko hoʻomou tokanga taha ki he Tamai Hēvaní ʻa ia naʻá Ne folofola ʻaki e ngaahi foʻi lea ko iá pea mo Hono ʻAlo ʻOfaʻanga ko Sīsū Kalaisí ko ha meʻa mahuʻinga taha ia ʻi hoʻomou ngaahi manatú ki he meʻa kotoa kuo hokó.”

ʻI hoʻomou ako ‘a e ngaahi pōpoaki ʻo e konifelenisí ni mo fekumi “ke fanongo, tokanga, mo talangofua ki he ngaahi lea ‘a e Fakamoʻuí”, te mou ʻilo hono fakahoko ʻa e palōmesi ʻa e palōfitá ʻi hoʻomou moʻuí ‘o “ilifia siʻi ange pea tupulaki ʻa e tuí” (peesi 114).

• ‘Oku fakafeʻiloaki ʻe Palesiteni Nalesoni ha fakaʻilonga foʻou maʻá e Siasí ʻi he peesi 73.

• ʻOku fakafeʻiloaki ʻe Palesiteni Nalesoni ha fanongonongo ki hono Fakafoki Mai ʻo e Ongoongoleleí ʻi he peesi 91.

• ʻOku tataki ʻe Palesiteni Nalesoni ha fakataha molumalu fakamāmanilahi ʻi he peesi 92.

• ʻOku fanongonongo ʻe Palesiteni Nalesoni ha ngaahi temipale foʻou ʻe valu ʻi he peesi 115.

• Ako lahi ange ki he founga te tau lava ai ʻo tokoniʻi e niʻihi kehé ke nau #FanongoKiateIa ʻi he Hear Him.ChurchofJesusChrist.org.