Iesu Kristo E Ata Te Maraki are Ti Namakinna man te Inanonano
E maeka te tia koro karaki i Gauteng Borowinti, Aberika Maiaki.
Mwanangau bon nooraia aomata n aron are e nooriia te Tia Kamaiu.
Ni kaukan te Rome Italy Tembora, membwa ao rao ake a katobibia bouan kaatibun, Christus n aron are e nooraki rinanon wintoon aia tienta iruwa.
I a tia n rinanon te inanonano ke te kabuakakaaki n te anga teuana ke teuana are e kaniia 20 te ririki.
Imwiin kaainakin te Ekaretia i Mozambique, I mwaing nako Aberika Maiaki. Bon te aba ae tamaroa, teuana mai buakon ana tabo Aberika ae nakoraoi. Tamaroana bon een katang manian taetae mairouia aomatana aika a kakaokoro ao kaubwaina inanon kateia.
Aberika Maiaki bon te aba are e bon teimatoa ni kamarurungaki man rongorongona ni mangaongao man te mwakuri ni kakaokoroaki ni irekereke ma reeti. E ngae ngke te kaokoroaki e a bon tia ni kamaunaaki iroun te tautaeka n 1994, ma te mwaka ngkoa man ana tua te tautaeka- karaoakin te kakaokoroaki n te reeti n aomata e bon teimatoa n tiku.
N aron te aine ae kaain Mozambique ae Bwatabwata bon te Latter-day Saint e maemaeka i Aberika Maiaki inanon 18 te ririki n nako. I rinanon te kangaanga n te kakaokoroaki ibukin kaokorora ao ni katinanikuaki, n taainako ti karaoaki n aron mwakuri ake a irekereke ma kakaokoroaia reeti n aomata ma katei. Kakaokoroaki n te reeti, kiraati, baronga, ao te inanonano ni kaitarakiia reeti man aaba tabeua bon aikai katooto man kangaanga n te karaurenakoaki are kurubu n aomata a teimatoa ni kaaitarai. Iai te bwai teuana man te aro n aomata are e taraa n tangira bwenauaan te kurubu n aomata ao ni karaoira bwa ti na kakoaua are te riki ni kaokoro e bon buakaka.
Tera ae Ti Kataia ni Karaoia
A kona membwa n te Ekaretia ni kai rootaki n te namakin man aron te iango aei? Bon ngaia. Ti riai ni kanakoa te aro n aomata inanon abwakin maiura ni keiaki n riki bwa aomata aika itiaki rinanon ana Mwakuri ni Kamaiu Kristo (taraa Motiaea 3:19).
Ngkana arona bwa au ataei ao Ngai ti namakina te kaokoroaki, tarariaoaki, tauaninne n te aroaro, ke taratara ni kan atatai, ti roko ni mweengara ao ti marooroakini. Ti taku, “Tera ae e a tia n riki? Ti na buuta aei. Ti a marooro iaona bwa bukin tera aomata a karaoa te anua aei.” Marooroakinan taekana e ibuobuoki ni katoki ara namakin man rootakira n te un are e mena inanora.
I kataia n reiakiniia au ataei bwa kamatoaan korakorara bon man arora bwa ti na kanga n akoiia aomata ake a kataorikaakaki ke n riribaki irouia te botanaomata (taraa Mataio 25:40). Are e nanonaki ni kona ni kakaai kawai n anga te ibuobuoki nakoia tabeman n te aro are ti na aki katinanikuia.
N na Kataia ni Katotonga Iesu
N aron kammarakin tabeua man te taneiai bon, reirei are ti reiakinna are e a tia ni karikiia au ataei bwa aomata aika tamaroa. Ao ngai naba. Ara bwarannano e a tia ni buokiira ni karikirakea te nanoanga ao te namakin ibukiia tabeman.
Te taneiai ma te inanonano e anganai te tai n rinerine. N na karaoa ae kammaraki ao ni kabomwii, ke N na angan ana tai te aomata arei te kauoua, te kateniua, ao te kaaua n tai? Tao N na taraa te bootaki n aomata bwa te tabo ae buakaka, ke N na riki ni matoa ibukin te bitaki ae tamaroa?
Te Tia Kamaiu e kaaitara naba ma te riribaki ibukin are antai Ngaia, te bwai are E kakoaua, ao E mwananga mai iai (taraa Ioane 1:46). E ngae n anne E aki kaeka ma te iowawa, un, marakinnano, ke te riribai. E reirei ni kaaitarai ni kabane bwaai aikai ao e mwakurii inanon te tangira ao te koaua. E reirei bwa te mwaaka ao te kakairi e roko n rinanon te anai nano, te taotaonakin nano, te atataiaomata, te nimamannei, te tangira (taraa Reirei ao Berita aika Tabu 121:41). E reirei bwa ngkana e karaoaki te kairua nakoira, ti riai ni kawara tarira ao ni kaai ni maroorokinna (taraa Mataio 18:15). E reireiniira bwa ti na tataro ibukiia naake a bwainikiriniira (taraa Mataio 5:38 -48). Ao ngke E kataaki n rinanon te motibuaka ao n tine iaon te kaibangaki ni mate. E reireiniira te kabwarabure (taraa Ruka 23:34).
N tokina, bon Ana tangira are e na bitiira ao te aonaaba (taraa 2 Nibwaai 26:24).
N na Reitinako ni Kataia
Bon te aomata ngai ae I aki kororaoi; n taainako I aki waekoa ni kabwara te bure imwin temanna ae roko ni kaiowawaea nakoiu. E anaa te tai, e anaa te tai ibukin te kamarurugaki, ao e anaa te Tamnei ae Raoiroi ni mwakuri irou. N tabetai I rineia n riki bwa N na un, ao I aki waekoa ni butimwaea Ana wirikiriki. Ma ngkana I kauka nanou Nakoina, te Tamnei e na taotaonakinnano ni mwakuri ma ngai ni karokoa N na kona n oota bwa tera ae tangiria Tamau are i Karawa bwa N na karaoia ma te bwai ae riki.
Mwanangau bon kakoauan karekean te atatai n noriia aomata ngkai te Tia Kamaiu e noorira. Ni karaoan aei, ti riai n anga nanora ni kaitau bwa ti bane ni karekei kaeka ni kabane. Ngkana ti anga nanora n taekinna, “I aki kororaoi: A mwaiti ae N na reiakin. Tera ae N na kona n reiakinna man te taratara ae nano irouia tabeman?”—are ngkana ti bon kona n ongo. Are ngkana ti bon koaua ni kona n nooria.
Ngkai I nako n rinanon te mwananga, e buokai ni uringnga bwa I mena ikai bwa iai bukina, are te kataaki n te maiu are e kimototo—te mwakoro ae riai n te maiu ae mamate—ao are I aki tiku ni maroa. N rinanona ni kabane, N na kataia n riki n ai aron Iesu! Te Keiaki e bon mwakuri, ao ngkana ti bwaka, ti kona ni manga kataia riki.