Blong Ol Papa mo Mama
Plan Ia blong God I blong Yu
Ol Dia Papa mo Mama,
Taem yumi stap stadi long ol pikja, ol simbol, mo ol tijing blong OlTesteman, yumi save kam blong andastanem gud moa plan ia we Papa long Heven i gat blong yumi, mo wanem i rol blong Jisas Kraes insaed long plan ia.
Ol atikol we oli stap insaed long namba blong manis ia, bae oli givim sam tingting long yufala long wei blong tijim ol pikinini wetem OlTesteman, mo blong tijim olgeta abaot plan ia we God i gat blong yumi.
Papa long Heven I Gat Wan Tabu Plan blong Ol Pikinini blong Hem
?From wanem hem i impoten blong andastanem plan ia blong God blong fasin blong sevem man? Yusum “Ol Besik blong Gospel” long pej 10 blong tijim ol pikinini blong yu abaot hamas Foldaon blong Adam mo Iv i bin impoten. Tugeta, yufala i save mekem wan lis blong ol blesing mo ol janis we yumi gat long laef ia, from se yumi kam long wol ia.
Afta we yufala i ridim atikol blong Elda Quentin L. Cook long pej 6, olsem wan famli, toktok raon long ol blesing we oli bin kam insaed long laef blong yufala from se yufala i bin save se God i gat wan plan blong sevem ol pikinini blong Hem.
Stadi long OlTesteman
Mekem stadi blong yu long OlTesteman i kam fit moa taem yu ridim ol atikol we oli stap long ol pej 20 mo 26. ?Wanem nao yu bin lanem we i save helpem yu blong andastanem OlTesteman? Wetem prea, olsem wan famli, toktok raon long ol gol we yufala i gat long saed blong stadi blong yufala long saed blong Kam Folem Mi, long yia ia.
Ol Niu Tingting long Kam Folem Mi
Luk long pej 30 blong kasem wan eksplenesen wetem ol pikja abaot Kriesen mo ol nara tul blong sapotem Kam Folem Mi stadi blong yu.