Taian Kakabwaia man Kataakira

Ni moan te ririki ae 2019, te mitinare n aine ae Titita Ata e nako ni mitinare n te tabo ae Joao Pessoa i Brazil Meangmainiku. Tabeua te namwakaina i mwina, e ikoaki bubuan rangana ai ngaia are e a kaokaki nako Aotiteria ibukin ana korokoro.

Ibukina bwa e tangiria ni kabanea ana tai ni beku, e manga tauraoi naba ni beku Titita Ata teuana te ririki i mwina ao e kamwaingaki nako Aotiteria. Ao i nanon Okitobwa 2020, e a manga reke riki teuana aorakina: te maraki n atu ae rang korakora.

E aki tii rang korakora marakina, ma e namakinna naba bwa e a rang tinea aia mwakuri toana. Aio ae e karawaawata ana iango, te mitinare ae Titita Ata e baenikai ni marooro nakon ana beretitenti n te mition, bwa e taku n ana iango bwa e na moantaai ni kaokaki man ana mitinare.

Ma te kukurei tera ngaia ngke e tuangaki ae e kona ni kabanea ana tai ni mitinare—ngkai e boni kona ni bwainnaoraki i nanon ana tai ni karaoa ana mwakuri. E kabwarabwara Beretitenti Houghton bwa e kona ni kamwaingaki nakon te service mission ke te mwakuri n ibuobuoki, e waetata ni kariaia Titita Ata i mwain ae kabwarabwaraaki arona. N te bong naba anne ao Unimwaane ao Titita Nicholls, ake bon taian mataniwi n te rabwata aei ao a tararua Aotiteria, a reitaki ma neiei n te Zoom bwa a na itawiu ma ngaia ao ni kabwarabwara aron te waaki.

Te aeka ni mwakuri ni mitinare aei, e riai bwa Titita Ata e na okira mwengana ibukin ana bwai n aoraki ma e na bon reitanako aron maiun te mitinare n aron te tataro ni katoa bong, te kamatebwai ni booki aika a tabu, ao te kamarurung. A babaire Unimwaane ma Titita Nicholls bwa tera ana tarena Titita Ata bwa e aonga n reke tibwangana ae tamaroa ibukin ikotakin te bata ae Iteraera.

Ngke a manga reitaki ni kabwarabwara aron ana mwakuri ngkai, Unimwaane ao Titita Nicholls bwa iai ana tarena Titita Ata n te korobanna, iai naba irouna te nano n tangira ao e kakang n te kairiiri. E kaotia Titita Ata bwa e tangiria ni beku n te tembora, ngaia are i mwin aia marooro, ao aia tataro i nanoia, a barongaa aron ana mwakuri:

1. Kairiiri n te Mwakoro: E na riki Titita Ata bwa te mataniwi irouia mitinare n ana kaawa.

2. Korobanna: E na koroi bannan tamnei ake a na kamarurunga te onimaki iroun Iesu Kristo ma Ana euangkerio.

3. Mwakuri n te tembora: E na mwakuri n aobitin te Tembora i Austaralia Melbourne n te tai are katauaki ni katoa wiiki.

E moani kataaki te aeka ni mwakuri ni mitinare aei i USA ao Canada i nanon 2018, aio te anga are e na buokiia kairake ake a aki kona ni karaoa te mwakuri ni mitinare ae bwanin taina bwa a na “beku n te tabo are a kona iai n anga aia tarena, rabakauia, ao wanawanaia.”¹ E moan waakinaki te aeka ni mwakuri ni mitinare aei i Aotiteria i nanon 2020, aio te tai are e bane naba iai aia reirei Unimwaane ao Titita Nicholls i aon te kairiiri.

“Karaoan te mwakuri n te kawai ae boou!” E taku Unimwaane Nicholls, “Mitinare aikai akea toaia; akea naba aia auti ae katauaki bwa a na maeka iai ao aia mwaake ni mwakuri; ma a kabongana aia badge ke araia ngkana a karaoa aia mwakuri ni mitinare.”

E bon rang onoti aia mwakuri mitinare aikai, ao e rang n onoti naba aia mwakuri aia mataniwi aika Unimwaane ao Titita Nicholls. A bon maeka ni mwengaia i Gold Coast Queensland ao a tararuaia mitinare aika a maeka n aia tabo ae kakaokoro ao n raroanako ngaa ma ngaa te kiromita. A kakaei taian ibuobuoki aika a kainnanoaki—i nanon te Ekaretia ao n taian kaawa—ao a kakaei ‘taian mwakuri’ are a kona iai ni kamanena aia tarena mitinare aikai.

“I Ataia ae I tarena n te korobanna” e taku te mitinare ae Titita Ata, “ma I a maan n aki kabonganaa. I noria bwa ngaia e tangirai Tamau are i Karawa bwa N na kabongana te korobanna ni buokiia aomata.”

E iangoa aron aorakin rabwatana are e totokoa karaoan ana mwakuri, akea ana kona te mitinare ae Titita Ata ni birinako man aorakina, ma e ataia bwa ngaia e karekei ‘kakabwaia aika bati man aorakina’.²

“I taku bwa, rikiu bwa te tia ibuobuoki e buokai [n] nori au tarena are e anganai Tamau are i Karawa,” e taku. “Kanoan au mwakuri ni buobuoki boni karaoan nanon te Uea ao te titiraki Nakoina bwa tera ae na buokaki. E uotiira nakon te reirei are n Nakomai, Iriirai: Ngkana iai nanom ni beku ao ko na butiia te Uea ao e na kairiko bwa tera ae ko na karaoia ao tera am ibuobuoki.”