Juon Iien Ekwojarjar

Jejjo iiō ko remootļo̧k, ke ikar jerbal āinwōt juon bisop, ikar kam̧oole an juon kurup in kar jeļā jibadbad eo aer eaorōk im ekwojarjar. Rekar ekkatak bwe “Men in kabuñ erreo im jab ettoon iṃaan mejān ad Anij im Jemed eñin, Bwe armej ren loḷọk ro ratajinemjen im kōrā e jako pāleir ilo aer jorrāān.”¹

Kōn loļo̧k ko an jerbal in karejar, jodikdik rein rekar jino m̧ōttā ippān Sister Orpha Cutler. Ekar juon sister eo erūtto im ejouj me ājmour eo an ekar jab em̧m̧an im ekar jokwe make iaan ilo juon tōreiļa jidikdik. Aikuj ko an rellōn̄ rekar leļo̧k n̄an ļaddik ro em̧m̧an dettāer juon iien em̧m̧an n̄an pukōt er make ilo aer jerbal n̄an e. Jejjo m̧akūtkūt ko ekoba kwaļe wūntō ko an, karreo tōreiļa eo m̧ōn, im bajjōk jijōt ilo ruum̧ eo tum̧aan im bwebwenato ippān. Ejjab to, ļaddik rein em̧m̧an dettāer rekar kōm̧m̧ane juon jemjerā ippān Sister Cutler. Ekar wiini tok er.

Innām juon raan, ekar ilbōk kōn juon nuuj ekar ilbōk kake. Liin ekar loe bwe ewōr ippān nan̄inmej in terminal cancer im kar leļo̧k wōt jidik iien n̄an an mour. Menin ekar kabūrom̧ōjm̧ōj! Ilo jejjo wōt wiik, ta eo ekar waļo̧k n̄an e ekar nana ļo̧k, im ekar jab maron̄ pād ilo iien kwojkwoj eo aolep iien. Ļaddik rein em̧m̧an dettāer rekar erom̧ juon jetōb in mour n̄an Orpha ilo aer kōm̧m̧ane jerbal in karejar eo aer n̄an m̧weo im̧ōn im leļo̧k kōkkaļļe in kwojkwoj eo n̄an liin. Ekar iakwe iien eo an ippāer im eļaptata iien em̧m̧an n̄an kōkāāl bujen ko an.

Ilo an nan̄inmej eo an kar nana ļo̧k wōt, ekar em̧m̧akūt n̄an juon jukjuk in pād epaak im n̄an juon jikin jokwe rej jipan̄ ijo ekar bōk kōjparok eo ekar aikuji im ijo juon kurup edik kar kweilo̧k ippān doon kajjojo wiik n̄an kōm̧m̧an kwojkwoj eo. Juon raan ikar bōk juon call jān center in. Juon rijerbal ekar kajjitōk n̄e imaron̄ bokļo̧k pris ro, ak ilo naan ko an Sister Cutler “ļaddik ro”, n̄an loļo̧k im leļo̧k kwojkwoj eo. Ikar ba n̄an rijerbal eo kōm kar uteij kōn iien in em̧m̧an.

Ilo Jabōt, ikar ba n̄an pris ro kōn kajjitōk eo an Sister Cutler. Ilo ejjeļo̧k āliklik, rekar bōke karuwainene eo.

Ālkin kweiļo̧k ko am ilo Jabōt, kōm̧ kar etal ilo ial eo am n̄an care center eo. Ke rej kattōrļo̧k, laddik ro em̧m̧an dettaer rekar ekōnono kōn makūtkūt in ikkure ko, iien exam ko aer, im eļaptata kōn jiron̄ ro rekōņaan nej bōk er n̄an iien tuuj eo an jikuuļ eo. Ekar ekōnono ko ekkā an waļo̧k ippān jodikdik ro.

Ke jekar tōparļo̧k center eo, kar iakwe kōm ilo kojem eo jān armej eo ej lale Sister Cutler eo ekar āinwōt inepata. Kōn dānnin kōmjaaḷaḷ ilo mejen, ekar kaju ba, “Bisop Nattress, Orpha ej jino an mōjņo̧ ļo̧k im mōjņo̧ ļo̧k. Ej jakoļo̧k, ij mijak jenaaj luji!” Liin ekar waanmaanļo̧k, “Juon wōt an kōņaan ej n̄an bōk kwojkwoj eo.”

Liin ekar kalimjōk laddik ro rej jutak likū. Rekar jōōt mouj im tie—ļaddik ro rerreo an Anij, rej kabwijer priesthood eo An, kauteij priesthood eo. Rekar pād ilo jerbal eo an Irooj. Kōn dānnin kōmjaaḷaḷ, rijerbal in ekar ba, “Kom̧ij āinwōt enjeļ ro!” Liin ekar tōl kōm n̄an ruum̧ eo an Orpha.

Jōkjōk eo Orpha epād ie ekar ekauwōtata. Ekar babu im jab m̧akūtkūt ilo beet eo an. Ikar jubukwe tūrin peet eo an, likūt pein ilo peiū, im ba, “Sister Cutler, en̄in ej Bishop Nattress; ipād ijin ippān doulul eo an pris ro. Kōm ar itok n̄an lewaj kwojkwoj eo.” Ekar ettōn̄ dikdik im lukkuun emajidjid im em̧ōņōņō.

Pris ro rekar kōm̧m̧an juon doulul edik ilo aer jubukwe iturin peet eo an. Juon pilawe edik kar likūti ilo juon pileij jidikdik. Kar kōjeraam̧m̧ane, im pilawe jidik in kar likūti ilo lon̄in. Kōm ar bar jubukwe. Juon kaap obrak kōn dān kar kōjeraam̧m̧an, im juon pilin in dān kar jidik jidik leļo̧k.

Menin ekar juon iien ekwojarjar. Ilo am̧ kōjemļo̧k kain̄i in, Sister Cutler ekar ettōn̄ dikdik im unoojdikdik, “Kom̧m̧ol.”

Ikar reito reitak ilowaan ruum̧ eo im kalimjōk ļaddik rein rem̧m̧an. Rekar jab oktak jān ļaddik ro nejin Hilamōn. Naan ko an Aiseia ekar kōmeļeļe er āinwōt, ilo m̧ool, “jepeḷālōñ[ḷọk] kōn peir āinwōt igōl ko.”² Rekar lukkuun ilo m̧ool pād ilo jerbal eo an Irooj.

Kōm kar aolep rool jān care center eo im kar en̄jake am oktak. Kōm ekar bōk kwoņaam ilo juon m̧akūtkūt ekwojarjar. Sister Cutler ekar en̄jake ilo iien ko an āliktata ilo an kar mour ioon laļ in ekar bujen ippān Anij bwe enaaj keememej E iien otemjej. Ilo kōm̧m̧ane menin, lan̄ ko rekar peļļo̧k, im liin ekar jeraam̧m̧an bar juon alen n̄an bōke kallim̧ur eo An n̄an bōke Jetōb eo An bwe en pād ippān iien otemjej—ilo nan̄inmej im aaet ilo mej.

Ekar ejjeļo̧k keroro ke kōm kar ettōr im rool jān ijo. Ejjab to juon iaan ļaddik rein ekar jino keroro im ba, “Ekar juon men elukkuun em̧m̧an.” Jekar rool kōn juon meļeļe ekāāl kōn ta lukkuun meļeļein n̄an bōk ioer etan Rilo̧mo̧o̧r.

Sister Cutler ekar jako jejjo raan tokālik—tiljek im m̧ool n̄an bujen ko an.

Ej ke menin bwilōn̄ ke, kōn ļōm, bwe eoon ko ruo eļaptata kōnono jāni ilo Kabun̄ in jān iien Jeplaaktok eo ilo 1830 ej jar eo an kwojkwoj eo?

Ilo laļ in etarpok, ijo kam̧ad ko epidodo aer itok, jen jab meļo̧kļo̧k men ko redik im relam̧ waan me rej bōktok kajoor, maron̄, im mour indeeo. Jen kōkāāl bujen ko ad kajjojo wiik ilo ad bōk kwojkwoj eo An. Ilo ad kōm̧m̧ane, jenaaj loe aeņōm̧m̧an, im E enaaj kōjeraam̧m̧an kōj kiiō im n̄an indeeo.