Iakwe n̄an Tonga

Ke Viliami Nofomuli Nyssen Tonga ekar rool jān mijen eo an ilo 2014, ekar en̄jake eļap tōprak. Ej kab mōj an jerbal ruo iiō ilo United States South Carolina Columbia Mission, eo ekar jimattan in laļ in ettoļo̧k jān ijo jikin Pacific Island ilo Tonga.

Jerbal āinwōt mijenede n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata, ekar lukkuun keememej, “kar juon en̄jake eo ekar ukōt mour eo aō.” Ak Viliami ekar jab jeļā bwe ekar jino in juon ‘oktak eļap’ Jemedwōj Ilan̄ ekar leļo̧k n̄an e.

Ke ekar tōparļo̧k m̧weo imōn, Viliami ekar jino jerbal ilo juon m̧ōn wia pizza. Ekar kōm̧m̧an pizza āinwōt juon jerbal m̧okta, im ekar jerbal eo em̧m̧an ippān.

Āinwōt rūm̧m̧an ded ro ilo āne eo, Viliami ekar ļōmņak bwe jenkwan ņe eo kein karuo ej n̄an em̧akūt n̄an juon laļ ekilepļo̧k—emaron̄ bar n̄an America—n̄an kap[ukōt mour em̧m̧anļo̧k. Jerbal ilo m̧ōn pizza eo emaron̄ jipan̄ e kakwon jāān n̄an em̧akūt eo eļap.

Innām, būromōj, ālkin an pād ijo jikin ium̧win emān allōn̄, jinen Viliami ejitōn bōro ekar jako. Ekar en̄taan kōn eddo ko an nan̄inmej in tōnal im etal jān jijilimjuon ajri, emān iaer rej pād wōt ilo jikuuļ.

Viliami ekar lukkuun būromōj. Ilo an tarinae ippān būromōj eo an, ekar barāinwōt ļōmņak kōn ajri ro jatin reddik im jeļā bwe etōņak eo an n̄an em̧akūt ekar aikuj oktak.

Viliami ekar kōm̧m̧ane kōttōpar ko rekāāl. Ej pād wōt ilo Tonga im bōk ioon elōn̄ iaan eddo ko an jinen ilo m̧weo. Ekar barāinwōt aikuj pukōt kein jipan̄ ko jet n̄an bōktok jāān bwe en maron̄ bōktok em̧m̧anļo̧k eo n̄an baamle eo an im kalōk wāween an make un̄n̄are pein make.

Viliami ekar kāālet, barāinwōt, ekar kōņaan kōpeļļo̧k juon make an mōn wia pizza ilo iiō ko rej itok.

Im ekar.

Ilo Māe 2015, ekar kōpeļļo̧k ‘Ofa ki Tonga’, m̧ōn wia pizza kāāl eo an ilo Tonga’s capital ilo Nuku’alofa. Ofa ej naan eo ilo Tonga meļeļein iakwe. Ej barāinwōt etan jinen Viliami.

Reilikļo̧k n̄an mour eo an, Viliami ekar bwilōn̄ kōn iaļ in me ej pād ie. “N̄e kwar jeļā wōn n̄a m̧okta jān mijen eo aō, kwon kar bwilōn̄ kōn ia eo ij pād ie kiiō.

“M̧oktaļo̧k ekar ejjeļo̧k aō m̧ool n̄an tōl. Ikar jab ļōmņak kōn ilju im jekļaj. Ikar jab kamōj aō high school, im jet armej rekar jab ļōmņak in kar kam̧ōj mijen eo aō. Ikar jab barāinwōt jeļā,” ekar ettōn̄.

“Ak jerbal in mijen ekar kwaļo̧k n̄an n̄a juon laļ oktak, mour oktak. Ekar jipan̄ n̄a kōņaan eļapļo̧k ilo mour eo aō. Ekar katakin n̄an bwe ta armej remaron̄ tōpar n̄e rej lukkuun jerbal.

“Ekar barāinwōt kaben naan in kam̧ool eo aō ilo Jisōs Kraist .”

Juon eoon ekar kōkajoor Viliami ilo raan ko reben ālkin an jinen jako epād ilo Katak im Bujen ko, Jekjōn 82:10. “N̄a, Irooj, Ij lokjak n̄e kom̧ij kōm̧m̧ane ta Ij ba; ak n̄e kom̧ij jab kōm̧m̧ane ta Ij ba, kom̧ ejjeļo̧k ami kallim̧ur.”

Ekar juon kam̧ool em̧ool bwe emaron̄ kōttōpraki aolepān kōttōpar ro an rekwojarjar eļan̄n̄e enaaj pād wōt ilo an pokake aolepān kien ko an Jemedwōj Ilan̄ . . . im ilo m̧ool, Irooj ekar lukkuun kōjeram̧m̧ane.

Kōn jāān ko ej kōm̧m̧ani jān pijnej eo an, Viliami ekar maron̄ jipan̄ ajri ro jatin ilo aer kam̧ōj aer jikuuļ im barāinwōt wia juon jikin n̄an kalōk juon em̧ ekāāl n̄an baam̧le eo an. Innām, ekar bar ioone juon m̧ōttan ekar jeļā kajeen jān 2015 im loe ippān leddik in ri iakwe eo an ilo mour eo an. E im Lupe rekar liāp n̄an iien in im aolepen indeeo ilo Nuku’alofa Tonga Tampeļ ilo jemļo̧kin 2019.

“Kojeļā, n̄e in kar rool im kōnnaan n̄an n̄a ke ij dik, in kar ba, ‘Kotak wōt bōram. Etōņak eļap. Jab mijak.’”

Viliami ej mour kōn kam̧ool bwe n̄e jenaaj kajjieon̄ jon̄an wōt ad maron̄, Jemedwōj Ilan̄ enaaj jipan̄ kōj kōm̧m̧ane men ko jet.