Juon En̄jake Ejim̧we

Ke ekar 10 iiō detta, mama ekar jerbal āinwōt rūkaki n̄an jodikdik ro ilo Oakland California Stake Oakland 8th Ward. Ilo juon jota in weekday, kōm kar pād ilo m̧ōn jar eo kōn juon m̧akūtkūt an ward. M̧akūtkūt eo am ilo Būraimere ekar m̧ōkaj an m̧ōj, im ikar bwebwenato ilo recreation hall eo ippān cousin im ro m̧ōtta ilo aō kōttar m̧am̧a, eo ekar jipan̄ ilo Youth Night.

Jekar ikkure enni im em̧ooj, ak ekar lukkuun lōn̄ kōmean̄ ajri, ekar obrak hall eo. Jet iaan ajri ro rerūtto rekar kōņaan etal im ikkure nabōj kōnke eļapļo̧k meļan, im barāinwōt kōnke nabōj ekar marokļo̧k jān hall eo (ekar ālkin 7:00 awa jota iien eo).

Ikar jab lukkuun jeļā n̄e ij aikuj ļoore er. Ikar kajjitōk n̄e jemaron̄ ikkure wōt lowaan m̧weo, ak ro m̧ōtta rekar ba, “[Enij] em̧m̧an ad pād nabōj. Ekar lukkuun lōn̄ kōj. Enaaj em̧m̧an.” Ak, ikar jab kōņaan pād ilo inepata, im ikar kajjitōk ippān m̧am̧a n̄an ikkure ilo nabōj.

“Ejjab,” kar uwaak eo an m̧am̧a. Men̄e ikar jab en̄jake ke em̧m̧an n̄an ļoore ro m̧ōtta, ikar inepata wōt bwe kar jab kōtļo̧k n̄a n̄an ikkure nabōj. Ekar lukkuun limo am ippān doon. “Etke ijjab maron̄ etal?” Ikar kajjitōk. Un eo de eo an M̧am̧a ekar ba ekar jab kōņaan bwe in ikkure nabōj ilo marok ijo ejjab maron̄ loe n̄a.

Ke ikar ba n̄an ro m̧ōtta n̄an etal wōt jān n̄a, en̄jake eo ekar jim̧we. Āinwōt n̄e Jetōb ekar kaben kakkōl eo an M̧am̧a . . . ak ilo iien eo ekar kajju waļo̧k m̧ōjņo̧ eo aō. Ekar pen aō lale an ro m̧ōtta diwojlo̧k ippān doon jān n̄a, im ikar kaju jutak im ettōrļo̧k ippāer, kāālet n̄an bōt e jinō.

Ke ikar tōpar kōjem eo nabōj in m̧ōnjar eo, ikar en̄jake ke juon pā ej dāpij n̄a. Ikar bōjrak im reilikļo̧k, ak ejjeļo̧k armej ijo ekar jibwe peiū. Ikar bwilōn̄, ikar kōtļo̧k an ro m̧ōtta diwōj jān m̧ōnjar eo jān n̄a, im ikar roolļo̧k im jijōt nabōj in kūlaaj ruum̧ eo m̧am̧a ekar pād ie.

Ilo 10 ak 15 minit eo ikar kōttar an m̧ōj Youth Night eo, ikar etale ta eo ekar waļo̧k. Ikar inepata wōt ke ikar jab ikkure nabōj ippān ro m̧ōtta, ak illakkar ļōmņak kōn en̄jake eo ikar en̄jake jān jinoin aer kar ba kōn diwōj jān m̧ōnjar eo, kōn naan in katak eo an jinō n̄an n̄a bwe in pād wōt ilowaan m̧ōnjar eo, im, aaet, kōn ‘pā’ eo ekar dāpij eō likļo̧k.

Ikar keememej en̄jake in aenōm̧m̧an ke ikar jinoin kāālet n̄an ron̄jake m̧am̧a, im ikar kile bwe ilo aō kar kōttar e, ikar maron̄ en̄jake Jetōb eo bar juon alen, ilo an ba n̄an n̄a bwe ikar—bar juon alen—kōm̧m̧ane kāālet eo ejim̧we.

Tok n̄an rainin, ikar jab jeļā etke elukkuun kar aorōk n̄an n̄a n̄an pād wōt lowaan m̧ōnjar eo bon̄ōn eo, im ejjab aorōk. Ij kam̧m̧oolol wōt kōn Jetōb Kwojarjar eo ej tōl im kaeņōm̧m̧an kōj, men̄e jej jab meļeļe . . . im ij kam̧m̧oolol bwe kōn pokake eo aō, Jetōb ekar kōtļo̧k bwe en em̧m̧an am ettōr n̄an m̧weo ālkin m̧akūtkūt ko an ward eo, kōn ejjeļo̧k keroro jān m̧am̧a.