Kappukōt Aenōm̧m̧an ilo Iien Mijak

Ilo Eprōļ 2021, ajeeded in nan̄inmej eo an Coronavirus ekar ajedeed ipelaakin Fiji kein karuo. Baam̧le eo aō, āinwōt elōn̄ ro jet, kar aikuj in m̧ōkaj aer kaminene n̄an aolep karōk ko kwaļo̧ki me rekar likuti n̄an kabōjrak ajeeded in nan̄inmej eo. Kōnke kar jinoin an ajedeed nan̄inmej in ekar wōr tarin emān awa in ettōr ettoļo̧k jān ijo ij jokwe ie, ikar jab ļōmņak ke enaaj kar lukkuun ļap an jelete lukkuun baam̧le ko ad, āinwōt ikar kōjatdikdik bwe ajeded eo enaaj kar m̧ōkaj an bōbrae.

M̧okta jān iien eo kein karuo an COVID itok n̄an Fiji, ikar bōk nuuj eo kōn jako eo an jim̧m̧a jemān baba. Jema, eo ekar jokwe rōtle in Viti Levu, ekar jab maron̄ pād ilo iien ilomej eo an jemen ilo Suva kōn jon̄an em̧akūtkūt ko ipelaakin Suva ilo an rijerbal in jikin ājmour eo kajjieon̄ in kōbar nan̄inmej eo. Menin ekar kōm̧m̧an bwe in kile bwe nan̄inmej in epaaktok n̄an m̧weo āinwōt an jelet an baam̧le eo aō maron̄ ippān doon n̄an ilomej eo an jimma.

Nan̄inmej eo ekar wōnm̧aanļo̧k wōt ilo an ajeeded ipeļaakin Fiji. Ilo iien eo, kar juon aō pejnej im ikar aikuj in jerbal wōt im bōkto bōktak bwe in maron̄ bōktok jāān n̄an kabwe aikuj ko an baam̧le eo aō. Jekar wōnm̧aanļo̧k wōt n̄an jerbal im kōjerbal jon̄ak ko n̄an kōjparok baam̧le eo am̧ jon̄an wōt am maron̄. Ekar juon iien epen n̄an kajjieon̄ in iminene n̄an oktak ko kōnke jej jab maron̄ ippān doon ippān baam̧le eo am, eo ekkā am kijor kōm̧m̧ane aolep jem̧ļo̧kin juon wiik. Ekar jino apan̄ ilo kōļmenļo̧kjeņ im ļōmņak ilo am jab maron̄ ippān doon im loe baam̧le ko am̧.

Lukkuun nan̄inmej in ekar jelet eō eļapļo̧k ke baam̧le jidikdik eo aō ekar jino en̄jake kōkaļļe ko an flu. Ikar ļōmņak ippa make, “Bōlen ekar mejin me ekkā an ajeeded.” ak kōm kar kakōlkōl āinwōt juon kein kōbōjrak ajeeded in nan̄inmej in. Ālkin kakōlkōl aolep men rekar em̧m̧an: ļeo ippa, leddik eo nejim me 18 an allōn̄, im n̄an kōm̧ aolep kar bōk nan̄inmej in COVID-19.

Nuuj eo kōn positive result ko ekar jelet kōm ilo kōļmenļo̧kjeņ, eļaptata ļeo ippa im n̄a. Jekar en̄jake āinwōt n̄e kōkaļļe ko rekar nana ļo̧k im bwe ekar aitokļo̧k am mour ilo am kar pedped wōt ilo m̧ool eo ke jenan̄inmej kōn Coronavirus. Pedped ioon nan̄inmej eo am ekar kalōk eļap mijak, eo ekar kam̧ōjņoik kōm ilo kōļmenļo̧kjeņ, ļōmņak, im jetōb—ekar ejjeļo̧k ruum̧ n̄an tōmak. Ālkin ruo wiik in am nan̄inmej, jekar jeļā jab kwaļo̧k am tōmak ilo Jisōs Kraist konke jekar kōtļo̧k bwe mijak en pād ilo ial eo am ilo am pedped ioon am nan̄inmej. Kiiō, n̄an joļo̧k menin, jekar jino oktak n̄an pedped ioon Rilo̧mo̧o̧r im kajoor eo ej itok jān am jerbal kōn tōmak eo am ilo E.

Minit eo kōm kar kālete n̄an tōmak ilo Jisōs Kraist im jerbal ioon, wāween am kōlmenļo̧kjen im mwil eo am̧ ekar oktak, im wāween am makūtkūt ekar juon wōt ippān tōmak eo am̧. Jekar jar ilo m̧ool im kwaļo̧k ilo jar ko am bwe ewōr amim tōmak ilo Jisōs Kraist im maron̄ eo An n̄an kōmour kōm ilo ānbwin. Jekar jino riit eļapļo̧k jān jeje ko rekwojarjar im kwaļo̧k eoon ko ipelaakin m̧weo im n̄an doon.

Jekar jino lōke im wōnmaanļo̧k n̄an kalōk kōjatdikdik. Jekar jab kiiō en̄jake mijak im inepata. Jekar m̧ōņōņō ilo m̧weo im m̧ōņōņō kōn an doon pād. Ke jekar lukkuun kwaļo̧k ad tōmak ilo Jisōs Kraist ilo ad kōm̧m̧ani men kein, jekar loe bwe ājmour eo am ekar walon̄tak im ekar jino an em̧m̧anļo̧k amim mour ejjab to jān iien eo.

Ij pen ilo aō tōmak bwe tōmak ilo Jisōs Kraist emaron̄ bōktok ājmour eo ekajoor ilo ad kajjieon̄ tōmak ilo E. Jemaron̄ jelm̧ae mijak im inepata ko ad n̄e jenaaj likūt lōke eo ad im pedped ioon Rilo̧mo̧o̧r Jisōs Kraist. Ilukkun kam̧m̧oolol bwe baam̧le eo am emaron̄ jerbal ippān doon ilo nan̄inmej in COVID kōn jipan̄ jān ājmour in kajoor eo an Rilo̧mo̧o̧r.