Te hō’ē pārurura’a hau

I te 10ra’a o tō’u matahiti, e ’orometua ha’api’i tō’u metua vahine nō te feiā ’āpī nō te pāroisa 8 i Oakland, California. I te hō’ē pō i roto i te hepetoma, tei tā mātou fare pure mātou nō te mau ’ātivite a te pāroita. ’Ua fa’aoti ’oi’oi tā mātou ’ātivite paraimere, nō reira ’ua haere atu vau i roto i te piha fa’afa’aeara’a e tō’u mau taea’e fēti’i ’e te mau hoa ’a tīa’i noa ai au ia māmā, tē tauturu ra i te fa’anahora’a i te pō a te feiā ’āpī.

’Ua ha’uti mātou i te pere fa’a’ārearea ’e te pere tāpuni, terā rā nō tō mātou rahi, mātou te mau tamari’i, ’ua ’ī roa te piha i te ta’ata. ’Ua hina’aro te tahi mau tamari’i pa’ari a’e e haere e ha’uti i rāpae nō te mea, e mea rahi a’e te ārea i reira, ’e nō te mea ato’a ē, e mea pōiri a’e te rāpaera’a i te piha ha’utira’a (’ua hau i te hora 7:00 i te pō i teie nei).

’Aita vau i pāpū ē, e pe’e ānei au ia rātou. ’Ua ani au e nehenehe ānei tā mātou e tāmau noa i te ha’uti i roto i te fare, terā rā, ’ua parau noa mai tō’u mau hoa iā’u e « E mea au a’e [tātou] i rāpae. ’Ua rahi roa tātou. E nehenehe. Noa atu rā i te reira, ’aita vau i hina’aro ’ia fifi au, nō reira ’ua fa’aoti au e ani i te parau fa’ati’a i tō’u māmā e haere e ha’uti i rāpae. »

« ’Aita », tā māmā i pāhono mai. Noa atu ē ’ua huru ’ē au i te pe’era’a i tō’u mau hoa, ’ua ’ino’ino noa vau i te ’ore-ra’a i fa’ati’a-hia ’ia haere i rāpae. ’Ua ’ārearea maita’i ho’i mātou. « No te aha e’ita tā’u e nehenehe e haere ? » Tā’u ïa uira’a. Te mana’o noa ’o māmā, ’oia ho’i, ’aita ’oia e hina’aro ’ia ha’uti au i roto i te pōiri ē ’aita e ti’a iāna ’ia ’ite mai iā’u.

Te paraura’a vau ma te au ’ore i tō’u mau hoa ’ia haere atu nā mua iā’u, e mea maita’i ïa. E au ē tē ha’apāpū mai ra te Vārua i te fa’aarara’a a tō’u māmā […] terā rā ’ua ’āpe’e-’oi’oi-hia taua taime ra e te hō’ē taime paruparu. E mea fifi roa ’ia hi’o i tō’u mau hoa ’ia haere i rāpae i te ’ūputa haerera’a ta’ata e ’aita vau, nō reira, ’ua ’ou’a vau i ni’a i tō’u nā ’āvae ’e ’ua horo nā muri iho ia rātou, ma te hina’aro pāpū ’ia ha’apa’o ’ore i tō’u metua vahine.

I te taime rā ’a tae ai au i te ’ūputa i rāpae i te fare purera’a, e au ē, tē tape’a ra te hō’ē rima iā’u. ’Ua fa’aea vau ’e ’ua fāriu atu, ’aita rā e ta’ata i reira nō te tape’a i tō’u rima. Ma te māere rahi, ’ua vaiiho vau i te toe’a o tō’u mau hoa ’ia fa’aru’e i te fare purera’a e ’aita vau, e i muriiho ’ua ho’i au e pārahi ’o vau ana’e i rāpae’au i te piha ha’api’ira’a tei reira tō’u metua vahine.

I roto i nā 10 ’e ’aore rā 15 minuti tā’u i rave i te hope’a o te pō a te Feiā ’Āpī, ’ua fa’ahamana’o vau i te mea tei tupu iho nei i roto i tō’u ferurira’a. ’Ua pe’ape’a noa vau i te mea ē ’aita vau e ha’uti ra i rāpae e tō’u mau hoa, terā rā, ’ua feruri noa vau i te mana’o pe’ape’a tā’u i fāri’i mai te taime ’a anihia ai iā’u ’ia fa’aru’e i te fare purera’a, te fa’auera’a a tō’u metua vahine ’ia fa’aea i roto ’e, ’oia mau, te « rima » e tāpe’a ra iā’u.

’Ua ha’amana’o vau i te mana’o hau poto tā’u i fāri’i i te taime mātāmua ’a fa’aoti ai au e ha’apa’o i te parau a tō’u metua vahine, ’e ’ua ’ite a’era vau ē ’a tīa’i noa ai au iāna, e nehenehe tā’u e fāri’i fa’ahou i te Vārua, ma te fa’a’ite mai iā’u ē, ’ua rave fa’ahou vau i te mā’itira’a tano.

I teie mahana, ’aita roa atu vau i ’ite ē nō teaha e mea faufa’a iā’u ’ia fa’aea noa i roto i te fare purera’a i taua pō ra, ’e ’aita tō te reira e faufa’a. ’Ua māuruuru noa vau i te Vārua Maita’i ’o tē arata’i ’e ’o tē tāmāhanahana nei ia tātou, noa atu ē ’aita tātou e māramarama nei … ’e tē māuruuru nei au ē, nā roto i te ha’apa’ora’a, ’ua ti’a i te Vārua ’ia fa’aho’i maita’i ia mātou i te fare i muri iho i te mau ’ātivite a te pāroisa, ’aita hō’ē mana’o o tō’u māmā.