Na Alu Ai Se Taimi Ae Mulimuli Ane Ua Ia Mafai ona Molimau Atu

O Aulola Mateialona sa fanau i totonu o le Ekalesia a Iesu Keriso o le Au Paia o Aso e Gata Ai. Sa tausia o ia e ni matua matutua faatuatua i Ha’alaufuli, Vava’u, i Tonga ma sa ia papatiso i le valu o tausaga. Sa mulimuli ane faau’u Aulola mai le Aoga Maualuga a Liahona, o se aoga a le Ekalesia.

Ina ua 15 ona tausaga, sa maua e Aulola lona faamanuiaga faapeteriaka, sa folafola mai ai afai e tutumau faamaoni o ia i ana feagaiga faatasi ma le Alii, faia se misiona talai, sa malamalama atoatoa Aulola i le tāua tele o lena faamanuiaga folafolaina. A o ia savali atu i le Malumalu o Nukualofa Toga mo le uluai taimi, sa lofituina o ia i se filifiliga e toe foi mai i se aso ma lana soa e faavavau ma faamau atu ia te ia i lena nofoaga paia.

O le meatonu lava i le olaga o Aulola, ae ui i lea, e le’i matuā mulimulita’ia le fuafuaga i lona loto. I le maea ai o lana misiona, sa alu sina taimi a’o le i avea le faaipoipoga ma faamuamua ia te ia, ma mai lena taimi sa ia alofa atu i se tagata sa le’i faasoaina lona faatuatuaga.

“O se alii lelei,” o le tala lea a Aulola. “E masani lava ona ia faafeiloa’ia faifeautalai [o la’u Ekalesia] i lo ma fale ma masani ona fafaga i latou, peitai e lē fiafia e faalogo i a latou sāvali.” O lona aiga o ni tagata auai toaaga o le latou faatuatuaga, ma e lē mafai ona motusia a latou tu masani. O le eseesega o ekalesia ua tuu ai se mafatiaga maoae i le la faaipoipoga. Sa lē mafai e Aulola ona auai soo atu i sauniga faamanatuga e pei ona manao i ai, ma sa ia lē mafai ona tausia le la fanau i totonu o le Ekalesia i le auala na tausia ai o ia. Mulimuli ane, o le feteenaiga i lo la aiga sa matuā tele lava. I le mavae ai o le 23 tausaga, sa filifili ai loa le ulugalii e tete’a.

Sa matuā mafatia lava Aulola. Ua faaletonu lana faaipoipoga ma, faatasi ai, o lona faamoemoe mo le lumanai ma lona aiga, peitai ua faapea foi ona ia puapuagatia nei mai le aafiaga tūgā tau soifua maloloina. I ona tiga ma faanoanoaga, sa ia liliu atu i lona Tama Faalelagi mo se taitaiga. “Sa ou anapogi ma tatalo, ma sa ou folafola atu i le Alii afai o le a Ia toe taliaina a’u, o le a ou lē toe liliu ese lava.”

O ana tatalo sa toe taitaiina atu ai o ia i lona faamanuiaga faapeteriaka, lea sa aumaia ia te ia le faamafanafanaga ma le filemu i se taimi aupito faigata. I se tasi aso, sa ia toe faitauina le folafolaga o le a ia faamau i le malumalu, ma sa iloa e Aulola le mea e manaomia ona ia faia. “Sa ou iloaina afai o le a ou lē faatinoina la’u vaega, o le a lē tino mai.” I lena lava taimi, sa ia toetuuto atu e mulimuli atu i poloaiga uma a le Tama Faalelagi, ma faalatalata atu ia te Ia e ala i le auai i le lotu, tatalo i aso taitasi ma le aoaoina o tusitusiga paia.

E le’i umi, sa toe fesootai ai Aulola ma se tagata masani mai ona aso muamua i Toga: o Uso Semisi Mounga Mateialona, o sē umia le perisitua talu ai nei na toe avea ai ma tagata nofo toatasi foi. Sa noatia i la’ua i luga o fefaasoaa’iga o aafiaga patino ma lo la alolofa faatasi mo le talalelei a Iesu Keriso, ma sa iloa e Aulola i lona loto o le alii lea mo ia. Sa faaipoipo i la’ua i Niu Sila i le 2019 ma i le faaiuga o Setema 2022, sa o la faimalaga atu ai i le Malumalu o Nukualofa i Toga e faamauina ai o le tasi i le isi mo le taimi nei ma le faavavau atoa.

I le faeasaite faalemalumalu talu ai nei i le Siteki a Papatoetoe i Aukilani, sa toetomanatu ai Aulola i le mea na ia ta’ua o se vavega. A o avea ma tamaitai talavou, sa ia maua se aafiaga patino o le suamalie paia o le malumalu ma sa iloa le tāua tele o le tapua’i atu ai iina. O lea, mo le 23 tausaga, sa ia leiloa pe o le a agavaa ea mo faamanuiaga o le malumalu ua folafolaina mo ia i lona faamanuiaga faapeteriaka . . . peitai sa ia lē fiu lava.

E alu ai le taimi, onosai ma le ituaiga o faatuatua lea e suia ai olaga, peitai i le taimi nei ua lagona e Aulola pei ua toe foi mai i le aiga. Mulimuli ane, ua ia mafai na molimau atu: “Pe afai e te tumau latalata i le Atua, O le a Ia faamanuiaina oe e pei ona Ia folafola mai . . . pe a e faatino lau vaega.”