“ʻOku Feʻunga Nai ʻEku Foakí?,” Liahona, ʻEpeleli 2023.
Haʻu, ʻo Muimui ʻIate Au
ʻOku Feʻunga Nai ʻEku Ngaahi Foakí?
Naʻe ʻiloʻi ʻe he kau ākongá ko e foʻi mā ʻe nimá mo e mataʻi ika ʻe uá ko ha kiʻi ia he ʻikai feʻunga (vakai, Sione 6:7–9). Ka naʻe lava ʻe he Fakamoʻuí ʻo liliu ia ki he mana naʻá ne fafanga ai ʻa e kakai ʻe toko 5,000.
Kuo folofola ʻa e ʻEikí, “ʻOku ou mafai ke fai ʻa ʻeku ngāue pē ʻaʻakú” (2 Nīfai 27:20); te Ne lava ʻo fakahoko ʻEne ngaahi taumuʻá taʻe kau ai ha foʻi mā pe mataʻiika meiate kitautolu. Ka ʻokú Ne kei kole mai ke tau foaki “ʻa e loto mo e ʻatamai fie faí” (Tokāteline mo e Ngaahi Fuakava 64:34).
Tatau ai pē pe ko e hā ʻoku tau fakatāpui ki Heʻene ngāué—ʻa ʻetau koloá, talēnití, taimí, tuí, ʻofá—pe ko e lahi ʻo e meʻa ʻoku tau lava ʻo foakí, ʻe lava ke fakalahi mo fakaʻaongaʻi ʻe he Fakamoʻuí ʻa e feilaulau loto-fiemālie kotoa pē ke langa Hono puleʻangá mo fakahoko ʻEne ngāué.
Fakakaukau ki he meʻa naʻe fakahoko ʻaki ʻa e loto mo e ʻatamai fie fai ne foaki ʻe he kakai ko ʻení:
Tā fakatātaaʻi ʻe Bradley Clark