Kutafuta Amani Binafsi

Picha

karatasi ya kupamba ukutani

Leo nitazungumza juu ya kile nilichojifunza kuhusu muujiza wa kupata amani binafsi, bila kujali hali zetu.

Nimejifunza angalau kweli tano kutoka kwenye mafundisho hayo ya Mwokozi.

Kwanza, zawadi ya amani inatolewa baada ya sisi kuwa na imani ya kushika amri Zake. …

Pili, Roho Mtakatifu atakuja na kukaa nasi. …

Tatu, Mwokozi anaahidi kwamba tunaposhika maagano yetu, tunaweza kuhisi upendo wa Baba na Mwana kwa kila mmoja wetu na kwa ajili yetu sisi. …

Nne, kushika amri za Bwana kunahitaji zaidi ya utiifu. Tunapaswa kumpenda Mungu kwa mioyo yetu yote, nguvu, akili na roho. …

Tano, ni wazi kwamba Bwana alitupenda vya kutosha kulipa gharama ya dhambi zetu ili kwamba tuweze—kupitia imani yetu Kwake na toba yetu, kupitia matokeo ya Upatanisho Wake—tuwe na zawadi ya amani “ipitayo akili zote”[Wafilipi 4:7], katika maisha haya na pamoja Naye milele. …

Waumini kote katika Kanisa wamehisi zawadi ya Bwana ya amani binafsi. Anamhimiza kila mtu kuwasaidia wengine kuwa na fursa za kuja Kwake na kustahili kupata amani hiyo hiyo wao wenyewe. Wao, kama mjibizo, watachagua kutafuta mwongozo wa kiungu ili kujua jinsi wanavyoweza kupitisha zawadi hiyo kwa wengine.

Kizazi kinachoinukia kitakuwa walezi wa kizazi kitakachofuata. Matokeo ya ongezeko la zawadi hiyo yatazalisha muujiza. Itaenea na kukua baada ya muda, na ufalme wa Bwana duniani utakuwa umeandaliwa na tayari kumpokea Yeye kwa kelele za hosana. Kutakuwa na amani duniani.