Elder J. Kimo Esplin

Tau ’āva’e i muri mai i tāna misiōni, tei roto o Elder J. Kimo Esplin i te hō’ē ’ati purumu tei ha’apohe i tōna metua tāne. Tau ’āva’e noa i muri mai, tē pārahi ra tōna metua vahine i pīha’i iho iāna, ’ua ūhia mai tōna pere’o’o nā muri. ’Ua tere noa tōna pere’o’o, ’e ’ua pohe tōna metua vahine ’e tāna tamāhine fēti’i.

Noa atu te mau ’ati ’e te māuiui tāna i fārerei, tē feruri nei ’o Elder Esplin ē, ’ua ha’amaita’ihia ’oia. Tē fa’atumu nei ’oia i taua mana’o ra i ni’a i te Fatu ’e i tōna maita’i ’e tōna aroha rahi.

« E mea maita’i te orara’a », tāna ïa parau.

Hō’ē o tāna mau parau au roa ’oia ho’i, « ’Aita te Fatu e rave nei i te reira i ni’a ia ’outou ; tē rave nei ’oia i te reira nō ’outou ».

I muri a’e i te pohera’a tōna nā metua, ’ua tauturu mai tōna nau tuahine pa’ari iāna ’e ’ua tono iāna i te ara i te fare ha’api’ira’a i te pū Brigham Young University nō Ierusalema. I reira tōna mātaura’a ia Kaye Davis.

’Ua riro mai rāua ’ei nau hoa maita’i ’a pūhapa ai tā rāua pupu i roto i te metebara nō Sinai, ’a ’ohipa ai i roto i te mau fa’a’apu mai’a, ’e ’a tuatāpapa ’āmui ai i te faufa’a tahito ’e te faufa’a ’āpī.

I muri a’e i tō rāua ho’ira’a mai i Provo, Utaha, ’ua ha’amata rāua i te arapae. ’Ua fa’aipoipohia rāua i roto i te hiero nō Roto Miti i te ’āva’e Tītema 1985. E ono tamari’i tā rāua.

’Ua fānauhia ’o Jon Ross Kimo Esplin i te 18 nō ’Ātete 1962, i Kahuku, Hawaii, Fenua Marite. ’O ’oia te tamari’i āpī roa a’e—’e ’o ’oia ana’e te tamāroa—o nā tamari’i e va’u a Ross S. ’e ’o Olive Ora Moody Esplin.

’Ua roa’a ia Elder Esplin te parau tu’ite nō te ’ohipa matutu i te fare ha’api’ira’a nō Brigham Young University i te matahiti 1987. I muri a’e i tōna fa’ahaerera’a i tōna ’utuāfare i Chicago, Illinois, ’ua ha’amata ’oia i tāna ’ohipa i roto i te ’ohipa ’imira’a faufa’a, ’e ’ua noa’a iāna te parau tu’ite master nō te fa’aterera’a i te ’ohipa putu faufa’a.

I te rirora’a Elder Esplin ’ei mono peresideni ’e ’ei fa’atere ’ohipa faufa’a rahi nō Huntsman Corporation, ’ua fa’aea poto noa te ’utuāfare i Belegika hou ’a pārahi ai i Cottonwood Heights, Utaha.

E hitu ’ahuru ārea ’o Elder Esplin i te taime ’a pi’ihia ai ’oia ’ei Hitu ’Ahuru Hui mana fa’atere rahi, ’ua tāvini ’oia ’ei peresideni misiōni i roto i te misiōni nō Tāpone Tokyo ’e nō Tāpōnē Tokyo Apato’a. ’Ei misiōnare rave tamau ’āpī, ’ua tāvini ’oia i roto i te misiōni nō Kobe i Tapone. ’Ua tāvini ato’a ’oia ’ei peresideni titi, ’ei melo ’āpo’ora’a teitei, ’e ’ei ’episekōpo.