Tuahine Tamara W. Runia

I roto i tōna orara’a tā’āto’a, ’ua mau i te tuahine Tamara (Tammy) W. Ruina e rave rahi pi’ira’a—’orometua nō te papa’ira’a mo’a o te titi, tauturu i roto i te hō’ē peresidenira’a Sōtaiete Tauturu titi, fa’atere ’e tāna tāne fa’aipoipo nō te misiōni nō Auteraria Sydney—tera rā, ’ua tāvini ’oia i te rahira’a o tāna tāvinira’a i rotopu i te Feiā ’Āpī Tamahine.

« ’Ua here roa vau i te mau pi’ira’a ato’a tā’u i tāvini », ’oia te tuahine Runia, tei tāvini ato’a ’ei peresideni Feiā Āpī Tamāhine nō te titi. Terā rā, ’ua parau fa’ahou ’oia, « E ti’a iā’u ’ia parau ē, e au ē, tei te fare au ’e te feiā ’āpī tamāhine ».

’Ua parau te tuahine Runia ē, ’ua haere ’oia i te pūhapara’a a te feiā āpī tamāhine hau atu i te 20 taime. I te hō’ē matahiti, ’ua ani-ato’a-hia iāna ’ia haere i te pūhapara’a ’ei ta’ata fa’a’oa’oa.

’Ua hina’aro ’oia ’ia ’ite te feiā ’āpī tamahine ato’a i te here rahi ’o tō rātou Metua i te Ao ra ia rātou. Ua parau oia ē, « Mai te ra’i te ’ā’ano o taua here ra, mai te moana te hōhonu ». ’Ua parau fa’ahou ’oia, « tē hina’aro nei te Metua i te Ao ra ’ia ho’i rātou pā’āto’a i te fare ».

Tē mana’o nei ’oia ē, nā terā tū’atira’a e taui i te orara’a o te feiā ’āpī tamāhine « nō te mea, ’ua tupu te reira i ni’a iā’u ».

’Ua fānauhia te tuahine Runia i te 2 nō Māti 1961, i Concord, i California, fenua Marite, nā Vincent Alma Wood ’e ’o Gail Hilton Wood. ’Ua pa’ari ’oia i Walnut Creek, California.

E matahiti mātāmua ’oia i te fare ha’api’ira’a Tuatoru Brigham Young nō te ha’api’i i te ’ohipa pāpa’i ve’a hōho’a teata ’a fārerei ai ’oia ia R. Scott Runia. ’Ua fa’aipoipo rāua i te matahiti 1981 i roto i te hiero nō Oakland, California. E hitu tā rāua tamari’i ’e te ora nei rāua i Provo, Utaha.

’Ua pāturuhia te tuahine Runia i roto i te āmuira’a rahi nō Ēperēra ei tauturu hō’ē i roto i te peresidenira’a rahi ’āpī o te Feiā Āpī Tamāhine. E ha’amata ’oia i tāna tāvinira’a i te 1 nō ’Ātete.

Ta’a ’ē noa atu tāna tāvinira’a i roto i te ’Ēkālesia, ’ua ti’a ’oia e 20 matahiti i roto i te pupu ti’a’au i te mā’a i Provo, o tē hōro’a nei i te mau rāve’a tauturu nō te mau ta’ata ’aita e nohora’a ’e ’aita i rahi te moni.