Te tuahine Andrea Muñoz Spannaus

’A ora ai ’ei tamari’i i Rāparata, ’ua haere ’o Andrea Veronica Muñoz ’e tōna tuahine pa’ari i te hō’ē fare ha’api’ira’a Katorika. ’Aita rāua i fārerei i te tahi atu mau ha’api’ira’a fa’aro’o ’ē tae roa atu e iva matahiti tō Andrea. I reira te mau misiōnare feiā mo’a i te mau mahana hope’a nei ha’amatara’a i te ha’api’i i tōna ’utuāfare nō ni’a i te ’evanelia tei fa’aho’i-fa’ahou-hia mai.

I muri noa iho i te fa’aotira’a te mau misionare i ta rātou ha’api’ira’a ’e ’a ho’i atu ai, ’ua fa’ata’a a’era te metua vahine ’o Andrea ē, ’ua hau atu i te hō’ē noa ha’apa’ora’a. ’Ua ani ’o Andrea i tōna metua vahine e aha te ’ēkālesia tāna i mana’o e ti’a maita’i a’e nō te Atua. ’Ua pāhono atu tōna metua vahine, « tē mana’o nei au ē, o teie ïa »—Te ’Ēkālesia a Iesu Mesia i te Feiā Mo’a i te mau mahana hope’a nei, o te reira ïa tā te mau misiōnare i ha’api’i iho nei ia ratou.

I te tā’āto’ara’a o tōna orara’a, ’ua « hina’aro noa ’o Andrea ’ia fa’a’oa’oa i te Atua », nō reira ’ua feruri ’oia ’ia fāri’i i te hō’ē fa’aro’o ’āpī. Terā rā, ’ua vai noa te reira mana’o ma’a minuti noa te maoro, ’e ’ua monohia te reira i te hō’ē hina’aro ’ia ’ite hau atu nō ni’a i te ’Ēkālesia.

’Ua bāpetizohia te ’utuāfare, « ’e ’ua ha’amata mātou i te hō’ē orara’a ’āpī », te parau ïa a te tuahine Spannaus. « E mea fa’ahiahia mau te tauira’a tō mātou orara’a ’utuāfare nō mātou pā’āto’a ».

’Ua fanauhia ’o Andrea Veronica Muñoz Spannaus i te 18 nō Mē 1968, i Buenos Aires, Raparata, ia Carlos Alberto Muñoz ’e ia Elida Menicucci. ’Ua pa’ari ’oia i Béccar, i Rāparata. ’Ua fa’aipoipo ’oia ia Alin Spannaus i roto i te hiero nō Buenos Aires Rāparata i te āva’e Ātopa 1992. E metua rāua nō e piti tamāhine.

’Ua noa’a i te tuahine Spannaus te hō’ē parau tū’ite nō te ha’api’ira’a i te tamari’i na’ina’i, ’e ’ua ha’api’i ato’a ’oia i te ’ohipa ano’ihi ’e te fa’a’una’una i roto i te fare. Tē tāvini nei ’oia i teie taime i roto i te ’āpo’ora’a tauturu rahi a te Sōtaiete Tauturu. Nā mua atu, ’ua tāvini ’oia i te ārea nō Amerika Apato’a nō te Tōmite ’āmuira’a nō te pūai o te feiā āpī, i roto i te tomite ’āmuira’a nō te JSF Utaha Latino, ’e tāna tāne ’ei ti’a fa’atere nō te misiōni nō Mexico Cuernavaca.

’Ua tāvini ato’a ’oia ’ei peresideni nō te Sōtaiete Tauturu, nō te Feiā ’Āpī Tamahine ’e nō te Paraimere i roto i te pāroita, ’ei ’orometua haapi’ira’a ’evanelia i te po’ipo’i roa, ’ei tauturu ha’amāramarama nō te feiā ’āpī pa’ari ’ōtahi reo paniora o te paroita, ’e ’ei misiōnare i roto i te misiōni nō Rāparata Resistencia.