2023
’Ua fa’aara te peropheta 15 hiero ’āpī
Mē 2023

’Ua fa’aara te peropheta 15 hiero ’āpī

I te ’āmuira’a rahi nō te ’āva’e ’Ēperēra 2023, ’ua fa’aara te peresideni Russell M. Nelson i te mau hiero i te mau vāhi i muri nei :

  • Retalhuleu, Tuatemara

  • Iquitos, Pērū

  • Teresina, Peretīria

  • Natal, Peretīria

  • Tuguegarao City, Firipino

  • Iloilo, Firipino

  • Jakarta, ’Īnitōnētia

  • Hamburg, Heremani

  • Lethbridge, Alberta, Tanata

  • San Jose, California, Fenua Marite

  • Bakersfield, California, Fenua Marite

  • Springfield, Missouri, Fenua Marite

  • Charlotte, North Carolina, Fenua Marite

  • Winchester, Virginia, Fenua Marite

  • Harrisburg, Pennsylvania, Fenua Marite

Tē tāmau noa nei te haerera’a i mua o te mau hiero ’āpī

’Ua ha’amo’ahia ’aore rā ’ua ha’amo’a-fa’ahou-hia te mau hiero i muri nei mai te ’āmuira’a rahi i ma’iri nō ’Ātopa ra :

  • ’Ua ha’amo’a-fa’ahou-hia te hiero nō Hamilton (Niutirani) i te 17 nō ’Ātopa 2022.

  • ’Ua ha’amo’a-hia te hiero nō Quito (Fenua Ētuatōria) i te 20 nō Novema.

  • ’Ua ha’amo’ahia te hiero nō Belém (Peretīria) i te 20 nō Novema.

  • ’Ua ha’amo’ahia te hiero nō San Juan (Puerto Rico) i te 15 nō Tēnuare 2023.

E ha’amo’ahia te hiero nō Richmond (Virginia, Marite) i te 7 nō Mē.

’Ua tupu te tāpūra’a repo mātāmua nō te mau hiero i muri nei : Hiero nō Querétaro (Mēhiko), hiero nō Managua (Nītaratua), hiero nō Willamette Valley (Oregon, Marite), hiero nō Torreón (Mēhiko), hiero nō Miraflores Guatemala City (Tuatemara), hiero nō Port Vila (Vanuatu), ’e hiero nō Heber Valley (Utah, Marite).

Parau ’āpī nō ni’a i te mau fa’a’āpīra’a i Temple Square

I hope iho nei te torura’a o te matahiti o te ’ōpuara’a fa’a’āpīra’a o te hiero nō Roto Miti. I te matahiti 2022, ’ua tupu te mau ’ohipa rarahi i muri nei :

  • Te puru-’ore-ra’a i te pape ’e te fa’anehenehera’a i te Main Street Plaza.

  • Te ha’amaura’a i te mau te’a tīmā i raro a’e i te mau niu o te hiero.

  • Te ha’amaura’a i te mau tuiō nō te puru-’ore-ra’a ’e nō te fa’atahera’a hiona i ni’a i te vāhi nō te fare nō te mau piha tōro’a o te ’Ēkālesia ; ’ua ha’amata te ’ohipa tāra’a.

  • Te ha’amatara’a o te patura’a i te mau ti’ahapa nō te mau manihini, ’e i nā tahua raro ’āpī e toru o te hiero, tei reira e piti piha bāpetizora’a ’āpī, te mau piha tā’atira’a, te mau piha tauira’a ’ahu ’e te mau piha fa’aterera’a ’ohipa.