“San José, Costa Rica,” Liahona, Tesema 2023.
Ua I Ai le Ekalesia Iinei
San José, Costa Rica
O le laumua o le malo o Costa Rica, San José, o loo i le Vanu Tutotonu, e siomia e mauga ma maugamu. Na taunuu uluai faifeautalai mai Le Ekalesia a Iesu Keriso o le Au Paia o Aso e Gata Ai i Costa Rica i le 1946. I le asō, o le Ekalesia i Costa Rica ua i ai le:
-
(pe ā ma le) 52,000 tagata auai
-
10 siteki, 78 uarota ma paranesi, 2 misiona
-
1 malumalu i San José
Fatufatua’i i le Aoaoina o le Talalelei
I Heredia, i matu o San José, e suesue faatasi ai e Jeremy ma Estefania Brandaris ma le la tama tama le talalelei o se aiga. “O le ma atalii e aumalosi tele, o lea e faigofie ai ona faalavelaveina o ia,” o le tala lea a Estefania. “O ata, vitiō, o fasifuaitau e fai faafia, ma le taalo i taaloga e fesoasoani ia te ia e aoao ai. O lea la o lana upu e sili ona fiafia i ai o Iesu.”
O nisi mea e uiga i le Ekalesia i Costa Rica
-
O se tamaitai talavou mai Costa Rica ua tuuto atu i le tausia o ana feagaiga, e tusa lava po o le a.
-
E ui i le aveesea o mea uma i se lologa faataumaoi, ae ua iloa lava e se aiga Costa Rica o loo i ai pea mea uma e sili ona taua.
-
I taimi o le Kerisimasi i Costa Rica, e faasoa atu e se aiga le olioli o le foai atu i faifeautalai.
-
Ua faasoa mai e se alii talavou matua mai Costa Rica ona manatu e uiga i le faatoilaloina o le gagase faaleagaga.
-
O se tagata fusu taufeaa mai Costa Rica o loo faaalia i se ata tifaga a le Ekalesia.
E faaaoga e se tinā ma se tamā i Costa Rica ni punaoa faaeletonika mai le Ekalesia e aoao ai le la fanau teine.
O Elder Dale G. Renlund ma lona faletua, o Ruta, ua asiasi atu faatasi ai ma sui mai le tele o tapuaiga i se fonotaga faavaomalo mo le saolotoga o tapuaiga i Costa Rica i le 2017.
E pei o Au Paia o Aso e Gata Ai i le lalolagi atoa, e maua e le autalavou i Costa Rica se faauoga ma le malosi faaleagaga mai le auai faatasi i vasega o le Aoga Sa.
O le faalogologo i lauga ma taitaiga musuia i sauniga Lotu e fesoasoani foi i Au Paia o Aso e Gata Ai i Costa Rica ia latalata atu ai ia Iesu Keriso.
I le taimi o se asiasiga i Costa Rica i le 2020, sa lululima ai Elder Ulisses Soares ma le peresitene o le fono faitulafono a le atunuu.
O se aiga i Costa Rica e savavali faatasi i le fale pe a tuua le lotu.
Ua asiasi atu se aiga i le Malumalu o San José i Costa Rica.