“E Mafai Faapefea Ona Ou Manumalo i le Lalolagi?,” Liahona, Iuni 2023.
Sau, Mulimuli Mai ia te A’u
E Mafai Faapefea Ona Ou Manumalo i le Lalolagi?
Na tusia e Ioane e faapea o tagata o le Ekalesia o e manumalo i le lalolagi o le a maua faamanuiaga silisili (tagai Faaaliga 2–3). E ui o nisi o nei faamanuiaga o le a oo mai pe a mavae lo tatou aafiaga faaletino, ae na tuuina mai e Peresitene Russell M. Nelson ia i tatou ni faataitaiga o le tele o isi faamanuiaga e mafai ona tatou maua i le taimi nei pe a tatou filifili e mulimuli i le Faaola i aso taitasi. O nisi nei o na faamanuiaga o loo aoteleina i lalo.
O Faamanuiaga o loo Avanoa i le Taimi Nei
-
Sili atu ona tetee i le agasala
-
Faateleina o le faatuatua ma le alofa i le Tama Faalelagi ma Iesu Keriso
-
Filemu moni i soo se tulaga1
Fesili e Fesili Ifo ia te Oe Lava
O nei faamanuiaga e masani ona manaomia ai lo tatou ositaulaga. A o e sailia faaaliga faaletagata lava ia mo auala e mafai ona e manumalo ai i le lalolagi, mafaufau e fesili ifo ia te oe lava i fesili nei:
-
O a fesoasoani ou te manaomia mai le Faaola?
-
O le a se mea o taofia ai a’u mai le mauaina o i latou?
-
O a ni suiga laiti e mafai ona ou faia i lo’u olaga ina ia maua ai?
Manatua, e pei ona sa aoao mai Peresitene Nelson, “e fiafia le Alii i taumafaiga.”2 E silafia e le Faaola au taumafaiga (tagai Faaaliga 2:2) ma o le a lagolagoina oe i soo se mea Na te mafaia a o e galue ia latalata atili atu ia te Ia.