Au Gole Taumada Tiko Beka Li ki Vua na Turaga?

iVakatakilakila

Masu tiko o Nifai

Eda kila mai na 1 Nifai 2:16 ni gauna a sotava kina o Nifai na veilecayaki, a gole ki vua na Turaga ka qai vakamalumalumutaka na yalona na Turaga. Ena yasana kadua, ena gauna e rau a sotava kina na veilecayaki o Leimani kei Lemueli, e rau a veiba vakairau ka rau vakararavi vei tacidra o Nifai me sauma na vakatataro ka rau sega ni vakararavi vua na Turaga (raica na 1 Nifai 15:8–9).

E rau vakaraitaka o Leimani kei Lemueli e dua na ivakarau ni ka e rawa ni yaco ni da vakararavi vakatabakidua vei ira na tani me baleta na dina ka sega ni gole vua na Turaga. A yaco me kaukauwa vakayalo o Nifai ka yalodina tikoga vua na Kalou ena nona bula taucoko, ia o Leimani kei Lemueli e rau a qai vakanadakuya na ivakavuvuli nei tamadrau me baleta naTuraga. E dina ga ni a dua na tisaipeli nuitaki o Nifai, ia a kila o koya ni sega ni isosomi ni kena vakasaqarai na dina mai vua na Turaga. (raica na 1 Nifai 15:6–11).

Ni o dikeva na nomu vakararavi tiko vua na Turaga mai na nomu vakararavi vei ira tale eso, na veidigidigi cava soti oqo o dau cakava?

iVurevure Vakavuravura	iVurevure Vakosipeli
Au dau guilecava vakavuqa me‘u vakasamataka vakatitobu ka vakananuma na veika a vakavulici ena koniferedi raraba.	Au dau vulica vakawasoma na vosa ni koniferedi raraba me tugani tikoga kina ena noqu vakasama na nodra vosa na iliuliu.
Ni dau tiko na noqu taro, au dau goleva na itukutuku raraba se na kakaburaki au dau taleitaki me‘u kunea kina na isau ni taro.	Ni dau tiko na noqu taro, au vakasaqara na veivuke ena ivolanikalou se ena nodra vosa na parofita ni gauna oqo.
Au dau guilecava vakawasoma me‘u masu ka vulica na ivolanikalou.	Na masu kei na vuli ivolanikalou e rau sa tiki tudei tu ni noqu bula.
E vinaka cake na nodra ivakasala eso tale na tamata mai vei ira na iliuliu ni Lotu se na ivolanikalou.	Au kunea na vakacegu ni‘u vakarorogo ki na nodra vosa na iliuliu ni Lotu kei na ivolanikalou.
Au dau vakamareqeta vakalevu cake na nodra nanuma na tani mai na ivakavuvuli ni kosipeli.	Au vakamareqeta na ivakavuvuli ni kosipeli kei na veivakauqeti mai vua na Yalo Tabu.