“Bogotá, Colombia,” Liaona, Janu. 2024.
Sa Tiko Eke na Lotu
Bogotá, Colombia
O Bogotá e dua vei ira na koroturaga cere duadua e vuravura. Na imatai ni ivavakoso ni Lotu i Jisu Karisito ni Yalododonu Edaidai mai Colombia a tauyavutaki ena 1966. Nikua, na Lotu e Colombia sa tiko kina e:
-
214,400 na lewenilotu (vakacaca)
-
30 na iteki, 257 na tabanalevu kei na tabana, 5 na tabana ni kaulotu
-
2 na valetabu (Bogotá kei Barranquilla) kei na 1 sa kacivaki (Cali)
Na Serenilotu e Sureta na Yalotabu
O Dario kei Esneda Cruz, mai Bogotá, e rau vakila ni rau voleka vua na Kalou ni rau laga serenilotu. “Mai na serenilotu keirau vakaqaqacotaka kina na neirau ivakadinadina,” e rau vakamacalataka. “Na veika keirau vakila e lomai keirau sa ka talei vakaidina sara.”
Veika tale eso me baleta na Lotu e Colombia
-
E rau a gole o Peresitedi Dallin H. Oaks, iMatai ni Daunivakasala ena Mataveiliutaki Taumada, kei Elder Ulisses Soares ena Kuoramu ni iApositolo Le Tinikarua ki Colombia ena vakatabui ni valetabu e Barranquilla.
-
O ira na lewenilotu e Colombia era tara cake na bula ni rawati ira vakai ira kei na inuinui, dina ga ni tiko na dredre.
-
Wilika na sala a lewena kina na Lotu e dua na lewe ni Vitusagavulu mai Colombia.
-
E wasea o Peresitedi Oaks na kedrau italanoa e dua na veiwatini yalodina mai Colombia kei na solibula e rau a vakayacora me rau vauci kina e valetabu.
-
E dua na iteki e Colombia e solia na gauna kei na tamata cakacaka me kina vukea e dua na matavuvale e sotava tiko na dredre.
Na Valetabu e Barranquilla Colombia
Era taba na lewenilotu ena taudaku ni Valetabu e Barranquilla Colombia ni bera na kena vakatabui ena Tiseba ni 2018.
O Peresitedi Dallin H. Oaks, na iMatai ni Daunivakasala ena Mataveiliutaki Taumada, e a vakatabuya na Valetabu e Barranquilla Colombia ena i ka 9 ni Tiseba, 2018.
Era soqoni na lewenilotu me ra lagasere vata ena vakatabui ni valetabu.
Ena nona veisiko ki Barranquilla, e a lululu o Peresitedi Oaks kei na dua na cauravou ena dua na lotu ni itabagone.