Kapitulli 1
Si e Morëm Ne Librin e Mormonit
Një ditë, Jozefi lexoi në Bibël vargun te Jakobi 1:5: “Por në qoftë se ndonjërit nga ju i mungon urtia, le të kërkojë nga Perëndia”. Jozefi kishte nevojë të dinte se cila kishë ishte e vërtetë, kështu që ai vendosi të pyesë Perëndinë.
Një mëngjes pranvere, Jozefi shkoi në pyll pranë shtëpisë së tij për t’u lutur.
Kur ai u ul në gjunjë dhe filloi të lutej, Satani u përpoq ta ndalonte. Jozefi u lut shumë, duke i kërkuar ndihmë Atit Qiellor.
Ati Qiellor dhe Jezu Krishti erdhën te Jozefi në një shtyllë drite. Ati Qiellor tregoi me gisht Jezusin dhe tha: “Ky është Biri Im i Dashur. Dëgjoje Atë!”
Jozefi pyeti se me cilën kishë duhej të bashkohej. Jezusi i tha atij që të mos bashkohej me asnjërën prej tyre sepse të gjitha ishin të gabuara.
Kur Jozefi u tha disa njerëzve se çfarë kishte parë e dëgjuar, ata e përqeshën atë. Udhëheqësit e shumë kishave në vend e përndoqën atë.
Tre vjet kaluan. Një natë, Jozefi po lutej që të merrte falje për mëkatet e tij dhe për të ditur se çfarë duhej të bënte.
Një engjëll, i quajtur Moroni, u shfaq dhe i tregoi Jozefit për një libër që ishte shkruar në fletë të arta. Jozefi duhej t’i përkthente këto fletë në anglisht.
Pasi Moroni u largua, Jozefi mendoi rreth asaj që i kishte thënë Moroni. Moroni erdhi edhe dy herë të tjera atë natë.
Të nesërmen Jozefi shkoi në majë të kodrës Kumorah, të cilën e kishte parë në një vegim. Atje ai gjeti një gur të madh. Ai e ngriti gurin me një shkop druri.
Poshtë gurit kishte një kuti prej guri. Kur Jozefi pa brenda në kuti, ai pa fletët e arta.
Moroni iu shfaq Jozefit dhe i tha të mos i merrte fletët, por të kthehej në të njëjtën ditë çdo vit për katër vjet. Çdo herë që Jozefi shkonte, Moroni e mësonte atë.
Pas katër vjetësh, Jozefi më në fund u lejua që t’i merrte fletët e arta. Ai përdori Urimin dhe Thumimin për të përkthyer disa prej atyre fletëve.
Shkruesit e ndihmuan Jozefin që t’i shkruante fjalët ndërsa ai i përkthente ato nga fletët e arta.
Jozefi i çoi fjalët e përkthyera te një tipograf dhe i bëri një libër.
History of the Church [Historia e Kishës] 1:71
Libri quhet Libri i Mormonit. Ai tregon për njerëz që jetuan në Amerikë shumë kohë më parë. Ai tregon gjithashtu për Jezu Krishtin, Birin e Perëndisë.