Kapitulli 33
Njerëzit e Mbretit Kundër Njerëzve të Lirë
Kur Pahorani refuzoi, populli u zemërua dhe donte ta hiqte Pahoranin nga detyra e kryegjykatësit. Ata donin të kishin një mbret, jo gjykatës.
Të quajtur njerëz të mbretit, ata shpresuan se ndonjë nga ata do të bëhej mbret dhe do të kishte pushtet mbi popullin.
Nefitët që donin ta mbanin Pahoranin si kryegjykatës, u quajtën njerëz të lirë. Ata donin të ishin të lirë për të jetuar dhe adhuruar sipas zgjedhjes së tyre.
Njerëzit votuan për të zgjedhur midis njerëzve të lirë dhe njerëzve të mbretit. Shumica e tyre votuan për njerëzit e lirë.
Në të njëjtën kohë, Amalikia po mblidhte një ushtri të madhe lamanite për të sulmuar nefitët.
Kur njerëzit e mbretit dëgjuan që lamanitët po vinin, ata u kënaqën dhe refuzuan të ndihmonin për ta mbrojtur vendin e tyre.
Kapiten Moroni ishte i mërzitur nga njerëzit e mbretit që nuk do të luftonin. Ai kishte punuar shumë për t’i mbajtur nefitët të lirë.
Ai i kërkoi guvernatorit pushtet për t’i bërë njerëzit e mbretit ose të luftonin kundër lamanitëve ose të dënoheshin me vdekje.
Kur guvernatori, Pahorani, ia dha Moronit këtë pushtet, Moroni e udhëhoqi ushtrinë e tij kundër njerëzve të mbretit.
Shumë njerëz të mbretit u vranë, disa u futën në burg. Pjesa tjetër ra dakord të ndihmonte për ta mbrojtur vendin e tyre kundër lamanitëve.