Vakaiʻi Fakalūkufua ʻo e Kalasi ʻo e Ngaahi Fetuʻutaki ʻi he Nofo Malí mo e Fāmilí

ʻOku malanga ʻaki ʻe he kau palōfita ʻi he ngaahi ʻaho kimui ní ʻa hono mahuʻinga taʻengata ʻo e nofo-malí mo e fāmilí.

ʻOku lava ʻe he mali taʻengatá ʻo ʻomi ʻa e fiefiá mo ha ngaahi tāpuaki lahi ʻi he moʻuí ni mo e taʻengatá kotoa.

ʻOku fakataumuʻa ʻa e kalasi ko e Ngaahi Fetuʻutaki ʻi he Nofo Malí mo e Fāmilí ke tokoniʻi kitautolu ke tau fiefia ʻi heʻetau ngaahi fetuʻutaki fakafāmilí.

ʻOku lava ke hoko hotau ngaahi ʻapí ko ha “konga ʻo hēvani” ʻi heʻetau langa “ʻi he maka ʻo hotau Huhuʻí.”

Kuo fekauʻi ʻe he ʻEikí ke taha pē ʻa e husepānití mo e uaifí.

ʻOku totonu ke fefakamahuʻingaʻia ʻaki ʻe he husepā- nití mo e uaifí kinaua ko ha ongo kaungā ngāue tuʻunga tatau.

ʻOku totonu ke feinga ʻa e husepānití mo e uaifí ke fepoupouʻaki lelei hona ngaahi ʻulungāangá mo e ngaahi meʻa ʻokú na lava ʻo fai fakafoʻituituí.

Kuo pau ke fetauhiʻaki ʻi he angatonu ʻa e husepānití mo e uaifí.

ʻOku fie maʻu ke fakatupulekina ʻe he husepānití mo e uaifí ʻa ʻena feʻofaʻakí.

ʻOku hanga ʻe hono faʻa fakahaaʻi ʻa e ongoʻi ʻofá mo e angaʻofá ʻo paotoloaki ʻa e ʻofá mo e anga-fakakaumeʻá ke longomoʻui ʻi he nofo- malí.

ʻOku hoko ʻa e feohi fafale totonu ʻi he nofo-malí, ko hano fakahaaʻi ia ʻo e ʻofá.

ʻOku totonu ke feinga ʻa e ongomātuʻa malí ke maʻu ʻa e ʻofá, ʻa ia ko e ʻofa haohaoa ʻa Kalaisí.

Kuo pau ke fehangahangai ʻa e ongomātuʻa mali kotoa pē mo ha ngaahi faingataʻa.

ʻE lava ke ngāue ʻa e husepānití mo e uaifí ke ikunaʻi ha faʻahinga faingataʻa pē ʻo kapau te na lau ko e nofo-malí ko ha feohi ʻoku fai ʻi he fuakava.

Te tau lava ʻo fili ʻi he taimi ko ia ʻoku hoko mai ai ʻa e ngaahi faingataʻá ke tau tali ia ʻi he faʻa kātaki mo e ʻofa kae ʻikai ʻi he loto-foʻi pe ko e ʻita.

Kuo pau ke ʻi ai ha ngaahi taimi ʻe faikehekehe ai ha ngaahi fakakaukau ʻa e mātuʻa mali kotoa pē.

ʻOku totonu ke fakasio pē ʻe he husepānití mo e uaifí ʻa e ngaahi ʻulungāanga lelei ʻokú na maʻú.

ʻOku tokoni ʻa e ngaahi founga fetuʻutaki ʻoku leleí ke taʻofi mo veteki ai ʻa e ngaahi faingataʻá.

ʻOku totonu ke ngāue fakataha ʻa e husepānití mo e uaifí ke fakatupulekina ʻa ʻena tui kia Sīsū Kalaisí.

ʻOku tāpuekina ʻa e husepānití mo e uaifí ʻi he taimi ʻokú na lotu fakataha aí.

ʻOku tokoni e laumālie ʻo e faʻa fakamolemolé ʻi he vahaʻa ʻo e husepānití mo e uaifí ke ʻomi ʻa e melinó, loto falalá mo e nofo nongá.

ʻOku totonu ke feinga ʻa e husepānití mo e uaifí ke na fefakamolemoleʻaki ʻi heʻena ngaahi tōnounoú pea feinga fakamātoato ke toe lelei ange.

ʻOku totonu ke feinga ʻa e husepānití mo e uaifí ke na fefakamolemoleʻaki ʻiate kinaua.

ʻOku mahuʻinga ʻaupito ki he nofo-mali fiefiá ʻa hono levaʻi lelei ʻo e ngaahi meʻa fakapaʻangá.

ʻOku totonu ke ngāue fakataha ʻa e husepānití mo e uaifí ke na muimui ki he ngaahi tefitoʻi moʻoni mahuʻinga ʻo hono levaʻi lelei ʻo e paʻangá.

ʻOku fakafalala mai ʻe he Tamai Fakahēvaní ʻa ʻEne fā- nau fakalaumālié ki ha ngaahi mātuʻa fakaemāmani.

ʻOku totonu ke feinga ʻa e ngaahi mātuʻá ke feau ʻa e ngaahi fiemaʻu fakafoʻituitui ʻa e fānaú.

ʻOku maʻu ʻe he fānaú ʻa e totonu ke fetuʻutaki mo ʻenau mātuʻá ʻi he ʻofa.

ʻOku fakatupu houhau ki he ʻOtuá ʻa hono ngaohikovia ʻo e fānaú.

ʻOku ʻomi ʻe he fānaú ha fiefia lahi ki he moʻui ʻa ʻenau mātuʻá.

ʻOku totonu ke ngāue fakataha ʻa e tamaí mo e faʻeé ke foaki ki heʻena fānaú taki taha ha pā ʻo e tuí.

Kuo pau ke pule ʻa e ngaahi tamaí ʻi he ʻofa mo e māʻoniʻoni.

Kuo pau ke tokonaki ʻe he ngaahi tamaí maʻa hono fāmilí ʻa e ngaahi meʻa ʻaonga ʻo e moʻuí pea mo ha maluʻi foki.

ʻOku kau ʻa e ngaahi faʻeé ki he ngāue ʻa e ʻOtuá.

Ko e tefitoʻi fatongia ʻo e ngaahi faʻeé ke lehilehiʻi hake ʻenau fānaú.

Kuo pau ke fetokoniʻaki ʻa e tamaí mo e faʻeé ʻi heʻena hoko ko ha kaungā-ngāue tuʻunga tataú.

Ko e fatongia ʻo e ngaahi mātuʻá ke akoʻi ʻa ʻenau fānaú.

ʻE lava ke maʻu ʻe he ngaahi mātuʻá ha fakahinohino fakalaumālie ʻi hono akonekina ʻenau fānaú.

ʻOku faiako ʻa e ngaahi mātuʻá ʻi heʻenau faʻifaʻitakiʻangá mo e fakahinohinó.

ʻOku lava ʻe he ngaahi akonaki ʻa e ngaahi mātuʻá ʻo tokoniʻi ʻa e fānaú ke nau ngāue mālohi maʻu pē ʻi he tuí.

Ko e fatongia ʻo e ngaahi mātuʻá ke akoʻi ki heʻenau fānaú ʻa e ngaahi ʻuluaki tefitoʻi moʻoni mo e ngaahi ouau ʻo e ongoongoleleí.

ʻOku totonu ke akoʻi ʻe he ngaahi mātuʻá “ʻenau fā- naú ke lotu, mo ʻaʻeva ʻi he angatonu ʻi he ʻao ʻo e ʻEikí.”

ʻOku fakahaaʻi ʻe he ngaahi mātuʻá ʻa ʻenau ʻofa ki heʻenau fānaú ʻi he taimi ʻoku nau akoʻi ai kinautolú.

Kuo pau ke akoʻi ʻe he mātuʻá ki he fānaú ʻa e angaʻofá mo e tokoní.

Kuo pau ke akoʻi ʻe he mātuʻá ki he fānaú ʻa e faitotonú mo e fakaʻapaʻapaʻi ʻo e koloa ʻa e kakai kehé.

Kuo pau ke akoʻi ʻe he mātuʻá ki he fānaú ʻa e ngaahi pale ʻo e ngāue faitotonú.

Kuo pau ke akoʻi ʻe he mātuʻá ki he fānaú ʻa e moʻui angamaʻá.

ʻOku fie maʻu ʻe he fānaú ha fakahinohino ʻi heʻenau fai ʻa ʻenau ngaahi filí.

ʻOku lava ʻe he ngaahi mātuʻá ʻo tokoniʻi ʻa e fānaú ke nau fakaʻaongaʻi ʻa ʻenau tauʻatāina ke filí ʻi he māʻoniʻoni.

ʻOku totonu ke tuku ange ʻe he ngaahi mātuʻá ke ako ʻenau fānaú mei he ngaahi nunuʻa ʻo e ngaahi fili ʻoku taʻe-fakapotopotó.

ʻOku totonu ke fakahā ʻe he ngaahi mātuʻá ʻa e ʻofa taʻetūkua ki he fānau ʻoku nau hē atú.

Kuo pau ke fakamuʻomuʻa ʻe he fāmili Siasi kotoa pē ke mahuʻinga ʻa e lotu fakafāmilí mo e ako ki he folofolá mo e efiafi fakafāmili ʻi ʻapí.

ʻOku maʻu ʻe he ngaahi fāmilí ha ngaahi tāpuaki mahuʻinga lahi ʻi he taimi ʻoku nau lotu fakataha aí.

ʻOku tokoni e ako fakafāmili ʻo e folofolá ke toe ofi ange ai ʻa e fāmilí ki he ʻOtuá.

ʻOku tokoni e efiafi fakafāmili ʻi ʻapí ke maluʻi ai ʻa e ngaahi fāmilí mei he ngaahi mālohi ʻo e māmaní.