Te u Lava ʻo ʻOfa ki he Niʻihi Kehé

Fakaʻaliʻali ʻa e fakatātā 1–48,Ko e fānau ʻoku nau vaʻinga ʻaki ʻa e kongokonga papá.

Fakamanatu ki he fānaú ko e ngaahi kaungāmeʻá ʻoku feangaleleiʻaki. ʻI he taimi ʻoku tau angalelei ai ki he niʻihi kehé, ʻoku tau fakahāaʻi ai ʻa e ʻofá kiate kinautolu.

Hivaʻi pe lau fakataha mo e fānaú ʻa e “Sīsū Kuo Ne Pehē Mai Feʻofaʻaki” (Children’s Songbook, p. 61) peá ke fakaʻaongaʻi ʻa e founga fakatātaaʻi ʻoku hā atú:

Fakaʻaliʻali ʻa e fakatātā 1–43, Ko Hono Fakamoʻui ʻe Sīsū ʻa e Tangata Kuí. Tuku ki he fānaú ke nau tokoni kiate koe ʻi hono fai ʻa e talanoa ko ení ʻo hangē ko ia ʻoku fakaʻaliʻali ʻi he fakatātaá (vakai ki he Sione 9: 1–7).

Fai ange ʻa e talanoa ʻo Sīsuú ʻi heʻene tāpuakiʻi ʻa e fānau valevalé, ʻo hangē ko ia ʻoku hā ʻi he Maʻake 13: 16.

Fakamamafaʻi ʻa hono fakamoleki ʻe Sīsū ʻa ʻEne moʻuí ki hono tokoniʻi ʻo e kakai kehé. Naʻe fakahāaʻi ʻe Sīsū ʻa ʻEne ʻofa ki he kakai kehé, ʻaki ʻa ʻEne angaleleí. Fakamatalaʻi ange naʻe fekauʻi ʻe Sīsū kitautolu ke tau feʻofaʻaki. Lau ʻa e Sione 14: 34 ki he fānaú. ʻAi ʻa e fānaú ke nau angimui atu ʻi he konga “Feʻofaʻaki ʻo hangē ko ʻeku ʻofa ʻiate kimoutolú”.

Hivaʻi pe lau fakataha mo e fānaú ʻa e “Feʻofaʻakí” (Children’s Songbook, p. 136).

Fakaʻaliʻali ʻa e fakatātā 1–62, Ko e Samaletani Angaleleí, peá ke fai ange ʻa e talanoa ʻo e Samaletani angaleleí, ʻo hangē ko ia ʻoku hā ʻi he Luke 10: 30–37.

Tokoniʻi ʻa e fānaú ke nau fakakaukau ki ha ngaahi founga te nau angalelei ai ki he niʻihi kehé. ʻAi kinautolu ke nau fevahevaheʻaki ʻa e fakakaukau ko ení pea mo e kau mēmipa kehe ʻo e kalasí.

Fakamatalaʻi ange ko e ngaahi taimi ʻe niʻihi ʻoku faingataʻa ke tau angalelei ki ha taha koeʻuhí ko e tokotaha ko iá ʻokú ne hā taʻe fakakaumeʻa pe faikehe ia meiate kitautolu. Tokoniʻi ʻa e fānaú ke mahino ʻoku fiemaʻu ʻe he tokotaha kotoa pē ke fai lelei ange kiate ia. ʻO tatau ai pē kapau ʻe hā ngali taʻe fakakaumeʻa pe hā faikehe ʻa e toko taha ko iá meiate kitautolu (ʻo hangē ko ení, kapau ʻoku kehe honau kilí meiate kitautolu pe ʻoku ʻi ai hanau faingataʻaʻia fakaesino), ʻoku totonu ke tau fai lelei pe kiate kinautolu.

Fealeaʻaki fekauʻaki mo e mahuʻinga ʻo ʻetau fakahāaʻi ʻa e ʻofá mo e angaleleí ʻi hotau ngaahi fāmilí.

Fakamamafaʻi ange ko e taimi ko ia ʻoku tau angalelei ai ki hotau ngaahi fāmilí, ʻoku ʻikai ngata pē ʻi he toe fiefia ange ʻa hotau ngaahi fāmilí, ka ʻoku toe fiefia foki ʻa e Tamai Hēvaní mo Sīsū.

Fakamatalaʻi ange ko e ngaahi taimi ʻe niʻihi ʻoku hanga ʻe he kau pēpeé pe fānau iiki angé ʻo ʻave pe maumauʻi haʻatau ngaahi meʻa. Tokoniʻi ʻa e fānaú ke mahino ko e fānau iiki angé ʻoku ʻikai ke faʻa mahino kiate kinautolu ʻa e meʻa ʻoku nau faí. ʻOku fiemaʻu ke tau ngaahi leleiʻi kinautolu ʻo ʻikai te tau ʻita kiate kinautolu. Kapau ʻoku ʻi ai haʻatau ngaahi meʻa ʻoku ala maumau, ʻoku totonu ke tau feinga ke tauhi malu kinautolu ke ʻoua ʻe aʻu ki ai ʻa e fānau īkí.

Fakamamafaʻi ange ko e taimi ko ia ʻoku tau fakahā ai ʻa ʻetau ʻofa ki he Tamai Hēvaní mo Sīsuú ʻa e taimi ko ia ʻoku tau tauhi ai ʻa hona finangaló, ʻo loto ʻapa-sia ʻi he lotú, pea angalelei mo faʻa tokoni kiate kinautolu ʻi hotau ʻātakaí.

Kole ange ki he fānaú ke nau muimui ki he fakahinohino ʻi laló. ʻI he hili hono fai ʻe he fānaú ʻa e ngaahi founga fakatātaá, fakamālō ange kiate kinautolu ʻi heʻenau muimui ki he fakahinohinó.

Tokoniʻi ʻa e fānaú ke mahino kapau ʻoku tau fiemaʻu ʻa e niʻihi kehé ke nau angalelei mai, ʻoku fiemaʻu ke tau angalelei kiate kinautolu.

Fakamanatu ki he fānaú fekauʻaki mo e ngaahi kupuʻi lea fakaʻapaʻapa, ʻo hangē koe “ʻoku ou kole fakamolemole” mo e “tulou, kātaki” pea mo e ngaahi taimi pea mo e feituʻu kuo pau ke fakaʻaongaʻi ai ʻa e ngaahi kupuʻi lea ko ení. Fai ange ʻa e ngaahi fehuʻi ko ení pe ko ha ngaahi fehuʻi ʻoku tatau mo ia ʻa ia ʻoku feʻunga mo homou ʻulungāanga fakafonuá:

Fakamatalaʻi ange neongo pē ʻoku ʻi ai ha ngaahi taimi ʻe niʻihi ʻoku lea kovi mai ha niʻihi kiate kitautolu, ʻoku totonu pē ke tau kei lea lelei mo ʻofa ke fetongiʻaki.

Hivaʻi pea mo e fānaú ʻa e “Sīsū Kuó Ne Pehē Mai Feʻofaʻaki”.

Fakalāngilangiʻi pe fakamālōʻiaʻi ʻa e fānaú ʻi he ngaahi meʻa ʻokú ke fakatokangaʻi ʻoku nau angalelei aí. Fakamatalaʻi ange koeʻuhí ʻoku ʻofa ʻa e Tamai Hēvaní mo Sīsū ʻi he tokotaha kotoa pē, kuó na hōifua ai ʻi he taimi ʻokú na ʻafioʻi ʻoku tau anga-ʻofa pe angalelei ki he niʻihi kehé. Fai hoʻo fakamoʻoní fekauʻaki mo e Tamai Hēvaní mo Sīsū ʻi heʻena fiemaʻu ko ia kitautolu ke tau angaleleí. Tufa ki he fānaú taki taha ha kiʻi laʻi haati pepa. Tala ange ki he fānaú ʻa e ngaahi foʻi lea ko ia ʻoku ʻasi ʻi he ngaahi foʻi hātí, peá ke fakahāaʻi ange ʻa hoʻo ʻofa kiate kinautolú.