Haapotoraa aamu
Eere teie buka i te hoê buka aamu; e haaputuraa râ te reira no te mau parau tumu o te evanelia tei haapiihia e te peresideni Spencer W. Kmball. Na te apaparaa matahiti i muri nei e horo‘a mai i te hoê tuatapaparaa poto o to’na oraraa e te hoê faahororaa no ta’na mau haapiiraa. Ua haapaehia e rave rahi mau tupuraa ohipa faufaa i roto i te ā’ai o te Ekalesia e te ā’ai o te taata nei. Ua haapae-ato‘a-hia e rave rahi mau mea faufaa o te oraraa o te peresideni Spencer W. Kimball, mai te parau no te fanauraa o ta’na mau tamarii.
1895, 28 no mati |
Ua fanauhia o Spencer Woolley Kimball i Salt Lake City, Utah, na Andrew Kimball e o Olive Woolley Kimball. |
1898, me |
Ua haere atu oia e to’na utuafare i Thatcher, Arizona e faaea ai, i reira to’na metua tane i faatere ai i te tĭtĭ no St. Joseph no te roaraa e 26 matahiti.. |
1906, 18 no atopa |
Ua pohe to’na metua vahine. |
1907, tiunu |
Ua faaipoipo to’na metua tane ia Josephine Cluff. |
1914, atopa |
Ua haamata oia i te ohipa misionare rave tamau i roto i te misioni no Central States i te mau Hau Amui no Marite. Ua piihia oia ia haere i roto i te misioni no Helevetia-Helemani, tera râ, aita i ti‘a ia’na ia haere atu i reira no te mea te tupu ra te Tama‘i rahi matamua o te Ao nei. |
1916, titema |
Ua faaoti oia i ta’na tau misionare. Aita i maoro i muri iho, ua haere oia i te haapiiraa i te fare haapiiraa tua toru no Arizona. |
1917, 16 no novema |
Ua faaipoipo oia ia Camilla Eyring. |
1918 |
Ua piihia oia ei papa‘i parau no te tĭtĭ no St. Joseph. Ua rave oia i te ohipa i te fare moni ei papa‘i parau e ei haapa‘o afata moni. |
1923 |
Ua faao oia ia’na i roto i te Rotary Club, te hoê te reira taatiraa tauturu i te taata, e ua haa i reira e 20 matahiti te maoro, i roto i te ti‘araa tavana mataeinaa. |
1924, 31 no atete |
Ua pohe to’na metua tane. Hoê hepetoma i muri iho, i roto i te faaapîraa o te peresideniraa tĭtĭ, ua piihia o Spencer ei tauturu piti. Na te peresideni Heber J. Grant, te hitu o te peresideni o te Ekalesia, i faatoro‘a ia’na ei tahu‘a rahi. |
1927 |
Ua riro mai oia ei peresideni-faatere no te taiete parururaa, te Kimball-Greenhalgh Realty and Insurance Company. |
1938, 20 no fepuare |
Ua piihia oia ei peresideni no te tĭtĭ no Mount Graham. |
1943, 7 no atopa |
Ua faatoro‘ahia oia ei aposetolo na te peresideni Heber J. Grant. |
1948 |
Ua tupuhia oia i te hoê ma‘i mafatu ino roa, e ua ora mai. |
1950 |
Ua ere oia i to’na reo na roto i te hoê ma‘i arapoa ino roa. Ua ho‘i faahou mai râ te reira i muri a‘e i te hoê haamaitairaa na te autahu‘araa. |
1957 |
Ua tapuhia oia i te ma‘i mariri ai taata i roto i te arapoa; e ua iritihia hoê tuhaa e te afa o to’na reo. |
1969 |
Ua nene‘ihia te buka ra Te Semeio no te Faaoreraa Hara. |
1970 |
Ua riro mai oia ei mono peresideni faatere no te Pŭpŭ no te Tino Ahuru Ma Piti Aposetolo. |
1972, 12 no eperera |
Ua tapuhia oia i te ma‘i mafatu. |
1972, 7 no tiurai |
Ua riro mai oia ei peresideni no te Pŭpŭ no te Tino Ahuru Ma Piti Aposetolo. |
1973, 26 no titema |
Ua pohe te peresideni Harold B. Lee. |
1973, 30 no titema |
Ua riro mai oia ei peresideni no te Ekalesia a Iesu Mesia i te Feia Mo‘a i te mau Mahana Hopea nei, te peresideni N. Eldon Tanner te Tauturu Hoê, e te peresideni Marion G. Romney te Tauturu piti i roto i te Peresideniraa Matamua. |
1974, 19 no novema |
Ua haamo‘a oia i te hiero no Washington D.C. |
1975, 3 no atopa |
Ua haamata oia i te faati‘a faahou i te Pŭpŭ Matamua no te Hitu Ahuru. |
1976 |
Ua hi‘opo‘a maite oia i te parau no te tuuraa e piti heheuraa apî i roto i te Buka Poe Tao‘a Rahi. I muri a‘e râ, ua tuuhia’tu teie na heheuraa i roto i Te Parau Haapiiraa e te mau Parau Fafau ei tuhaa 137 e te 138. |
1977, 24 no atete |
Ua haamo‘a i te fenua Polane ei vahi ohiparaa na te Ekalesia—te tere matamua teie o te hoê peresideni no te Ekalesia i muri mai i te mea tei parauhia ra e, te Paruru Auri. |
1978, 8 no tiunu |
Ma te apitihia mai e to’na na tauturu i roto i te Peresideniraa Matamua, ua papa‘i oia i te hoê episetole no te faaite i te hoê heheuraa no te horo‘a i te mau haamaitairaa ato‘a o te autahu‘araa i te taato‘araa o te mau melo haapa‘o, ma te hi‘o ore i te nunaa e aore râ i te û. |
1978, 30 no atopa |
Ua haamo‘a oia i te hiero no São Paulo i Beresilia. |
1979 |
Ua hi‘opo‘a maite oia i te nene’îraa te Ekalesia i te Bibilia papa‘ihia e King James. |
1979, 24 no atopa |
Ua haamo‘a oia i te Aua Haamana‘oraa ia Orson Hyde i Ierusalema. |
1980 |
Ua hi‘opo‘a maite oia i te haamauraa i te tabula tahoêraa i te mau pureraa, e na roto i te reira, ua tahoêhia te pureraa oro‘a, te pureraa autahu‘araa, te pureraa Sotaiete Tauturu, te haapiiraa a te Feia Apî Tamahine, te Haapiiraa Sabati, e te Paraimere, i roto e toru hora te maoro i te Sabati, eiaha faahou râ i roto i te roaraa o te hepetoma. |
1980, 27 no atopa |
Ua haamo‘a oia i te hiero no Tokyo i te fenua Tapone. |
1980, 17 no novema |
Ua haamo‘a oia i te hiero no Seattle Washington. |
1981 |
Ua hi‘opo‘a oia i te nene‘iraa o te Buka ta‘itoru apî, ma te faaapîhia te mau faahororaa i raro i te api. |
1981, 23 no tiurai |
Ua pii oia i te peresideni Gordon B. Hinckley ei tauturu hau i roto i te Peresideniraa Matamua. |
1981 e tae atu i te 1985 |
Ua hi‘opo‘a oia i te mau haamo‘araa no na 17 hiero. |
1982,3 no atopa |
Ua faaarahia te hoê upoo parau tapiri no te Buka a Moromona—« Te tahi atu ite no Iesu Mesia ». |
1982, 2 no titema |
Ua faaapî oia i te Peresideniraa Matamua, te peresideni Marion G. Romney te tauturu hoê, e te peresideni Gordon B. Hinckley te tauturu piti. |
1984 |
Ua haamauhia te mau peresideniraa Area. |
1985, 5 no novema |
Ua pohe oia i Salt Lake City, Utah. |