ປະຖິ້ມຄວາມເຊື່ອ, ການປະຖິ້ມຄວາມເຊື່ອ ເບິ່ງ ກະບົດ, ການກະບົດ; ການຟື້ນຟູພຣະກິດຕິຄຸນ ນຳອີກ ບຸກຄົນ, ສາດສະໜາຈັກ, ຫລື ຕະຫລອດທັງປະຊາຊາດທີ່ຫັນໜີຈາກຄວາມຈິງ. ການປະຖິ້ມຄວາມເຊື່ອທົ່ວໄປ ຊາວອິດສະຣາເອນຕ້ອງປົກປ້ອງໃຈຂອງຕົນ ເພື່ອບໍ່ໃຫ້ຫັນໜີໄປຈາກພຣະຜູ້ເປັນເຈົ້າ, ພບຍ 29:18. ຊົນຊາດໃດທີ່ບໍ່ມີພຣະເຈົ້ານຳໜ້າ ກໍເປັນຊົນຊາດທີ່ຂາດວິໄນ, ສພສ 29:18. ພວກເຂົາໄດ້ຝ່າຝືນພັນທະສັນຍາອັນເປັນນິດ, ອຊຢ 24:5. ລົມກໍພັດປະທະເຮືອນຢ່າງແຮງ, ແລະ ເຮືອນນັ້ນກໍໄດ້ເຈື່ອນເພພັງລົງ, ມທ 7:27. ເຮົາຮູ້ສຶກປະຫລາດໃຈທີ່ເຈົ້າຕ່າວຄືນຢ່າງຮີບດ່ວນໄປຫາພຣະກິດຕິຄຸນທີ່ແຕກຕ່າງເສຍ, ຄລຕ 1:6. ພວກເຂົາໄດ້ເລີ່ມຕົ້ນໃນທາງດີ ແຕ່ໄດ້ຫລົງທາງໄປໃນໝອກ, 1 ນຟ 8:23 (1 ນຟ 12:17). ຫລັງຈາກພວກເຂົາຊີມໝາກໄມ້ນັ້ນແລ້ວ ພວກເຂົາກໍຕົກລົງໄປໃນທາງຕ້ອງຫ້າມ, 1 ນຟ 8:28. ການປະຖິ້ມຄວາມເຊື່ອຂອງຊາວນີໄຟເປັນສິ່ງທີ່ເຮັດໃຫ້ສະດຸດແກ່ຜູ້ທີ່ບໍ່ເຊື່ອ, ແອວ 4:6–12. ສະມາຊິກຂອງສາດສະໜາຈັກຫລາຍຄົນໄດ້ກາຍເປັນຄົນອວດດີ ແລະ ໄດ້ຂົ່ມເຫັງສະມາຊິກຄົນອື່ນໆ, ຮລມ 3:33–34 (ຮລມ 4:11–13; 5:2–3). ເມື່ອພຣະຜູ້ເປັນເຈົ້າເຮັດໃຫ້ຜູ້ຄົນຂອງພຣະອົງຈະເລີນຮຸ່ງເຮືອງຂຶ້ນ, ບາງເທື່ອພວກເຂົາເຮັດໃຈແຂງກະດ້າງ ແລະ ຫລົງລືມພຣະອົງ, ຮລມ 12:2; 13:38. ຊາວນີໄຟໄດ້ເຮັດໃຈແຂງກະດ້າງ ແລະ ໄດ້ຕົກຢູ່ໃຕ້ອຳນາດຂອງຊາຕານ, 3 ນຟ 2:1–3. ໂມໂຣໄນໄດ້ທຳນາຍກ່ຽວກັບການປະຖິ້ມຄວາມເຊື່ອໃນຍຸກສຸດທ້າຍ, ມມ 8:28, 31–41. ການປະຖິ້ມຄວາມເຊື່ອຈະເກີດຂຶ້ນກ່ອນການສະເດັດມາຄັ້ງທີສອງ, ຄພ 1:13–16. ການປະຖິ້ມຄວາມເຊື່ອຂອງສາດສະໜາຈັກຄຣິດສະຕຽນລຸ້ນເດີມ ຜູ້ຄົນເຫລົ່ານີ້ເຂົ້າໃກ້ເຮົາແຕ່ປາກ, ອຊຢ 29:10, 13. ຄວາມມືດຈະປົກຄຸມແຜ່ນດິນໂລກ, ອຊຢ 60:2. ພຣະຜູ້ເປັນເຈົ້າຈະເຮັດໃຫ້ຄວາມອຶດຢາກພຣະຄຳຂອງພຣະຜູ້ເປັນເຈົ້າເກີດຂຶ້ນ, ອມ 8:11. ຈະມີພຣະຄຣິດປອມ ແລະ ສາດສະດາປອມປະກົດຂຶ້ນ, ມທ 24:24. ຝູງໝາໄນທີ່ຮ້າຍກາດຈະມາໃນທ່າມກາງພວກທ່ານ, ກຈກ 20:29. ເຮົາຮູ້ສຶກປະຫລາດໃຈທີ່ເຈົ້າທັງຫລາຍພາກັນປະຖິ້ມພຣະອົງຢ່າງຮີບດ່ວນ, ຄລຕ 1:6. ຈະມີການຕົກໄປກ່ອນການສະເດັດມາຄັ້ງທີສອງ, 2 ທສນ 2:3. ບາງຄົນຫລົງໄປຈາກຄວາມຈິງ, 2 ຕມທ 2:18. ບາງຄົນເຮັດເໝືອນຄົນນັບຖືພຣະເຈົ້າຢ່າງຖືກຕ້ອງ, ແຕ່ປະຕິເສດອຳນາດໃນນັ້ນ, 2 ຕມທ 3:2–5. ເວລາຈະມາເຖິງເມື່ອຜູ້ຄົນຈະບໍ່ຍອມຟັງຫລັກຄຳສອນ, 2 ຕມທ 4:3–4. ຈະມີສາດສະດາ ແລະ ຄູສອນປອມເກີດຂຶ້ນໃນທ່າມກາງຜູ້ຄົນ, 2 ເປໂຕ 2:1. ບາງຄົນໄດ້ແອບແຝງເຂົ້າມາ ປະຕິເສດອົງພຣະຜູ້ເປັນເຈົ້າ, ຢດ 1:4. ບາງຄົນໄດ້ອວດວ່າເປັນອັກຄະສາວົກ ແຕ່ບໍ່ໄດ້ເປັນ, ພນມ 2:2. ນີໄຟໄດ້ເຫັນຮາກຖານຂອງສາດສະໜາຈັກໃຫຍ່ ແລະ ໜ້າກຽດຊັງ, 1 ນຟ 13:26. ຄົນຕ່າງຊາດໄດ້ເຕະສະດຸດ ແລະ ໄດ້ສ້າງສາດສະໜາຈັກຂຶ້ນຢ່າງຫລວງຫລາຍ, 2 ນຟ 26:20. ເຂົາໄດ້ໜີໄປຈາກພິທີການຂອງເຮົາ ແລະ ໄດ້ຝ່າຝືນພັນທະສັນຍາອັນເປັນນິດຂອງເຮົາ, ຄພ 1:15. ຄວາມມືດປົກຄຸມແຜ່ນດິນໂລກ ແລະ ຄວາມມືດອັນຮ້າຍແຮງປົກຄຸມຈິດໃຈຜູ້ຄົນ, ຄພ 112:23. ໂຈເຊັບໄດ້ຖືກບອກວ່າ ສາດສະໜາຈັກທັງໝົດນັ້ນບໍ່ຖືກຕ້ອງ; ຈິດໃຈຂອງພວກເຂົາຫ່າງໄກຈາກພຣະເຈົ້າ, ຈສ—ປ 1:19.