Kwo Kōņaan ke Peptaij?”

Ekkar n̄an Elder Dale G. Renlund: “naan in iaļan bujenej melelen ialan bujen ko me rej kwaļo̧k elōn̄ bujen ko jej itok n̄an Kraist im ekkejel ipen. Kōn jemjerā in bujen in edim, jemaron̄ bōk kajoor eo An ej n̄an indeeo. Iaļ eo ej ijjinoe kōn tōmak ilo Jisōs Kraist im ukweļo̧k, tok ālik peptaij im bōk menin letok eo an Jetōb Kwojarjar.”³ Jej kōkāāl bujen ko ad kajojo iien jej bōk m̧ōttan kwojkwoj eo.

Ijjino ilo bujen peptaij eo, jej kōmman bujen ko toon wōt ad mour. Bar juon alen, Elder Renlund ear ba: “Iaļan bujen eo ej tōlļo̧k n̄an kain̄i ko an tampeļ, eo āinwōt menin letok kwojarjar eo an tampel. Menin letok kwojarjar eo ej menin letok eo jen Anij me ej kōļapļo̧k ad ekkeijeļo̧k Ippān.”⁴

Jet iien elan̄e jej kōmman bujen, jej likjab in kōjparoki. Elan̄e ej walok menin, ewi wewen ad bar ro̧o̧l ļo̧k n̄an ialan bujen eo? Kōtļo̧k bwe in kwalok jet waanjon̄ak n̄an bar rool tok n̄an iaļan bujen in.

Edik ļo̧k jen juon allōn̄ emootlok, iar lo juon enaan jen juon kar mijinede eo ear jerbal ipped. Ekar ba: “iien eo emootlok ear jab pidodo. Wōr iba inepata im edodo aolep raan im ear likkuun jojoon iō, im elap an kar pen. Iar ajimakeke im likkuun nana aō mour. Ikar jar kōn tōl an Jema Ilan̄ n̄an aenōmman im kaenōmman im ta eo imaron̄ kōmmane n̄an tarinaeik wewen in epen. … Ilo ao kar jar, iaar en̄jake tōl an Jetōb ej jiron̄ iō ke ij aikuj likkuun kōllaik aolepen juon mōttan jon̄oul eo aō. … Iar en̄jake kajoor in Jetob kwojarjar, im iar kile aikuj eo n̄an mokaj im kōmmane. Ilo aō likkuun kōnaan kōmmane, iaar en̄jake wunojdikdik eo ke ‘elan̄e kwonaj kōlla juon mōttan jon̄oul, aolep men renaj EM̧M̧AN.’ Ej pen wot aō lo aenōmman, ak ewōr aō naan in kamool kōn Rilo̧mo̧o̧r eo ad im ilo aō pokake, imaron̄ en̄jake im lo aenōmman eo ij bukōte ilo buruō im aō kolemnlokjen. Raan ko ļo̧k iar lōmnak bwe in bar ro̧o̧l tok in jar im bukōt ankilan Jetōb ilo aolep men ij kōmmane.”

Kiiō elukkun em̧m̧an an mour. Komaron̄ bar kajitōk ipen Jemed Ilan̄ kōn aenōmman, ak uaak eo emaron̄ oktak jen ta kwōj kōtmane. Toon wō am bukōt kilen am jela kōn Rilo̧mo̧o̧r eo im jar n̄an Jemed Ilan̄, Enaj lewaj uaak eo ejejjet n̄an eok.

Būreejtōn Thomas S. Monson ekar katakin:

“Katak eo eļaptata jemaron̄ ekkatak ilo mour in, ej n̄e Anij ej kōnono im jej pokake, jenaaj aolep iien jim̧we.”⁴

“Elan̄e jej kōjparok kien ko, mour ko ad renaaj m̧ōņōņō ļo̧k, ļapļo̧k aer eddōkļo̧k, im dikļo̧k aer poktak. Apan̄ im inepata ko ad renaaj pidodo ļo̧k n̄an ineeki, im jenaaj bōk kōjeraam̧m̧an ko an [Anij] ekar kallim̧ur kaki.”⁵

Ke kar kur eō n̄an juon bisop, ekar iien eo epen tata ilo mour e aō. Ikar juon baba eo ekar 30 wōt aō iiō, ak ekar ejjeļōk aō jāān kōn wōt aban̄ ko an baamle. Ikar jab maron̄ elolo jabdewōt uaak, im iar lōmnak aban̄ ko reban kar jomlok. Ikar likkuun mōk in jeramōl im inepata. Ikar jino pere kajoor in jetōb eo ilo n̄a bareinwōt. Ekar pen iien eo ke stake burejteen eo aō ekar letok kur eo n̄aniō. Ak Iaar bōk kūr eo, men̄e ekar pen.

Kōra eo iba ekar bareinwōt interpiu ipen stake būrejteen eo, ak ekar jab maron̄ ba aet, im ekar jab bar ba jaab ak elakkar toor dānin kōmjaļaaļ. Ekar jan̄ aolepen wiik eo, kajitōk ipen Jemed Ilan̄, “etke kiō?” im “Kwō likkuun jela kajojo armej ke?” Ear jab bōk juon uaak, ak kar kur iō juon bisop Jabōt eo tok juon. Ekar jab bar kajitōk ipen Jemedwoj Ilan̄ kajitōk ko ak ekar ekar rejetak iō ilo kur eo iumin jiljino iiō.

Ilo Jabōt eo kar kōtļo̧k iō, kō eo iba ekar ron̄ juon ainikien ke ej bōk kwojkwoj eo. Ainikien eo eka unojdikdik n̄ane, “Kōnke ekar pen n̄an am etetal, ikar kūri bwe en bisop n̄an maron̄ debij eok im etetal n̄an eok.” Reilik lok iumin iiō ko jiljino, ekar lōmnak bwe aolep men ko ra epen rar jino aer pidodo im emmanļo̧k.

Kōm kar ekatak bwe ilo iien eokōmij lōmnak ejan̄in iien n̄an am ebōk kūr ko, ej bōlōn tōre eo ekkar tata kōmij aikuji kūr eo. Jabdewōt iien Irooj ej kajitōk bwe jen jerbal ilo jabdewōt kūr ko, mekerta, emera ak eddo kūr eo, ej lo aikuj ko ad. Ej letok kajoor eo jej aikuji im ewōr ipen kōjeramman ko rebojak in lutōk tok ilo ad jerbal kōn tōmak.

Ebar bool men ko me rej kaban̄ kōj jen ad pād wōt ilo iaļ in bujen in. Jekdo̧o̧n ta eo ej waļo̧k, ejab rumuj n̄an ad ukōtļo̧k buruwōd n̄an Jemedwōj Ilan̄. Elder Paul V. Johnson ear katakin kōj: N̄e jej ļoor Setan, jej leļo̧k n̄an e kajoor. N̄e jej ļoor Anij, E ej letok ad kajoor.”⁶

Kiin̄ Benjamin ilo Bok in Mormon eaar kamool: “Ikōņaan bwe kom̧in ļōmņak kōn jekjek eo ejeraam̧m̧an im ekōm̧ōņōņō an ro raar kōjparok kien ko an Anij. Bwe lo, rej jeraam̧m̧an ilo aolep men ko otemjeļo̧k, jim̧or ilo kanniōk im jetōb; im eļan̄n̄e renaaj dāpdep wōt ilo niknik n̄an jem̧ļo̧kin naaj bōk er ilo lan̄, bwe ren maron̄ jokwe ippān Anij ilo wāween m̧ōņōņō eo ejjeļo̧k jem̧ļo̧kin.”⁷

Kōra e ippa ej ba pelele e amro elukōj kōm ipen don, im kōn un in emaron̄ kōmmani men ko ekar jab maron̄ kōmmani mokta. N̄an waanjon̄ak, jen wōt ke ekar dik, ekōn ban maron̄ diwōj n̄an nabōj ilo bon̄, ak ejako kiō kōnke ij etal ipen ļo̧k. Ekadu im ejab maron̄ tōbar jelōb ko routej mae iien ej jutak ion jea ak jikinuwe, ak imaron̄ tobari men ko ilo jelōb ko routej kōnke iaitok ļo̧k jene. Ejja einwōt n̄e jej bōk ine eo an Rilo̧mo̧o̧r iod. Ilo ad leļo̧k eddo ko ad n̄an E, jemaron̄ kōmmani men ko jej jab maron̄ make kōmmani kōnke Emaron̄ kōmmani men ko jejjab maron̄i.

Elder David A. Bednar ear ba: “Kōm̧m̧an im kōjparok bujen ko rekwojarjar rej kakobaik kōj n̄an im likoj kōj ippān Irooj Jisōs Kraist. Ilo jekjek in, Rilo̧mo̧o̧r ej men̄e kijejeto ko ad rem̧m̧antata rejjab jon̄aer wōt juon im jab maron̄ keidi n̄an ko An. Ilo ād leke E im iuun m̧aan ļo̧k eddo eo ad Ippān ilo iiaļ in ad ilo mour in ilo m̧ool An ine em̧m̧an im men eo Ej ineke emera.”⁸

Būreejtōn Nelson ekar bar katakin:

“Ak juon wōt ippān Rilo̧mo̧o̧r ej meļeļe bōk Ankajoor im kajoor in pinmuur.”⁹

“Nōbar eo kōn kōjparok bujen ko ippān Anij ej kajoor in lan̄—kajoor eo ej kōkajoor kōj n̄an jutak ņae apan̄ ko ad, kapo ko, im būrom̧ōj ko. Kajoor in ej kapidodoik iial in ad. Ro rej mour kōn kien ko routejļo̧k an Jisōs Kraist ewōr aer melim n̄an bōk kajoor eo euteejļo̧k An.”¹⁰

“Kōjparok ej kōm̧m̧an bwe en pidodo ļo̧k mour! Kajjojo armej ro rej kōm̧m̧ani bujen ko ilo dānin peptaij im ilo tampeļ ko—im kōjparoki—ewōr aer maron̄ n̄an topar kajoor eo an Jisōs Kraist.”¹¹

Ro jeiū im jatū jitōnbōro, komij ke kōnaan bwe komin mōnōnō? Pād wōt ilo iaļen bujen eo. Enaj pidodo lok mour ne am, lap lok monono, im abrak kin mōnōnō. Jisos ej kur kōj n̄an itok n̄ane, “Kom̧win itok n̄an Ippa, kom̧ otemjej rej jerbal in ban, im Inaaj kakkijeik kom̧.”¹² E ej Kraist eo emour. Ej ineek eddo ko ad im komman bwe en pidodo lok mour ko ad. Ilo etan Jisōs Kraist, Amen.