Jej Ajri ro Nejin

Kwoj keemeemej ke en̄jake eo an kar rikanaan Samuel ke Irooj ekar jilkinļo̧k e n̄an m̧ōn Jesse n̄an kapit kiin̄ eo ekāāl an Israel? Samuel ekar lo Eliab, m̧aanje eo nejin Jesse. Eliab, āinwōt, ekar aitok im ekar wōr ippān paoktokin juon ritōl. Samuel ekar loe im kar tōpar juon jem̧ļo̧k. Ekar alikkar ke ekar juon jemļo̧k ebōd, im Irooj ekar katakin Samuel: “Kwōn jab lale turin mejān ak aetokan; … bwe armej ej lale ālikin armej, a Jeova ej lale būruon.”¹

Kwoj keememej ke en̄jake eo an kar rikaļoor Ananias ke Irooj ekar jilkinļo̧k e n̄an kōjeraam̧m̧an Saul? Etan Saul ekar m̧ōj jeļā kake, im Ananias ekar ron̄ kōn Saul im an nana, ejjeļo̧k jem̧ļo̧kin an kakkure ro Rekwojarjar. Ananias ekar ron̄ im tōpar juon jemļo̧k bwe ilo m̧ool ejjab aikuj in jerbal in karejar n̄an Saul. Ekar waļo̧k bwe ekar juon jem̧ļo̧k ebōd, im Irooj ekar katakin Ananias: “E juon aō jāpe eo Ij kāālōt e, bwe en bōkļo̧k Eta im̧aan mejān ri aelōn̄ ko, im kiin̄ ro, im ro nejin Israel.”²

Ta eo ekar kainepataik e ippān Samuel im Ananias ilo waanjon̄ak kein ruo? Raar lo kōn mejāer im ron̄ kōn lo̧jilin̄ier, im āinwōt juon tōprak, raar eļļāļo̧k jān ekajet eo ioon ro jet pedped ioon kōjellin im ron̄nuiaļ.

Ke skriab ro im Parisi ro raar lo kōrā eo ekar lejen, ta eo raar loe? Juon kōrā enana, juon rijerawiwi ekkar n̄an kameje. Ke Jisōs ekar lo liin, ta eo Ekar loe? Juon kōrā eo me ekar ilo jidik iien ekar ajeļo̧k n̄an m̧ōjņo̧ an kanniōk bōtaab maron̄ kar bar bōk kōn ukweļo̧k im Pinmuur eo An. Ke armej ro raar lo centurion, rijerbal eo an ekar nan̄inmej kōn akā, ta eo raar loe? Bōlen raar lo juon riko̧o̧t, juon rilikin, juon eo aikuj elotaane. Ke Jisōs ekar lo ļein, ta eo Ekar loe? Juon em̧m̧aan eo ekar inepata kōn jeraam̧m̧an eo an juon uwaan m̧weo im̧ōn, eo ekar pukōt Irooj ilo m̧ool im kōn tōmak. Ke armej ro raar lo kōrā eo kōn nan̄inmej kōn toorļo̧k, ta eo raar loe? Em̧ool juon kōrā etoon, juon armej eo kar kowaane. Ke Jisōs ekar lo liin, ta eo Ekar loe? Juon kōrā enan̄inmej, ajimakeke im ioon makeļo̧k kōnke kōn jekjek ko ejjeļo̧k an liin maron̄ ie, eo ekar kōjatdikdik n̄an kemour im n̄an bar juon alen uwaan.

Ilo aolep jekjek, Irooj ekar lo rein kajjojo kōn wōn kar er im ekkar n̄an jerbal in karejar n̄an doon. Āinwōt Nipai im ļeo jatin Jekab kar kean̄:

“E ej kūrtok er aolep n̄an itok n̄an ippān … , kilmeej im mouj, rilokjak im rianemkwōj, m̧aan im kōrā; im E ej ememej ro rejjan̄in ron̄ kōn E; im aolep rej āinwōt juon n̄an Anij.”³

“Kajjojo armej ej aorōk ilo im̧aan mejān āinwōt bar juon.”⁴

Kōm̧m̧an bwe jen jab kōtļo̧k an mejād, lo̧jiln̄id, ak mijak ko ad tōl kōj bōtaab kōpeļļo̧k būruōd im ad ļōmņak im jerbal in karejar ilo anemkwoj n̄an ro ipeļakid āinwōt An kar.

Jet iiō ko remootļo̧k, lio pāleō, Isabelle, kar bōk juon ijjitōn̄ in jerbal in karejar āinjuon. Kar kajjitōk ippān n̄an loļo̧k juon kōrā emej pāleen erūtto ilo ward eo am, juon sister eo ewōr an apan̄ kōn ājmour im eo ekar ajimakeke kar bōkļo̧k illu n̄an mour eo an. Katin̄ in wintō ko an raar kilōk; m̧weo im̧ōn ekar nitn̄il; liin ekar jab kōņaan loļo̧k im kar kalikkare bwe “ejjeļo̧k men imaron̄ kōm̧m̧ane n̄an jabdewōt.” Jab ebweer, Isabelle ekar uwaak, “Aaet, ewōr! Kwomaron̄ kōm̧m̧ane juon men n̄an kōm n̄an kōtļo̧k am itok im lotok eok.” Im kōn menin Isabelle ekar etaļ, ilo tiljek.

Jet iien tokālik, sister in em̧m̧an ekar m̧wijm̧wij kōn neen, eo ekar aikuj bwe korak ko ren aikuj jānij aolep raan, jet iien liin ekar jab make kōm̧m̧ane. Ium̧win raan ko, Isabelle ekar etal n̄an m̧weo m̧ōn, kwaļ neen, im jāniji korak ko an. Liin ejjan̄in kar lo nana; liin ejjan̄in kar āt bwin kinej. Liin ekar lo wōt juon leddik aiboojoj nejin Anij ilo aikuj iakwe im kea em̧m̧an.

Ium̧win iiō ko, n̄a im ebar lōn̄ kar jeraam̧m̧an kōn menin letok an lo an Isabelle āinwōt an Irooj lo. Men̄e kwoj stake būreejtōn ak rikaruwainene an ward, men̄e kwoj kiin̄ in England ak mour ilo juon em̧ aj, men̄e kwoj kōnono kōn kajin eo an ak eo juon eoktak, men̄e kwoj kōjparok aolep kien ko ak kakkōt kōn jet, liin naaj naajdik eok kōn m̧ōn̄ā eo enno tata kijen ilo piliej eo an. Jekjek in menin jeraam̧m̧an, kōļar in kūl, am̧ m̧anit, rilaļ eo, jon̄an jim̧we eo am̧, am̧ bun̄bun̄, ak jabdewōt rikwaļo̧k wōn kwe ak jon̄ak ejjeļo̧k tokjāer n̄an liin. Liin ej lo kōn būruōn; liin ej lo ajri eo nejin Anij ilo aolep.

Būreejtōn Russell M. Nelson eaar katakin:

“Rikapo eo ej m̧ōņōņō ilo jon̄ak ko kōnke rej kōjepel kōj im kapen wāween eo jej ļōmņak kōn kōj make im n̄an doon. Ewi kabūrom̧ōjm̧ōj n̄e jej kautiej jon̄ak ko eļapļo̧k jān ad kautiej doon.

“Jon̄ak ko remaron̄ tōlļo̧k n̄an ekajet im kōjdāt. Jabdewōt kakkure ak kalijōkļo̧k n̄an doon kōnke kōn ijo tok jen e, kūl, kōņaan ilo kōjāllin, kōjellin, degree ko ilo jeļāļo̧kjeņ, m̧anit, ak rikwaļo̧k kajjien ko reļļap jet ej kōmetak n̄an ad Rikōm̧anm̧an!”⁵

French ejjab wōn eo n̄a; ej ijo ikar ļotak ie. Mouj ejjab wōn eo n̄a; ej kōļar in kūlū, ak jekjek in kūl. Rikatakin ejjab wōn eo n̄a; ej ta eo ikar kōm̧m̧ane n̄an rie baam̧le eo aō. Rutiej Jiljilimjuonn̄oul ejjab wōn eo n̄a; ej ijo ij jerbal ie ilo aelōn̄ in kiin̄ eo ilo tōre in.

Eo im̧aan tata im eļap tata ,” āinwōt an Būreejtōn Nelson kar kakeememej kōj, n̄a “nejin Anij.”⁶ Kōn menin bar kwe; im kōn menin bar aolep armej ro jet ipeļakid. Ij jar bwe jemaron̄ itok n̄an juon kam̧m̧oolol eļapļo̧k kōn m̧ool in eaiboojoj. Ej ukōt aolep men!

Jemaron̄ in kar rūttoļo̧k ilo m̧anit ko rooktak; jemaron̄ itok jān jekjek in menin jeraam̧m̧an ko rooktak; ad jolet ilo mour; ekoba laļ eo ad, kōļar in kūr, m̧ōn̄ā ko kijed, kōņaan ilo politic, ko eierļo̧k., maron̄ in kanooj oktak. Bōtaab jej ajri ro Nejin, aolepād wōj ilo ejjeļo̧k jekpen ņae. Ewōr ippād juon wōt jikin ekwojarjar jaar itok jān e im jon̄an wōt juon kōjatdikdik eo ad kōn jouj an Jisōs Kraist.

C. S. Lewis ej likūt ilo wāween in: “Ej juon men eļap n̄an mour ilo juon jukjukin pād eo emaron̄ elōn̄ anij ko im kōrā anij ko ie, n̄an keememej bwe armej eo adim̧akoko ejjab itok limo in tata kwomaron̄ kōnono n̄an juon armej eo me, eļan̄n̄e kwar loe kiiō, kwomaron̄ po n̄an kabun̄ jar. … Ejjeļo̧k armej pata. Kwojjan̄in kar kōnono n̄an juon riab in armej. Laļ ko, m̧anit ko, pija ko, eddōk in armej—rein rej armej, im aorōk in mour eo aer rej āinwōt ko ad. Bōtaab ej armej jab wabanban ro jej kōjak ippāer, jerbal ippāer, m̧are, kowaan, im ājļor.”⁷

Baam̧le eo am rekar jeraam̧m̧an n̄an mour ilo laļ ko im m̧anit ko rooktak; ajri ro nejim raar jeraam̧m̧an n̄an m̧are kumi in armej ro rooktak jān doon. Ikar itok n̄an kile bwe gospel eo an Jisōs Kraist kar jepļaaktok ej n̄an kōm̧m̧an bwe en jokkon wōt juon aolep. Ilo ad m̧ool in kaorōk e, “Jetōb eo make kwaļo̧k kam̧ool ippān jetōb eo ad, bwe jej ajri ro nejin Anij.”⁸ M̧ool in ekabwilōn̄lōn̄ ej kanemkwoj kōj, im aolep jon̄an ko im kakōļļe ko me remaron̄ jelet kōj im jem̧jerā ko ad n̄an doon rej “jakoļo̧k ilo … Kraist.”⁹ Em̧ōkaj an alikkar bwe jej, barāinwōt ro jet, “jab bar ruwamāejet im ri ito-itak, a kom̧ citizen ippān doon ro rem̧m̧an, im kom̧ nukun Anij.”¹⁰

Kiiō epaak ikar ron̄ juon branch būreejtōn in juon iaan iunit ko elōn̄ļo̧k juon kajin kōnono kōn menin, āinwōt Elder Gerrit W. Gong ekar kōm̧m̧ane, āinwōt uwaan bujen.¹¹ Ej juon ļōmņak eaiboojoj! Jej uwaan juon kumi in armej me rej aolep kajjieon̄ likūt Rilo̧mo̧o̧r im bujen ko aer ilo ioļapļap in mour ko aer im n̄an mour kōn gospel eo ilo lan̄lōn̄. Kōn un in, ijello̧kin lo doon kōn māj ko an kanniōk, gospel eo ej ļōn̄aj loļo̧kjeņ ko ad im kōtļo̧k ad lo doon kōn māj ko rem̧m̧an, rejjab oktak an bujen ko ad rekwojarjar. Ilo kōm̧m̧ane menin, jej jino n̄an joļo̧k kalijekļo̧k im jep ņae ro jet, eo ilo m̧ool ej jipan̄ er kadikļo̧k kalijekļo̧k ko im jep ko aer ņae kōj,¹² ilo juon jekjek wānōk aiboojoj. Ilo m̧ool, jej ļoor kūr eo an rikanaan eo ad ejitōnbōro: “Ro jeiū im jatū jitōnbōro, ad kōm̧m̧an n̄an doon elukkuun aorōk! Wāween ad kōnono n̄an im kōn ro jet ilo m̧weo, ilo m̧ōnjar eo, ilo jerbal, im online relukkuun aorōk. Rainin, ij kajjitōk ippād n̄an ikitōltōl ippān doon ilo juon wāween eutiejļo̧k, ekwojarjarļo̧k.”¹³

Kiiō erāelep, ilo jetōb eo an kūr jab in, ikōņaan kobaik akweļap eo aō n̄an ajri in Būraimere ro nejid raiboojoj:

Ij kam̧ool bwe E eo me jej kōnono kake āinwōt Jemed ilo Lan̄ ej ilo m̧ool Jemed, bwe E ej iakwe kōj, bwe E ejeļā kajjojo ajri ro Nejin ilo tipdik in, bwe E em̧wilaļ an kea kōn kajjojo, im ilo m̧ool jej aolep āinwōt E. Ij kam̧ool bwe wāween ad kōm̧m̧an n̄an doon ej juon eromaakļo̧k ilo ad meļeļe kake im kam̧m̧oolol kōn en̄taan eo āliktata im Pinmuur eo an Nejin, ad Rilo̧mo̧o̧r, Jisōs Kraist. Ij jar bwe, āinwōt E, jemaron̄ iakwe ro jet kōnke ej men eo ejim̧we n̄an kōm̧m̧ane, ejjab kōnke rej kōm̧m̧ane men eo ejim̧we ak ejetjet “jim̧we” eo ro rej ba. Ilo etan Jisōs Kraist, amen.