Kajoor in Liap

Kar kanaan kake jen wōt kar tōre ko an Aseia¹ Bwe ilo raan ko āliktata, armej in bujen ro an Irooj, mweo imon israel, renaj “ain tok doon jen etollok, jen ene ko in lometo, im jen mōttan ko emen ilo lal”² im kojeblaktok n̄an “eneen jolet eo aer.”³ Būreejtōn Russell M. Nelson. ekka im kajoor an konono kōn ain tok in, na etan “men eo eaorōk tata ej bōk jikin ioon laļin rainin. ”⁴

Ta jibadbad eo an aintok in?

Kōn revelesōn n̄an Rikanaan Josep Smith, Irooj ekar kalikkar unleplep eo āinwōt jalitak n̄an armej in bujen ro. Ekar ba, “Bwe kuktok eo ippān doon ioon āneen Zaion, im ioon stake ko an, [enaaj] maron̄ n̄an juon jojomar, im n̄an juon likōpejn̄ak jān lan̄ eo, im jān libabne n̄e naaj lutōkleplepļo̧k ilo ejjeļo̧k kāre ioon aolepān laļ.”⁵ “Illu” ilo melele in emaron̄ in alikkar āinwōt leen an ajeded aolep jikin kōn jab pokake kien ko im kien ko an Anij.

Men eo eaorōk tata, ain tok in ej n̄an un eo kōn bōktok kōjeramman im lo̧mo̧o̧r im mour indeeo eo ejjelok jemļo̧kin n̄an ro renaaj buki. Ej wāween eo kallimuur in bujen ko liļo̧k n̄an Ebream ej kam̧ooli. Irooj eaar ba n̄an Ebream bwe jen ineen im priesthood eo “aolep baamle ilo lal [renaaj] jeramman, ekoba kōjeramman an gospel, me rej kōjeramman ko an lo̧mo̧o̧r, im an mour indeeo.”⁶ Būrejteen Nelson ear kwaļo̧k ilo wāween in: “jej kaorōk gospel eo im peptaij, jej bōk iood make āt eo ekwojarjar etan Jisōs Kraist. Peptaij ej iaļ eo me ej tōlļo̧k n̄an erom̧ rijolet ippān doon ro n̄an aolep kallim̧ur ko kar liļo̧k etto jān Irooj n̄an Ebream, Aisak, Jekab, im ro ineer.”⁷

Ilo1836,Moses ekar walokļo̧k n̄an Josep Smith ilo Kirtland Tampel eo im “liļo̧k … kii ko an aintok mweo imōn Israel jen mōttan ko emen ilo lalin.”⁸ Ejja ilo iien eo wōt, Elias ear walokļo̧k im “kōpellok kojpel eo an Ebream ilo epepen in, im ba bwe ilo kōj im ro ineed aolep epepen ko elkūd naaj jeramman.”⁹ Kōn malim in, jej kiō bōklo̧k gospel eo an Jisos Kraist—nuuj eo emman kōn lo̧mo̧o̧r ilo E—n̄an aolep mōttan ko im armej in lalin im aintok aolep ro remōnōnō n̄an lo bujen gospel eo. Rej erom r“o ineen Ebream, im Kabun̄ eo im aelōn̄ eo, im ro kelet in Anij.”¹⁰

Ejja ilo tōre eo wōt ilo Kirland Tampel, eo ekar rijilōk eo jen lan̄ kein kajillu ear waļo̧k n̄an Joseph Smith im Oliver Cowdery. Ij konono kōn rikanaan Elijah, im kōn malim im kii eo ear kōjeplaak tok eo ikōnaan konono kake ilo rainin.¹¹ Kajoor eo n̄an kajejjet kitien aolep kain̄i ko an priesthood im kobaik er ipen doon jimor ioon laļin im ilo lan̄—kajoor in liap eo—eaorōk n̄an aintok in n̄an kōbooj armej in bujen ro ilo jait ko jimor in rōn̄ōl in nuknuk eo.

Iiō ko mokta lok, Moronai ekar kalikar n̄an Josep Smith ke Elijah enaaj kar bōktok kii ko raorōk ikijen melim eo an priesthood: “Inaj lewaj n̄an eok Priesthood eo, jen pein Elijah eo rikanaan.”¹² Tok ālik Josep Smith ekar kōmeļeļeik: “Etke jilkintok Elijah? Kōnke ej kabjōr kii ko an malim n̄an kōmmane ilo aolep kain̄i ko an Priesthood eo; im [mae iien] ej iļo̧k malim, kain̄i eo ejab maron kōmman ilo wānōk”¹³—melelein bwe, kain̄i eo eban wōr kitien kiō im indeeo.¹⁴

Ilo juon katakin kiiō em̧ōj kōmālimi āinwōt eoon ko ilo Katak im Bujen Ko, Rikanaan eo eaar ba: “E maron̄ āinwōt n̄an jet bwe ej juon katak ekanooj bōllel im jej ekkōnono kake—juon kajoor eo ej ļo̧o̧ke ak liāpe ioon laļ im liāpe ilo lan̄. Mekarta, ilo aolep dettan ko an laļ, jabdewōt iien ke Irooj eaar leļo̧k juon tōre in bōk eddo an priesthood eo n̄an jabdewōt emmaan kōnn lukkuun revelesōn, ak jabdewōt kumi in emmaan, kajoor in kar leļo̧k iien otemjej.” Kōn menin, jabdewōt men em̧m̧aan rein rekar kōm̧m̧ane ilo maron̄, ilo etan Irooj, im kar lukkuun m̧ool im tiljek ilo aer kōm̧m̧ane, im kar kōm̧m̧ane juon ļo̧o̧k ekkar im tiljek kōn ejja men in wōt, eaar erom juon kien ioon laļ im ilo lan̄, im jamin kar maron̄ m̧anļo̧k, ekkar n̄an kean̄ ko an Jeova eļap.”¹⁵

Jej lōmnak kōn kajoor in liap bwe ej jerbal wōt n̄an jet kain̄i ko ilo tampel, ak malim in eaorōk n̄an kōm̧m̧an jabdewōt kain̄i rem̧m̧an im wōr kitier ālikin mej.¹⁶ Kajoor eo an liāp ej leļo̧k juon liāp ejejjet ioon peptaij eo am̧, n̄an waanjon̄ak, bwe maron̄ kile laļin im ilo lan̄. Aaet, aolep kain̄i ko an priesthood rej kōm̧m̧an um̧win kii ko an Būreejtōn ro an Kabun̄ in, āinwōt an Būreejtōn Josep Fielding Smith kōmeļeļeik, “E [Būreejtōn eo an Kabun̄ in] emōj letok n̄an kōj mālim eo, em̧ōj an likūti kajoor eo ilo priesthood eo ad, kōnke e eo ej kabwejer kii ko.”¹⁷

Ebar wōr juon un eaorōk ilo aiintok in an m̧weo im̧ōn Israel eo ewōr juon meļeļe ejenoļo̧k ilo ad kōnono kōn liap ioon laļin im ilo lan̄—meļeļe eo ekkal im kōjerbal tampel ko. Āinwōt an Rikanaan Josep Smith kar kōmeļeļeiki: “a kōttōpar eo n̄an aiintok doon … armej ro an Anij ilo aolepen laļin? … Kōttōbar eo ej n̄an kalōk n̄an Irooj juon em̧ ijo E emaron̄ kwaļo̧k n̄an armej ro An kain̄i ko ilo m̧weeo Im̧ōn im aiboojoj ko ilo aelōn̄ in kiin̄ eo An, im katakin armej kōn iaļen lo̧mo̧o̧r; bwe ewōr jet kain̄i ko im pedped ko me, bwe n̄e raar ekkatak im kar kōm̧m̧ani, eaikuj in kōm̧m̧an ilo juon jikin ak m̧weeo kar kalōke kōn un in.”¹⁸

Tokjen eo elap kōn kajoor in liap ej leļo̧k priesthood n̄an kain̄i ko ekoba, aet, kajjojo kain̄i ko kōm̧m̧ani n̄an ro remej ilo juon jikin eo kōjōnoļo̧ke jen Irooj—tampel eo An. Ijin jej lo kajoor im kwōjarjar eo an kajoor in liap—ej kōm̧m̧an lo̧mo̧o̧r n̄an armej im baamle ren kanooj uteij im jon̄an aer itok n̄an ajiri ro nejin Anij ijoko otemjej im iien otemjej remaron̄ kar mour ioon laļin. Ebar ejjeļok katak ak tōmak ak malim emaron̄ tōbar jon̄an lap an jeraam̧m̧ān in kūtbuuj elōn̄ men ko. Kajoor in liap in eweppān ekalikkar ekajet, tūriam̧o kake, im iakwe eo an Anij.

Ilo an wōr ipped kajoor in liap in, buruwōd ej make oktakļo̧k n̄an ro remootļo̧k imaad. Aiintok doon in ilo raan kein āliktata kōn bujen edōbļo̧ke rōn̄ōl eo. Ilo ekkar eo an Anij eweppān, ro remour reban maron̄ bōk mour indeeo ilo tarlepin ilo aer jab lolorjake jerbal ko kake “ro jemeer,” ro nukud. Āindein, jibarbar eo an ro emōj aer ped kadede itu jo raejet, ak ro remaron̄ ellā ļo̧k ilo rōn̄ōl eo ilo iien aer mej ak rar jab amen jeraam̧m̧an in kōn liap, elikjab mae iien kain̄i ko raorok rej lukōj er ippān ro ineer, im kōj ipper ilo ekkar eo ekwojarjar.¹⁹ Kōtōbar eo n̄an jiban̄ doon itu raejet in rōn̄ōl eo jim̧ōr emaron̄ in jab alikkar ej mōttan bujen eo, mōttan eo ekāāl im ejjeļo̧k jemļo̧kin. Ilo naan an Josep Smith, jekōņaan “liape ro rukud remej bwe ren itok [n̄an ipād] ilo jerkakpeje eo.”²⁰

Men eo ilōn̄ tata im ekwojarjar tata ej alikkar ilo kajoor in liap eped ilo ippān doon an em̧m̧aan im kōra ejjeļok jemļo̧kin ilo pelele ko aer im aer kobaik armej ippān doon ilo aolep epepen. Kōnke mālim kein leļo̧k ilo kain̄i kein relukkuun ekwojarjar, Būreejtōn eo an Kabun̄ e make ej lale ļo̧k n̄an ro jet n̄an leļo̧k. Būreejtōn Gordon B. Hickley ekar ba ilo juon iien, “Ikar bar ba elōn̄ alen ke n̄e ejjelok bar jabdewōt men itok jen buromōj im jerata im en̄taan ko jen mour in innem kajoor in liap eo ilo priesthood eo ekwojarjar n̄an lukwōj baamle ko n̄an indeeo, enaaj kar wōr tokjen aolep men ko kar kōm̧m̧ani.”²¹

Ilo an ejjelok liap eo ej kōmman baamle indeeo im kobaik epepen ko ijin im ijen, jenaaj kar ped wōt ilo jōkjōk in indeeo eo ejjelok raan ak okran—meļeļein, ejjeļo̧k jined im jemed ak ejjelok ineed. Ejjelok wāween-ebebe, armej ro raajimakeke, ilo juon wāween, ak ippān doon eo ekajejtokjen pelele im jemdoon eo Anij ekar karōke,²² ilo bar juon wāween, ekajej tokjen likkuun unleplep in kōm̧anm̧an eo an laļ. En ke kar aikuj erōm̧ wāweeb in, enaaj kar kanooj bōktok jorren im kakkure kōn lia ak jej “lukkuun tokjen” ilo itok eo an Irooj.²³

Jemaron̄ lo unin “m̧are ikōtaan juōn em̧m̧aan im juōn kōrā ej kapit jān Anij im bwe baam̧le eo ej dilepen karōk eo an Rikōm̧anm̧an eo n̄an jipadpad eo n̄an mour indeeo an ajri ro Nejin.”²⁴ Ejja ilo iien in wōt, jej kile ilo an jab jejjet jōkōk eo an, ejjab lukkuun m̧oolin ak bōlōn epen an jerbal n̄an jet. Ak ewōr ad kōjatdikdik ilo Jisōs Kraist. Ilo ad kōttar tok Irooj, Būrejteen M. Russell Ballard ej kakeememej kōj bwe “jeje ko rekwojarjar im rikanaan ro ilo raan ko āliktata rej kapen bwe eo ej tiljek ilo kōjparok bujen ko an gospel eo naaj wōr an iien em̧m̧an n̄an mour āinwōt Anij.”²⁵

Jet em̧ōj aer en̄ajke jab m̧ōņōņō im jab ejmour ilo wāween ko an baamle im ikdeelel jidik n̄an men ko an baamle n̄an indeeo. Elder David A. Bednar ekar etale menin im loe bwe: “Kwe eo me emōj am en̄jake buromōj kōn jepel ilo baamle eo am ak en̄jake metak itok jen kakure lōke, jouj im kememej [bwe karōk eo an Anij n̄an baamle ko] ej bar ijino ibam! Juon ekkjel ilo ekeitak eo an epepen ko emaron̄ in kar tum, ak kōkeitak ko rōwenōk ekoba ko rej mōttam wōt ekejel in rebareinwōt aorōk n̄an indeeo. Komaron̄ kōkajoorļo̧k kōtaan eo am ak bolen bar jiban kōkōmanmanļo̧k kōkeitak ko rerub. Jerbal in emaron̄ tōbrak juon iļļo̧k juon.”²⁶

Ilo kar ilomej eo an sister Pat Holland, kōra eo ippān Elder Jeffrey R. Holland, julae eo lok, Būrejeen Russell M. Nelson ekar katakin: “Juon iien, Patricia im Jeffrey renaaj bar ioon doon. Renaaj tokālik bar koba ippān ajiri ro nejier im ro ineer ilo bujen eo aer n̄an en̄jake tarlep in m̧ōņōņō eo Anij ej kakon n̄an ajiri ro Nejin. Ilo ad jela menin, jej melele ke tōre eo eaorōk tata ilo mour eo an Patricia ekar jab raan in ļōtak eo an ak raan in mej eo an. Raan eo eaorōk tata ippān ekar Juun 7, 1963, me erro kar Jeff liap ilo St. George Temple eo. … Etke eļap an aorōk? Kōnke lukkuun un eo in laļin ekar kōm̧m̧an ej baamle ko ren ejak im liap ippān doon. Lo̧mo̧o̧r ej juon men eo eaorōk n̄an kajjojo armej, mour ijo eutiejtata ej juon men eaorōk n̄an baam̧le. Ejjeļo̧k juon emaron̄ mour ijo eutiej tata make iaan.”

Jet iien remootļo̧k, lio pāleeō im n̄a kar kobaļo̧k ippān juon m̧ōttam ilo ruum in liap eo ilo Tampel eo ilo Bountiful Utah. Ikar jino ioon in mōtta ke ekar juon leddik jidkdik ilo Cordoba, Argentina. Mijinede kam̧panien eo aō im n̄a kar kajeon in tōpar armej ro rej jo̧kwe iturin wōt mijen opiij eo, im e eo ekar kōpeļo̧ke kojem eo ke komro ekar etal n̄na m̧weo im̧ōn. Ālikin jet ko iien, e kab jinen im ro jein im jatun kar koba tok ilo Kabun̄ in, im rekab de membōr ro retiljek. Kiiō ej juon kōra em̧m̧anm̧ōn, im rainin kōm kar ped ilo tampel in liape jinen im jemen ippān doon im liape e n̄an jinen im jemen.

Ruo ripelele ro iumin iiō ko maantak rar erom mōttan ro rebaak rar tarrin jinen im jemen ilo lokatok eo. Ekar juon iien ekamōnōnō im ekar laplok an em̧m̧an ālikin an leddik in argentina eo liap ippān jinen im jemen. Kar komean wot jilijino ekar pād ilo ālikin rālep eo ejeļo̧k keroro ejenoļo̧k jen laļin, im aaet juon iaan men ko eļap aorō rekar bōk jikin ilo laļin ekar bōk jikin. Ikar kanooj emōnōnō bwe kar eddo eo aō im jemjera eo aō ejjejet im kiō likieo jen aō kar kōlalal ilo kōjam eo ke ikar juon mijinede edik tok n̄an kiō, iiō kein rōllōn̄ maantak, lolorjake kain̄i ko n̄an kobaiki leddik eo ipen jinen im jemen im epepen ko lok imaan.

Jekjek eo in ej bōk jikin aolep iien ilo aolepen pelaakin lalin ilo tampel ko. En̄in ej bun̄ten eo eaorōk ilo aiintok armej in bujen ro. Ej jeram̧m̧an eo elap tata ilo am uwaan Kabun̄ eo an Jisōs Kraist. Ij kalimuur bwe ilo am likuun kabukōt jeramman in ilo tōmak, juon iien ak ilo mour indeeo eo enaaj iwōj bwe en mweiōm.

ij kamool bwe kajoor in liap im malim eo emō bar jeblaak tok n̄an lalin kōn Josep Smith rej likkun mol, im men eo emōj kapen ion lal ebareinwō moj kapen ilo lan̄ Ij kam̧ool bwe Būreejtōn Russell M. Nelson, āinwōt Būreejtōn eo an Kabun̄ in, ej em̧m̧aan eo wot ioon laļin rainin bwe kōn kii ko an ej tōl n̄an kōmālim im kōjerbal kajoor in ejej uwaan. Ij kam̧ool bwe Pinmuur eo an Jisōs Kraist, ej kōmman bwe mour in jab wabanban en maron̄ kakurmool jōmdoon ko an baamle ko ilo mour eo euteej tata. Ilo etan Jisōs Kraist, amen.