Kweilo̧k Eo Eļap
Irooj, Kōm Kōņaan Lo Jisōs
Oktoba 2023 kweilo̧k eo eļap

Irooj, Kōm Kōņaan Lo Jisōs

Jān Elder Robert M. Daines

Jān Jiljilimjuonn̄oul eo

Jekōņaan loe Jisōs kōn lukkuun wōn E im n̄an en̄jake iakwe eo An.

Pilo ilo Mej

Juon raan ilo spring ilo 1944, juon likao ekar rūj ilo hospital eo an military. Ekar jeram̧m̧an bwe emour—ej kab m̧ōj buki tulikin lo̧jiln̄in, ak taktō ro rekar kōm̧adm̧ōde, im kiiō emaron̄ etetal im kenono āinwōt m̧okta.

Joreen eo, jōōt eo em̧ōj an ko̧kkure m̧ōttan eo ilo kemlij eo an me ej kile mejen armej. Kiiō ej kalimjek kōrā eo pāleen kōn ejjeļo̧k kile, ejjab maron̄ kile jinen make. Em̧ool bar mej eo ilo kilaaj eo ejjab kile—ejjab jeļā eļan̄n̄e ej juon em̧m̧aan ak juon kōrā.1

Em̧ōj an kiiō jab kile mej ko—juon nan̄inmej eo me ejelet milien armej ro.2

Armej ro rej ioon nan̄inmej in jab ememej mej ko rej kajjeon kile ro jet jān aer kakemeemej kakien ko—juon ruul n̄an kemeemej juon nejier leddik jān annan̄ ko ilo tūrin mejān ak juon m̧ōttāer jān ainikien an etetal.

Rūttoļo̧k

En̄in bwebwenato eo kein karuo, eļap aō epaake: Āinwōt juon ļaddik jidikdik, ekkā aō lo jinō āinwōt rikōm̧m̧an kakien ko. Ekar kāālet n̄eet eo imaron̄ ikkure im n̄eet eo ij aikuj kiki ak, eo enana tata, kūņtak ujooj nam̧ōjen m̧weo.

Alikkar an kar iakwe eō. Ak emakijkij im ij jook, ikar lo wōt e āinwōt “E Eo Aikujin Pokake.”

Ilo wōt iiō ko tokālik ikar lo e āinwōt juon m̧oolin armej. Ij jook bwe ikar jab kile en̄taan eo an ak ļōmņak etke ilo iiō ko wōj ekar kōņake im āliji wōt ruo likko ko rem̧ōr (ak ij ekkōņak nuknuk kāāl n̄an jikuuļ) ak etke, ālikin juon raan, ekar lukkuun m̧ōk im lukkuun kōņaan bwe en m̧ōkaj aō etal im kiki.

Jemaron̄ Pilo ilo Kalimjek Mej ko

Bōlen em̧ōj am̧ kile bwe bwebwenato kein ruo rej juon wōt bwebwenato—ilo elōn̄ iiō ko, ikar, ilo m̧ool, pilo ilo kalimjek mej ko. Ikar likjab n̄an loe jinō āinwōt juon m̧oolin armej. Ikar loe kakien ko an bōtaab ikar jab loe iakwe eo an ilo er.

Ij ba n̄an kom̧ bwebwenato kein n̄an kalikkar juon men: Ij en̄jake bwe kwojeļā juon armej (bōlen kwoj juon armej) eo ej en̄taan jān juon pilo ilo jab kile mej ko ilo jetōb.

Kwomaron̄ apan̄ n̄an loe Anij āinwōt juon Jemā eo ej iakwe. Komaron̄ kalimjōk lan̄ļo̧k im loe ejjab mejen iakwe im tūriam̧o ak juon mar epok in kakien ko kwoj aikuj deplo̧ke. Bōlen kwoj tōmak Anij ej kōjebwebweik aelōn̄ in lan̄ eo An, ekōnono kōn rikanaan ro An, im iakwe sister eo am̧ ak kwoj ilo ittiņo kwoj ļōmņak eļan̄n̄e E ej iakwe eok.3 Emaron̄ em̧ōj am̧ en̄jake aen in dāpdep eo ilo peim ak kojan̄in en̄jake iakwe eo an Rilo̧mo̧o̧r n̄an ijo ej tōl n̄an e.4

Ij en̄jake ke kwojeļā armej rōt in kōnke ilo juon tōre aitok, n̄a ikar juon armej rōt in—ikar pilo ilo kalimjek mej ilo jetōb.

Ij ba wōt mour eo aō ekar kōn lo̧o̧re aolep kakien ko im tōpar katak ko repen. Ikar jeļā bwe Anij ej iakwe eok ilo weppān ak ikar jab en̄jake ippa make. Ij mijak bwe ikar ļōmņak eļapļo̧k kōn aō etaļ n̄an lan̄ jān aō pād ippān Jemedwōj Ilan̄.

Eļan̄n̄e kwoj, āinwōt n̄a, maron̄ jet iien al wōt kōn tiem̧ ak jejjab “al al in iakwe epinmuur,”5 ta eo jemaron̄ kōm̧m̧ane?

Uwaak eo, āinwōt an Būreejtōn Russell M. Nelson kakeememej kōj, ej aolep iien Jisōs.6 Im menin ej nuuj eo em̧m̧antata.

Irooj, Kōm Kōņaan Lo Jisōs

Ewōr juon eoon ekadu ilo Jon me ij iakwe. Ej ba kōn juon kurup in ruwaimejet ro rekar jibadōkļo̧k juon rijilōk kōn juon kajjitōk aorōk. “Irooj,” rej ba, “kōm kōņaan lo Jisōs.”7

En̄in ej ta eo jej aolep kōņaan—jekōņaan loe Jisōs kōn lukkuun wōn E im n̄an en̄jake iakwe eo An. Ej aikuj un eo in n̄an eiten aolep men jej kōm̧m̧ane ilo Kabun̄ in—im em̧ool ilo iien kweilo̧k in kwojkwoj eo. Eļan̄n̄e ewōr iien kwoj ļōmņak ta kain katak eo n̄an katakin, ta kain kweilo̧k eo n̄an karōke, im eļan̄n̄e n̄an bōjrak jān deacon ro im ikkure dodgeball, kwomaron̄ bōk eoon in āinwōt juon am̧ tōl: menin enaaj ke jipan̄ armej loe im iakwe Jisōs Kraist? N̄e ejjab, kajeon bar juon men.

Ke ikar kile bwe ikar pilo ilo kalimjek mej ilo jetōb, bwe ikar loe kakien ko ak ejjab mejen tūriam̧o eo an Jemed, ika jeļā bwe ejjab kar an Kabun̄ in bōd. Ekar jab an Anij, im ejjab meļeļein aolep men rekar jako; ej juon men kōj aolep aikuj ekkatak. Aaet rikam̧ool ro m̧okta n̄an Jerkakpeje eo ekkā aer ioone ippān Irooj eo em̧ōj an jerkakpeje ak rejjab kile E; jān Jikin Kallūb n̄an iparijet in Galilee, rikaļoor ro An jinoin rekar “lo Jisōs e jutak, im jaje e Jisōs.”8 Rekar aikuj ekkatak n̄an kile E, im jej aikuj bar.9

Iakwe Em̧ool

Ke ikar kile bwe ikar pilo ilo kalimjek mej ilo jetōb, ikar jinoe ļoor naan in kapilōk eo an Mormon n̄an jar “kōn aolep kajoor in bōro” n̄an obrak kōn iakwe eo kar kallimuri rikaļoor ro An—iakwe eo aō n̄an E im iakwe eo An n̄an n̄a—im n̄an “lo E ilo likkuun nememen.”10 Elōn̄ iiō ikar jar n̄an aō maron̄ ļoor kien eo eļap m̧oktata n̄an iakwe Anij im n̄an en̄jake “m̧ool eo jinointata bwe Anij ej iakwe kōj kōn aolepān Būruwōn maron̄, ļōmņak, im kajoor.”11

Gospel ko

Ikar barāinwōt riiti im bar riiti im bar riiti Gospel ko emān—iien in riit ejjab n̄an joļo̧k kien ko ak n̄an loe won E im ta eo E ej iakwe. Im, ilo jejjōt in iien, kar bun̄ūtļo̧k eō kōn reba in iakwe eo me ej to̧o̧rtok jān E.

Jisōs ekar kōjjeļā ilo kar jinoe ke E ekar itok “n̄an kōtḷọk n̄an ro rej mour wōt, im loḷọkjeṇ n̄an ro re pilo.”12

Men eo ekar jab baj wōt juon laajrak in men ko aikuj kōm̧m̧ane ak n̄an kakōm̧anm̧an etan; ej jekjek in iakwe eo An

Kajidede kōpeļo̧k Gospel ko; ilo eitin aolep peij ko jej loe An kea kōn armej ro rej en̄taan—ilo en̄jake, jetōb, im ānbwin. Ekar un̄ur armej ro kar kile ke rekauwōtata im rejjab erreo13 im naajdik ro rekwole.14

Bwebwenato ta eo em̧m̧an tata ippam̧ kōn Jisōs? Ij ļōmņak ej kwaļo̧k an Nejin Anij atbo̧kwōj juon armej eo rej jab kile ilo juon jukjukin pād—eo ekar lōba,15 Risameria eo kar dike,16 rijerawiwi eo ekar pukōt ruōn im jaje lo em̧m̧an,17 ak rikōjrat eo.18 Kain jouj rōt in eļap an kabwilōn̄lōj.

Kajjeon̄ je aolep iien E ej nōbar im kōmour ak m̧ōn̄ā ippān juon ruwamaijet, im enaaj maat kobban kein jeje eo am̧ m̧okta jān am̧ etal jān Luk.

Ke ikar loe menin, kar ļōn̄aj būruo kōn iakwe, im ikar jinoe n̄an en̄jake bwe E emaron̄ bar iakwe Eō. Āinwōt an Būreejtōn Nelson kar katakin, “Ilo an ļapļo̧k am̧ ekkatak kōn RIlo̧mo̧o̧r, enaaj pidodoļo̧k n̄an lōke tūriam̧o eo An, iakwe eo An eļap.”19 Im enaaj ļapļo̧k am̧ lōke im iakwe Jem̧ōm̧ Ilan̄.

Elder Jeffrey R. Holland ekar katakin kōj bwe Jisōs ekar itok bwe en kwaļo̧k n̄an “kōj wōn im ta eo Anij Jemed Indeeo ej āinwōt, ewi jon̄an an wūjlepļo̧k An n̄an ajri ro Nejin ilo aolep tōre im laļ.”20

Paul ej ba Anij ej “Jemān tūriaṃokake, im Anij in aenōṃṃan otemjej.”21

Eļan̄n̄e ej oktak am̧ lo E, jouj kajjeon̄ wōt.

Bujen ko im Kea an Anij

Rikanaan ro rej rōjan̄ kōj n̄an kapukōt Mejen.22 Ij bōk menin āinwōt juon kakeememej bwe jej kabun̄jar n̄an Jemed, ejjab juon formula, im bwe eban jemļo̧k m̧ae iien jenaaj Jisōs ilo mejen iakwe eo an Jemen23 im ļoor E, ejjab kakien ko An wōt.24

N̄e rikanaan ro im rijilōk ro rej kōnono kōn bujen, rejjab āinwōt coach ro rej lam̧ōj [ijo rej aenōm̧m̧an ie] jān jikin jijet eo, ba n̄a kōj n̄an “kajjeon̄ eļapļo̧k!” Rej kōņaan bwe jen lo bujen ko ad relukkun aorōk kōn jemjerā ko25 im emaron̄ erom̧ juon kein kōmour n̄an mej ko repilo ilo jetōb.26 Rejjab kakien ko n̄an bōk iakwe eo An; E em̧ōj kadede an iakwe kōj ilo wānōk. Apan̄ eo ej n̄an kar m̧eļeļe im innam kakōm̧anm̧an mour eo aō n̄an iakwe eo.27

Jej kajjieon̄ kalimjōke kōn bujen ko, āinwōt eļan̄n̄e ilo juon winto, n̄an mejen tūriam̧o̧ eo an Jemen iliin.

Bujen ko rej jekjek in an Anij nōbar.

“Reba” in Iakwe eo an Anij

Āliktata, jemaron̄ loe E ilo ad jerbal n̄an E. “Bwe ekōjkan an juon armej jeļā karo eaar jab jerbal n̄an e?”28

Jejjo iiō remootļo̧k, ikar bōk juon kūr ikar jab en̄jake aō pojak n̄ane. Ekar m̧ōkaj aō rūj, ikūm̧kūm̧—ak kōn juon enaan ilo ļōmņak eo aō ijjan̄in kar ron̄ m̧okta: bwe n̄an jerbal ilo Kabun̄ in ej n̄an jutak ilo reba in iakwe eo an Anij n̄an ajri ro Nejin. Kabun̄ in ej juon kumi in rijerbal in armej ro ippān kein jerbal im jabōļ ko kajjeon̄ n̄an jipan̄ karreoik to̧o̧rtok eo an reba in iakwe eo an Anij n̄an tōparļo̧k ajri ro Nejin ilo jem̧ļo̧kin ļain eo.

Jekdoon won kwe, jekdoon ta eo eaar waļo̧k n̄an kwe m̧okta, ewōr ruum n̄an kwe ilo Kabun̄ in.29

Bōk juon ūlūl im juon jabōļ im kobatok ilo tiim in. Jipan̄ ineek iakwe eo An n̄an ajri ro Nejin im jidikin enaaj lutōk waj n̄an ioom̧.30

Jen jim̧ōr kappukot Mejen, kaorōk bujen eo An, innām koba maron̄ ippān ajri ro Nejin, im ippān doon jenaaj al “Dri Binmuren Israel”:

Restore, my dear Savior,

The light of thy face;

Thy soul-cheering comfort impart.

And let the sweet longing.

For thy holy place

Bring hope to my desolate heart.31

Kōm̧m̧an bwe jen kappukot Mejen im jāpe ko an tūriam̧o eo An n̄an ajri ro Nejin.32 Ilo etan Jisōs Kraist, Amen.

Kakeememej ko

  1. Lale Hadyn D. Ellis and Melanie Florence, “Bodamer’s (1947) Paper on Prosopagnosia,” Cognitive Neuropsychology, vol. 7, no. 2 (1990), 84–91; Joshua Davis, “Face Blind,” Wired, Nov. 1, 2006, wired.com.

  2. Lale Dennis Nealon, “How Common Is Face Blindness?,” Harvard Medical School, Feb. 24, 2023, hms.harvard.edu; Oliver Sacks, “Face-Blind,” New Yorker, Aug. 23, 2010, newyorker.com.

  3. “Jet membōr in Kabun̄ in rej bōk āinwōt katak eo em̧ool, pedped in katak ko, im naan in kam̧ool ko kar ālijin kean̄ kaki jān jikin kōnono in ilo Im̧ōn Kweilo̧k in im ilo jarlepju ko ijo jokwe ie ipeļaakin laļ in—im aaet elōn̄ ļon̄tak n̄an tōmak m̧ool kein indeeo rej jerbal eļap tata ilo mour ko aer im n̄an jekjek ko aer” (David A. Bednar, “Kwo Naaj Jokwe ilo N̄a, im N̄a ilo Kwe; Kōn Menin Etetal Ippa,” Liaona, Māe 2023, 125).

  4. Lale 1 Nipai 8:19; 15:23. “Epen n̄an kōjparok kien ko an Irooj eļan̄n̄e ejjeļo̧k tōmak im lōke ilo E” (Henry B. Eyring, “Tōmak eo n̄an Kajjitōk Innām n̄an Kōm̧m̧ane,” Liaona,Nob. 2021, 75).

  5. Alma 5:26.

  6. Lale Russell M. Nelson, “Uaak eo Ej Aolep Iien Jisōs Kraist,” Liaona, Māe 2023, 127–28.

  7. Jon 12:21.

  8. Jon 20:14. Rekar loe ak rekar jaje won E ilo ial eo an Emmaus (lale Luk 24:16), ilo juon ruum elak (lale Luk 24:37), ioon parijet Galilee (lale John 21:4), ilo Garden Tomb (lale John 20:14).

  9. Eļan̄n̄e jej kappukot E kōn aolepen būruwōd im etal wōt ilo tōmak, naaj lo E.

    “Bwe Ña, I jeḷā kōttōpar ko Aō kōn koṃ,” Jeova ej ba, “kōttōpar in aenōṃṃan im jab ñan jorrāān. …

    “Im koṃnaaj pukot Eō im lo Eō ñe koṃnaaj pukot Eō kōn aolepen būruōmi” (Jeremaia 29:11, 13).

    “Raan eo enaaj itok n̄e kom̧ naaj bmeļeļe em̧ool Anij, kōnke kom̧ naaj kōmour ilo E im jān E.

    “Innām kom̧ naaj jeļā bwe em̧ōj ami lo Eō, bwe N̄aij mour,” (Katak im Bujen Ko 88:49–50).

    “Jabdewōt armej eo ej aeļļo̧k jān jero̧wiwi ko an im itok n̄an Eō, im bkūr ioon Eta, im cpokake Ainikiō, im kōjparok kien ko Aō, enaaj dlo turun eMeja im jeļā bwe N̄aij mour;” (Katak im Bujen Ko 93:1).

  10. Moronai 7:48. Paul ej barāinwōt ikkijele iakwe em̧ool ippān ad maron̄ n̄an alikkar ad loe. Ilo jemļo̧kin kōnono eo an eļap kōn iakwe em̧ool, ekar jeki bwe mekarta “bwe kiiō jej lo ilo glass im e tab” jenaaj tokālik loe “a ilo iien eo jelṃae doon: … ; kiiō I jeḷā jimattan, a iien eo inaaj kanooj jeḷā āinwōt rej bar kanooj jeḷā ña” (1 Corinthians 13:12).

  11. Jeffrey R. Holland, “Tomorrow the Lord Will Do Wonders among You,” Liahona, May 2016, 127. “The greater definition of ‘the pure love of Christ’ … is not what we as Christians try but largely fail to demonstrate toward others but rather what Christ totally succeeded in demonstrating toward us. True charity has been known only once. It is shown perfectly and purely in Christ’s unfailing, ultimate, and atoning love for us” (Jeffrey R. Holland, Christ and the New Covenant: The Messianic Message of the Book of Mormon [1997], 336).

  12. Luk 4:18, New King James Version.

  13. Lale Matu 8:3; 9:25.

  14. Lale Matu 14:13–21.

  15. Lale Matu 8:1–3..

  16. Lale John 4:7–10; Eaar nōbar Samaritan (lale Luk 10:25–37).

  17. Lale Matu 21:31; Luk 7:27–50; 15:1–10; Jon 8:2–12.

  18. Lale Matu 8:5–13.

  19. Russell M. Nelson, “Kraist Em̧ōj An Jerkakpeje; Tōmak Ilo E Enaaj Kōm̧akūt Toļ ko,” Liaona, Māe 2021, 103.

  20. Jeffrey R. Holland, “The Grandeur of God,” Liahona, Nov. 2003, 70. “Eo ear lo Ña, ear lo Jema” (Jon 14:9).

  21. 2 Korint 1:3.

  22. Lale Sam Ko 27:8; Katak im Bujen Ko 88:68.

  23. Lale 2 Korint 4:6; Pope Francis, “Misericordiae Vultus: Bull of Indiction of the Extraordinary Jubilee of Mercy,” Apostolic Letters, vatican.va.

  24. En̄in ej juon unin tōl eo aorōk. Ej jab wōt jerbal in lo̧mo̧o̧r im mour ilo aiboojoj eo eutiejtata ak An jerbal (lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, 1.2, Gospel Ļāibrāre). Ijjab wōt etaļ n̄an tampeļ ak n̄an im̧ōn Irooj; ejjab Kabun̄ eo an Mormon ak Kabun̄ eo an Jisōs Kraist (Lale Russell M. Nelson, “Jim̧we in Etan Kabun̄ in,” Liaona, Nob. 2018, 87–89). Ritōl ro ad rej jitōn̄ļo̧k kōj n̄an E im bar kakeememej kōj bwe “Ejjeļo̧k jon̄ak n̄an armej ņae etan ‘Pinmuur eo’ eo me jemaron̄ kūr n̄ane kōn jipan̄, kōmour, jeorļo̧k bōd, ak kajoor. Jisōs Kraist ej Unjen Men Otemjej” (Russell M. Nelson, “Bōktok Kajoor eo an Jisōs Kraist ilo Mour ko Ad,” Liaona Māe 2017, 40).

  25. “Iaļ in bujen eo ej kōn jemjerā eo ad ippān Anij”; ej “juon iaļ in iakwe … meanwōd in kea eo n̄an im kappukōtļo̧k doon.” (Russell M. Nelson, “Bujen Ejjeļo̧k Jem̧ļo̧kin,” Liaona, Okt. 2022, 11).

    Lale David A. Bednar, “The Blessed and Happy State” (address given at the seminar for new mission leaders, June 24, 2022); Scott Taylor, “Elder Bednar Shares 7 Lessons on ‘the Blessed and Happy State’ of Obedience,” Church News, June 27, 2022, thechurchnews.com.

    “Entering into sacred covenants and worthily receiving priesthood ordinances yoke us with and bind us to the Lord Jesus Christ and Heavenly Father. This simply means that we trust in the Savior as our Advocate and Mediator and rely on His merits, mercy, and grace during the journey of life. …

    “Living and loving covenant commitments creates a connection with the Lord that is deeply personal and spiritually powerful. … Jisōs eaar erom̧ juon armej epād ilo bwebwenato ko ilo jeje ko rekwojarjar; waanjon̄ak im katak ko an rej im̧we aolep ikdeleel, ļōmņak, im kōm̧m̧an ko ad.” (David A. Bednar, “A Kōm Ar Jab Eo̧ron̄ Er,” Liaona, Māe 2022, 15).

    Bar lale D. Todd Christofferson, “Jemdo̧o̧n eo Ad ippān Anij,,” Liaona, Māe 2022, 78–80.

  26. “Im ijello̧kun kain̄i ko ie, im maron̄ eo an priesthood eo, kajoor in āinwōt anij ej jab waļo̧k n̄an armej raņ ilo kanniōk;

    “Bwe ijello̧kun men in ejjeļo̧k armej emaron̄ lo turin mejān Anij, em̧ool Jemān, im mour”(Katak im Bujen Ko 84:21–22).

  27. Patricia Holland, “A Future Filled with Hope” (worldwide devotional for young adults, Jan. 8, 2023), Gospel Library:

    “Kwojjab aikuj tarpok n̄an kappukot [kōjatdikdik eo me Enaaj jipan̄ eok]; kwojjab aikuj im kwojjab maron̄ kūne. Like so much in the realm of grace, you won’t acquire it by leaning on your own strength or on that of another person. There are no secret formulas or any magical mantras involved. …

    “In fact, the part we play is important but actually very small; God has the larger portion of the task. Our part is to come unto Him in lowliness and simplicity, then we should worry not and fear not.”

  28. Mosaia 2:41; bar lale Jon 17:3.

  29. President Nelson has repeatedly called on us to “expand our circle of love to embrace the whole human family” (“Blessed Are the Peacemakers,” Liahona, Nov. 2002, 41). In May 2022 he told young adults that “labels can lead to judging and animosity. Any abuse or prejudice toward another because of nationality, race, sexual orientation, gender, educational degrees, culture, or other significant identifiers is offensive to our Maker” (“Choices for Eternity” [worldwide devotional for young adults, May 15, 2022], Gospel Library). Im eo aorōktata, ekar ba: “Ij būrom̧ōj bwe ro jeid im jatid Rikilmeej bwe aolepen laļin rej nikniki metak ko kōn kil im kalijōkļo̧k. Rainin ij kūr n̄an aolep membōr ro ad ijoko jabdewōt n̄an joļo̧k m̧wiļ im m̧akūtkūt ko renana n̄an kalikjōkļo̧k. Ij akweļap ippāmi n̄an kautiej aolep ro nejin Anij” (“Anij En Anjo̧,” Liaona, Nob. 2020, 94).

    “Kalijōkļo̧k eban jejjet ippān naan eo an Anij. Em̧m̧an im jab em̧m̧an ippān Anij ej pedped ioon wujlepļo̧k n̄an E im kien ko An, ejjab kōn kōļar in armej ak m̧wiļ ko jet.

    “…Ekoba kalijōkļo̧k jekdo̧o̧n armej, m̧wiļ, laļ, bwij, m̧aan ak kōrā, dettan, utam̧we, paoktokier, tōmak ak jab tōmak, im m̧wiļ.” (Bok in Bōk Meļeļe Eļap, 38.6.14, Gospel Ļāibrāre).

  30. Lale 1 Nipai 11:25.

  31. “Ri Binmur in Israel,” Hymns, no. 6.

  32. Lale Rom 9:23.