ជំពូក ២៧
ការធ្វើកិច្ចការរបស់ព្រះវរបិតាទ្រង់នៅលើផែនដី
នៅថ្ងៃបុណ្យមួយរបស់សាសន៍យូដា ព្រះអង្គសង្គ្រោះបានយាងទៅឯស្រះទឹកបេថែសដានៅក្រុងយេរ៉ូសាឡិម ។ ប្រជាជនបានគិតថា នៅពេលទឹកក្នុងស្រះកម្រើក អ្នកណាដែលចុះទៅក្នុងទឹកនោះមុនគេក៏បានជាស្អាតពីជំងឺ ។
ព្រះយេស៊ូវបានទតឃើញបុរសម្នាក់ក្បែរស្រះទឹកនោះ ដែលមានជំងឺមិនអាចដើរបានអស់ ៣៨ ឆ្នាំមកហើយ ។ កាលនោះចំថ្ងៃឈប់សម្រាក ។ ព្រះយេស៊ូវបានមានបន្ទូលសួរថាតើបុរសនោះចង់ជាឬទេ ។ បុរសនោះបានទូលថា គាត់មិនអាចជាបានទេ ព្រោះគាត់មិនអាចចុះទៅក្នុងទឹកបានមុនគេឡើយ ។
ព្រះយេស៊ូវបានមានព្រះបន្ទូលទៅគាត់ថា « ចូរក្រោកឡើងយកគ្រែអ្នកដើរទៅ » ។ ស្រាប់តែបុរសនោះក៏បានជាភ្លាម ។
ពួកសាសន៍យូដាជាច្រើននាក់បានជឿថា វាជាអំពើបាបមួយដែលសម្ដែងអព្ភូតហេតុនៅចំថ្ងៃឈប់សម្រាក ។ ពួកគេមានបំណងធ្វើគុតព្រះយេស៊ូវ ។
ព្រះយេស៊ូវបានមានបន្ទូលតបថា នៅថ្ងៃឈប់សម្រាក ទ្រង់ធ្វើតែកិច្ចការណាដែលព្រះវរបិតាទ្រង់ធ្វើប៉ុណ្ណោះ ។