ជំពូក ៨
ស្ដេចហេរ៉ូឌដ៏ទុច្ចរិត
ពួកហោរាបានទូលប្រាប់ស្ដេចហេរ៉ូឌថា ព្រះយេស៊ូវនឹងក្លាយជាស្ដេច ។ ស្ដេចហេរ៉ូឌសព្វព្រះទ័យធ្វើជាស្ដេចតែមួយអង្គឯងគត់ ។ ទ្រង់បានបង្គាប់ពួកទាហាន ឲ្យសម្លាប់ទារកទាំងអម្បាលម៉ាននៅភូមិបេថ្លេហិម និង ដំបន់ក្បែរៗនោះ ។
ទេវតាមួយអង្គបានមានបន្ទូលប្រាប់យ៉ូសែប ឲ្យនាំម៉ារា និង ព្រះយេស៊ូវភៀសខ្លួនទៅអេស៊ីព្ទ ជាប្រទេសមួយឆ្ងាយពីភូមិបេថ្លេហិម ។ ស្ដេចហេរ៉ូឌនឹងមិនស្វែងរកព្រះយេស៊ូវនៅទីនោះទេ ។
យ៉ូសែបបានធ្វើតាម ។ គាត់ និង ម៉ារា ព្រមទាំងព្រះយេស៊ូវ បានស្នាក់នៅអេស៊ីព្ទកាលពួកទាហានរបស់ស្ដេចហេរ៉ូឌសម្លាប់ទារកទាំងអម្បាលម៉ាន នៅភូមិបេថ្លេហិម និង ទីកន្លែងក្បែរៗនោះ ។
បន្ទាប់ពីស្ដេចហេរ៉ូឌចូលទីវង្គត់ទៅ ទេវតាបានមានបន្ទូលប្រាប់យ៉ូសែប ឲ្យនាំព្រះយេស៊ូវ និង ម៉ារាត្រឡប់មកផ្ទះវិញ ។ យ៉ូសែបបាននាំអ្នកទាំងពីរទៅក្រុងណាសារ៉ែត ជាទីដែលព្រះយេស៊ូវមានសុវត្ថិភាព ។