ជំពូក ៥៩
សុលរៀនសូត្រអំពីព្រះយេស៊ូវ
រំពេចនោះ ស្រាប់តែមានពន្លឺមួយចាំងពីស្ថានសួគ៌ព័ទ្ធជុំវិញគាត់ ។ គាត់ក៏បានដួលទៅលើដី ។ បន្ទាប់មក សុលក៏បានឮព្រះសូរសៀងព្រះយេស៊ូវ មានបន្ទូលសួរអំពីមូលហេតុដែលគាត់ព្យាយាមព្យាបាទពួកបរិសុទ្ធ ។ សុលមានការភ័យខ្លាច ។ គាត់បានទូលសួរព្រះយេស៊ូវ ថាតើគាត់គួរតែធ្វើដូចម្ដេច ។ ព្រះអង្គសង្គ្រោះមានបន្ទូលថា សុលគួរតែទៅក្រុងដាម៉ាស ។ នៅទីនោះ សុលនឹងដឹងថាត្រូវធ្វើអ្វីហើយ ។
សុលបានបើកភ្នែក ប៉ុន្តែគាត់មើលអ្វីពុំឃើញទេ ។ ភ្នែកគាត់បានខ្វាក់ ។ អ្នករួមដំណើរគាត់ បាននាំគាត់ទៅក្រុងដាម៉ាស ។
សិស្សម្នាក់របស់ព្រះយេស៊ូវគ្រីស្ទឈ្មោះ អាន៉្នានាស បានរស់នៅក្រុងដាម៉ាស ។ នៅក្នុងការនិមិត្តមួយ ព្រះយេស៊ូវបានមានបន្ទូលប្រាប់អាន៉្នានាសឲ្យជួបសុល ។
អាន៉្នានាសមានបព្វជិតភាព ។ គាត់បានដាក់ដៃលើក្បាលរបស់សុល ហើយបានប្រសិទ្ធពរភ្នែកគាត់ត្រឡប់ជាភ្លឺឡើងវិញ ។ បន្ទាប់ពីអាចមើលឃើញវិញ សុលបានទទួលពិធីបុណ្យជ្រមុជទឹក ហើយបានទទួលអំណោយទានព្រះវិញ្ញាណបរិសុទ្ធ ។
សុលបានប្ដូរឈ្មោះទៅជាប៉ុល ។ គាត់ត្រូវបានហៅឲ្យបម្រើជាសាវកមួយរូប ។ គាត់បានក្លាយជាអ្នកផ្សព្វផ្សាយសាសនានៅក្នុងសាសនាចក្រ ។ គាត់បានសរសេរសំបុត្រជាច្រើន ។ គាត់បានទៅដែនដីជាច្រើន ហើយបានបង្រៀនដំណឹងល្អ ។