Resil li Departamento de Auditorías re li Iglees, 2019

Ex inraarookil was wiitz’in, jo’ naxye chaq sa’ jun k’utb’esinb’il na’leb’ sa’ li tasal 120 re li Tzol’leb’ ut Sumwank, li ch’utam b’ar wi’ taanawmanq k’a’ru taab’aanumanq rik’in li lajetqil—a’an li Xb’eenil Awa’b’ejil, lix Molameb’ li Kab’laju chi Apostol, ut li Obispil aj Jolominel—neke’xk’e xwankil chan ru taa’oksimanq li tumin re li Iglees. Sa’ li junjunq chi ch’uut re li Iglees neke’xjek’i li tumin a’ yaal jo’ naxye chaq sa’ li k’uub’anb’il na’leb’ re roksinkil li tumin, li eetalil k’utb’il, ut eb’ lix b’aanuhom k’ulub’anb’il xb’aaneb’.

Li Departamento de Auditorías re li Iglees, b’ar wi’ neke’k’anjelak tzolb’ileb chi kristiaan ut li moko b’aqb’il ta ru rik’ineb’ li komon chi ch’uut sa’ li Iglees, teneb’anb’il sa’ xb’een chixb’aanunkil li tz’ilok-ix ma k’uulanb’il chi us li maatan naqak’ul, chirilb’al chan ru natojman li junjunq chi k’anjel xb’aanuman, ut chirilb’al ut chixk’uulankil li eechej re li Iglees.

A’ yaal li auditoría li xb’aanuman, li Departamento de Auditorías re li Iglees naxye naq sa’ chixjunil li xnimal ru k’utb’il, li maatan k’ulb’il, li tumin tojb’il, ut li eechej re li Iglees sa’ li chihab’ 2019 xe’tz’iib’aman resil ut xe’oksiman a’ yaal jo’ naxye chaq li k’uub’anb’il na’leb’ re roksinkil li tumin, li eetalil k’utb’il, ut eb’ lix b’aanuhom k’ulub’anb’il xb’aan li Iglees. Li Iglees naxb’aanu li k’a’ru naxk’ut reheb’ li komon naq ink’a taqanumsi li sachok tumin chiru li naqanaw jarub’ taqak’ul, naq ink’a’ taqach’ik qib’ chi k’asok ut xk’uulankil b’ayaq choq’ re naq nachal li we’ej.

K’utb’esinb’il chi anchal qach’ool,

Departamento de Auditorías re li Iglees

Kevin R. Jergensen

Jolominel li ch’uut